Esdras 1:6 - WẼNNAAM SEBRE 2014

⁶ Bãmb yagsã fãa sõng-b lame, n kõ-b wanzuri ne sãnem teedo, la laog a taaba. B kõo bãmb rũmsi, ne teed wʋsg sẽn tar yõodo, n paas yamleoog kũuni, roogã meeb yĩnga.

SEBR SÕNGO

⁶ B yagsa fãa sõng-b lame wa b sẽn tõe ne b sãnem, b wanzurf, b koodo, b rũmsi, b laog ka tɛka, b yamleoog kũuni, Zerizalɛɛm wẽnd dooga yĩnga.

Esdras 1:6 Iomraidhean Croise

1 Kibayã 29:9

Nebã maana sũ-noog ne kũun nins b sẽn tall n wa ne yamleoogã, bala, yaa ne b sũyã fãa la b sak ne yamleoog n tall n wa kõ Sẽn-Ka-Saabo. Rĩm a Davɩɩd me sũurã yɩɩ noog hal wʋsgo.

Esdras 1:4

Israyɛll nebã sẽn be zĩig ning fãa, zĩ-kãng nebã tog n sõnga bãmba, n kõ-b wanzuri, sãnem, laog ne rũmsi. La b tog n kõ-b-la yamleoog kũun me, Zeruzalɛm Wẽnd doogã meeb yĩnga!»

Esdras 8:33

La rasem a naasã daare, tõnd kẽng n tɩ maga wanzuri wã ne sãnemã, la te-sõama wã tõnd Wẽnnaam doogã pʋgẽ, n yaool n dɩk-b n kɩs a Uuri biig a Meremot sẽn yaa maan-kʋʋdã. La neb nins sẽn dag n be ne yẽnda wã, yaa a Fine biig a Eleyazaar ne Leevi nebã, a Zozoe biig a Yozabaade, ne a Binui biig a Noadiya.

A Neemi 6:9

Sɩdã, nin-bãmbã fãa rag n makdame n dat n kẽes tõnd dabeem. Bãmb dag n tagsdame tɩ tõnd daoodã na n boogame tɩ d bas tʋʋmdã tɩ lʋɩ. «Moasã, Zu-soaba, mam kot-y lame tɩ y kõ maam pãnga.»

Yɩɩn‑sõamyã 106:46

Sẽn-Ka-Saab kɩtame tɩ neb nins fãa sẽn kẽes bãmb yembdã zoe bãmb nimbãanega.

Yɩɩn‑sõamyã 110:3

Fo sẽn na n tigim f tãb-biisã daare, gãndaad n na n paam sũ-noog tɩ yãag-f zabrẽ wã. Fo kom-bɩɩsã na n fõd n waa fo nengẽ Wẽnnaam tãngã zugu, wa tõd-beoog meenem sẽn dʋʋgde!

Yikri 12:35

Israyɛll nebã maana wa a Moyiis sẽn dag n yeelã. Bãmb kosa Ezɩpt nebã wanzuri ne sãnem teedo, la futu.

Yikri 12:36

Sẽn-Ka-Saab kɩtame tɩ Ezɩpt nebã nand Israyɛll nebã, la Ezɩpt nebã kõo bãmb bũmb nins b sẽn kosã. Dẽ, bãmb reesa Ezɩpt nebã sẽn dag n tarã fãa.

A Ezayi 35:3

Keng-y nus nins sẽn ka tar pãngã, la paas-y rũm nins sẽn keoosdã pãnga.

2 Korẽnt rãmba 9:7

Bɩ ned kam fãa kõ wa sẽn zems a sẽn yãk yam a sũur pʋgẽ, la ra yɩ ne nen-gãneng wall modgr ye. Bala, Wẽnnaam nonga ned ning sẽn kõt ne sũ-noogo.