Esdras 1:2 - WẼNNAAM SEBRE 2014

² Ade, Pɛrs-rãmbã rĩm a Siruus yetame: «Sẽn-Ka-Saab sẽn yaa saasẽ Wẽnnaamã kõo maam pãng tɩ m soog dũniyã soolmã fãa. La b kõo maam tʋʋmd tɩ m me roog Zeruzalɛm, Zʋʋda soolmã pʋg n kõ-ba.

SEBR SÕNGO

² «Ad Pɛrs dãmb dĩm a Sirus koɛɛga: ‹Soaalã, yĩngr Wẽnda dɩka dũniya rĩunda fãa n ning m nugẽ. Bãmb n yeel maam tɩ m me b roog Zerizalɛɛm, Zɩɩda tẽnga.

Esdras 1:2 Iomraidhean Croise

1 Rĩm-dãmbã 8:27

Dẽ yĩnga, Wẽnnaam sɩd tõe n zĩnda dũniyã zug la? Yĩngr ne a yalmã, a ka tõe n deeg yãmb a Wẽnnaam ye. Dẽ, roog ning mam sẽn me wã na n maana a wãn n tõog n deeg yãmba?

2 Kibayã 2:12

Ade, mam tʋmda ned sẽn yaa tʋʋm-mita, la sẽn tar bãngr sõama f nengẽ,

Esdras 1:5

Dẽ, Zʋʋda buudã ne Benzame buudã kãsem-dãmbã, ne maan-kʋʋdbã, n paas Leevi buudã nebã, ne neb nins fãa Sẽn-Ka-Saab sẽn sɩɩs b sũy tɩ b tɩ me bãmb doogã seglame n na n kẽng n tɩ me Sẽn-Ka-Saab roogã sẽn be Zeruzalɛmã.

Esdras 3:7

Rẽ poore, b baoo ligd n kõ kug-pɛɛsdbã ne ra-wãadbã. La b bao koodo, bõn-yũudla, ne kaam n kõ Sɩdõ ne Tɩɩr tẽng nebã, tɩ b tõe n tall Libã tẽngã sɛɛdr tɩɩsã ra-sĩdim n pɩʋʋg ko-kãsengã n wa Zafa, n wa kõ-ba. Bãmb maana wa Pɛrs-rãmbã rĩm a Siruus sẽn kõ noor tɩ b maan to-to wã.

Esdras 4:3

La a Zorobabɛll ne a Zozoe, ne Israyɛll buudã kãsem-dãmb leoka bãmb yaa: «Yãmb ka na n naag tõnd n me roog n kõ tõnd Wẽnnaamã ye. Tõnd bal n na n me roogã n kõ Sẽn-Ka-Saab sẽn yaa Israyɛll Wẽnnaamã, wa Pɛrs-rãmbã rĩm a Siruus sẽn kõ tõnd noor to-to wã.»

Esdras 5:15

La rĩmã yeela a Sesbatsaar yaa: «Wʋk te-bãmbã, tɩ b sã n wa lebs n me Wẽnnaam doogã a pĩnd zĩigẽ wã Zeruzalɛm tẽngã pʋga, bɩ f kẽng n tɩ ning-b beenẽ.»

Esdras 6:10

Rẽndã yaa sẽn na n sõng-b tɩ b paam kũun n maan maand sẽn yõogd bugum t'a yũugã yaa noog Saasẽ Wẽnnaamã yĩnga. Dẽ, bãmb na n pʋʋsa Wẽnnaam, dĩmã ne a kom-dibli wã vɩɩm yĩnga.

Esdras 6:3

«Rĩm a Siruus sẽn deeg a naamã pipi yʋʋmde, a kõo noor n yeel yaa: B tog n lebs n mee Wẽnnaam doogã sẽn be Zeruzalɛmã, tɩ yɩ maoong maaneg zĩiga. La b tog n lebg n dɩka pĩnd yẽbgrã. A zãntlemã tog n yɩɩ kãntɩɩg pis-yoobe, t'a yalmã yɩ kãntɩɩg pis-yoobe.

Esdras 7:12

«Maam a Artagzɛrzɛɛs sẽn yaa rĩm-dãmbã rĩmã n gʋlsd seb-kãngã, n kõt maan-kʋʋd a Ɛsdraas sẽn yaa ned sẽn mi Saasẽ Wẽnnaamã tõodã yell sõama wã.

A Neemi 1:4

Dẽ, mam sẽn wʋm koe-kãensã wã, mam zĩndame n yãbe. Mam dɩka rasem wʋsg n maan sũ-sãanga, la m loe noor n pʋʋs saasẽ Wẽnnaamã.

