Esdras 1:3 - WẼNNAAM SEBRE 2014

³ Ned sã n be yãmb sʋkã, n yaa Sẽn-Ka-Saab neda, bɩ a Wẽnnaam zĩnd ne-a t'a lebg n leb Zeruzalɛm sẽn be Zʋʋda soolmẽ wã, n tɩ me Sẽn-Ka-Saab sẽn yaa Israyɛll nebã Wẽnnaamã roogo. Wẽnnaam ning sẽn be-a Zeruzalɛmã!

SEBR SÕNGO

³ Dɩlla yãmb sʋka, ned sã n beẽ n ya Israyɛl biig fãa bɩ Naaba-Wẽnd zĩnd ne-a. A leb Zerizalɛɛm, Zɩɩda tẽnga, tɩ b me roog Israyɛl Wẽnda yĩnga. Bãmb la b sẽn waoogd Zerizalɛɛma.

Esdras 1:3 Iomraidhean Croise

1 Rĩm-dãmbã 18:39

Nebã fãa sẽn yã bõn-kãnga, b wõgemdame n fõgen b nens tẽng n yeele: «Yaa Sẽn-Ka-Saab bal n yaa Wẽnnaam, Sẽn-Ka-Saab bal n sɩd yaa Wẽnnaam.»

1 Rĩm-dãmbã 8:23

«Sẽn-Ka-Saab sẽn yaa Israyɛll Wẽnnaam, saasẽ ne tẽng zug ka, Wẽnnaam a to ka be sẽn zem yãmb ye. Yãmb ka sãamd y kaoola, la y nonga neb nins sẽn tũud yãmb ne b sũur fãa wã wakat fãa.

1 Kibayã 28:20

A Davɩɩd yeela a Salmo yaa: «M biiga, keng f meng n paam daood n tʋme. Ra zoe rabeem ye, ra yɛɛs ye. Bala, Wẽnnaam Sẽn-Ka-Saab sẽn yaa mam Wẽnnaamã na n zĩnda ne foom. Bãmb ka na n zãag b meng ne foom, bãmb ka na n bas foom, hal tɩ Sẽn-Ka-Saab roogã meeb tʋʋmd fãa wa sɛ.

Esdras 1:4

Israyɛll nebã sẽn be zĩig ning fãa, zĩ-kãng nebã tog n sõnga bãmba, n kõ-b wanzuri, sãnem, laog ne rũmsi. La b tog n kõ-b-la yamleoog kũun me, Zeruzalɛm Wẽnd doogã meeb yĩnga!»

Esdras 4:3

La a Zorobabɛll ne a Zozoe, ne Israyɛll buudã kãsem-dãmb leoka bãmb yaa: «Yãmb ka na n naag tõnd n me roog n kõ tõnd Wẽnnaamã ye. Tõnd bal n na n me roogã n kõ Sẽn-Ka-Saab sẽn yaa Israyɛll Wẽnnaamã, wa Pɛrs-rãmbã rĩm a Siruus sẽn kõ tõnd noor to-to wã.»

Esdras 5:13

La baoosgo, rĩm a Siruus sẽn deeg a naamã tɩ yʋʋmde, a kõo noor tɩ b lebs n me Wẽnnaam doogã.

Esdras 5:3

La Wakat-kãng bala, gʋvɛrneer a Tatnayi sẽn so Efrat kʋɩlgã rʋʋndã, ne a Setaar-Boznayi, ne b tʋmd-n-taasã kẽnga bãmb nengẽ n tɩ sok-b yaa: «Yaa ãnda soab n kõ yãmb noor tɩ y lebs n me Wẽnnaam doogã, la y yik a lalsã?»

Esdras 6:7

Bas-y Zʋɩf-rãmbã tɩ b kẽng taoor ne Wẽnnaam doogã meebo. Zʋʋda gʋvɛrneerã, ne b kãsem-dãmbã tog n lebs n mee Wẽnnaam doogã a zĩ-kʋdgẽ wã.

Yɩɩn‑sõamyã 132:13

Bala, Sẽn-Ka-Saab yãka Sɩyõ, n na n kɩt tɩ beenẽ yɩ b yiri.»

Yɩɩn‑sõamyã 83:18

Bɩ yãnd ne rabeem yõk-b wakat fãa, bɩ yãnd yõk-b tɩ b sãame!

A Ezayi 37:16

«Saasẽ-Pãng-Soabã sẽn yaa Israyɛll Wẽnnaam, n zao serubẽ-rãmb zugu, yaa yãmb y yembr bal n yaa dũniyã soolem-dãmbã fãa Wẽnnaam, yaa yãmb n naan yĩngr la tẽnga.

A Ezayi 44:28

Mam goma a Siruus wɛɛngẽ n yeel yaa: ‹A Siruus yaa mam pe-kɩɩma! Yẽnda na n pidsa mam datmã fãa. Yẽnda na n yeelame: Bɩ y lebs n me Zeruzalɛm, bɩ y yẽbg Wẽnnaam doogã!› »

A Ezayi 45:5

Mam yaa Sẽn-Ka-Saabo, Sẽn-Ka-Saab a to ka be ye. Sã n ka maam, Wẽnnaam a to ka be ye. Mam segla foom zabr yĩng tɩ fo nan ka mi maam ye.

Zeremi 10:10

La Sẽn-Ka-Saab n yaa sɩd Wẽnnaam. Bãmb n yaa Wẽnnaam sẽn vɩ. Bãmb n yaa rĩm wakat fãa. Tẽngã rigimdida bãmb sũ-yikrã yĩnga. Buud ba a yembr ka tõe n yals bãmb sũ-puugrã pʋgẽ ye.

A Dãniyɛlle 2:47

Rĩmã goma ne a Dãniyɛll n yeele: «Fo sẽn tõog n bãng yel-solem-kãngã wã, Sɩd-sɩdã, mam miime tɩ yãmb Wẽnnaamã yaa wẽnnaam-dãmbã Wẽnnaam, la rĩm-dãmbã Soaala. Bãmb n vẽnegd yel-soalmã.»

A Dãniyɛlle 6:26

Dẽ poore, rĩm a Daryuus gʋlsa sɛb n tʋm dũniyã buud fãa sẽn be tẽmsã fãa pʋs n gomd gom-zẽnã nengẽ n yeele: «Bɩ y zĩnd ne bãane!

A Matiye Sõng 28:20

la y zãms bãmb tɩ b sak bũmb nins fãa mam sẽn yeel yãmb tɩ y maanã. La gese, mam bee ne yãmb wakat fãa, hal tɩ ta wakat sɛɛbo.»

Tʋʋma 10:36

Wẽnnaam tʋma b koɛɛgã Israyɛll yagensã nengẽ n togs-b tɩ laafɩ Koe-noog wata a Zeezi sẽn yaa nebã fãa Zu-soabã maasem yĩnga.

Yaoolem 32:31

Bala, bãmb fãagr kugrã ka wẽnd tõnd fãagr pĩigã ye. Tõnd bɛɛbã mens mii bõn-kãnga.

Zozuwe 1:9

Mam ka yeel foom tɩ f keng f meng n paam daood la? Da zoe rabeem ye, da yɛɛs ye. Bala, Sẽn-Ka-Saab sẽn yaa fo Wẽnnaamã na n zĩnda ne foom zĩig ninga fãa fo sẽn na n kẽnge.»