A Neemi 1:5

Mam pʋʋsame n yeele: «Sẽn-Ka-Saab sẽn yaa saasẽ Wẽnnaam, yãmb yaa Wẽnnaam-kãseng sẽn tar pãnga, yãmb pidsda y kaoolã ne neb nins sẽn sakd yãmb tõodã, la yãmb maanda neb nins sẽn nong yãmbã neere!

Yɩɩn‑sõamyã 136:26

Pʋʋs-y saasẽ Wẽnnaamã barka, bala, bãmb nonglmã paada wakat fãa!

Yɩɩn‑sõamyã 85:2

Sẽn-Ka-Saabo, yãmb wilga y nonglem ne y tẽngã, yãmb kɩtame t'a Zakoob yagensã sẽn dag n be yembdã lebg n wa.

Yelbũna 21:1

Rĩm sũur bee Sẽn-Ka-Saab nugẽ wa ko-sore. Bãmb wẽnemded-a lame n teesd b sẽn datẽ.

A Ezayi 41:2

Yaa ãnda n yik yaang raoã sẽn yaa soab ning sẽn paamd tõogr zĩig ning fãa yẽnda naoor sẽn tabgẽ wã? Ãnda n dɩk soolem-dãmb n ning yẽnda nugẽ, la b sik rĩm-dãmbã? Yẽnda zabr sʋʋgã neema bãmb wa wubsgu, yẽnda tãpã kɩtame tɩ bãmb lebg wa mood sobg sẽn dɩkda.

A Ezayi 44:26

Mam kɩtdame tɩ mam tʋmtʋmdã goam paam pidsgu, la m kɩt tɩ mam koe-toagsdbã saagr pidsi. Mam goma Zeruzalɛm wɛɛngẽ n yeele: ‹Neb na n leb n zĩnda Zeruzalɛm pʋgẽ, la b na n lebs n mee Zʋʋda tẽmsã, mam na n lebs n yika a raboodã.›

A Ezayi 44:28

Mam goma a Siruus wɛɛngẽ n yeel yaa: ‹A Siruus yaa mam pe-kɩɩma! Yẽnda na n pidsa mam datmã fãa. Yẽnda na n yeelame: Bɩ y lebs n me Zeruzalɛm, bɩ y yẽbg Wẽnnaam doogã!› »

A Ezayi 45:1

Ade, Sẽn-Ka-Saab gomda ne bãmb nin-tũusdg a Siruus bãmb sẽn gãd a soab nug-rɩtgã n yetẽ: «Mam na n kɩtame tɩ f tõog bu-zẽmse, la m kɩt tɩ f kao rĩm-dãmb sɛɛg sẽbdse, la m pags tẽms noy kʋɩlems fo taoore, n kɩt tɩ tẽmsã ra tol n leb n pag abada.

A Ezayi 66:1

Ade, Sẽn-Ka-Saab yetame: «Saasẽ yaa mam geere, dũni yaa mam nao roagendga. Ro-bʋg buud la yãmb tõe n me n kõ maam? Mam vʋʋsg zĩig la zĩ-bʋgo?

Zeremi 10:11

Yeel-y bãmb tɩ wẽnnaam-dãmb nins sẽn ka naan yĩngr la tẽngã na n menema dũniyã zugu.

Zeremi 27:5

‹Yaa maam n tẽeg m nug n naan dũniyã ne ninsaalbã la rũmsã sẽn be a pʋgẽ wã ne m pãn-kãsengã, la m dɩkda dũniyã n kõt soab ning sẽn ta-a mam yam.

Zeremi 29:10

Maam a Sẽn-Ka-Saab yetame: «Yãmb sẽn na n zĩnd Babilondã sã n wa pid yʋʋm pis-yopoe, mam na n sõnga yãmba, n pids kãab-noog ning m sẽn dag n kãab yãmbã, n kɩt tɩ y lebg n wa zĩ-kãngã.

A Dãniyɛlle 1:21

La a Dãniyɛll kell n paa na-yirã hal n tãag rĩm a Siruus naamã deegr yʋʋmde.

A Dãniyɛlle 2:21

Yam ne pãng yaa bãmb n so. Bãmb n tekd wakate, la yɛla, Bãmb n kõt rĩm-dãmb naam, Bãmb n sikd rĩm-dãmb b naamẽ, Bãmb n kõt yam-dãmbã yam, la b kõt bãngdbã me bãngre.

A Dãniyɛlle 2:28

La Wẽnnaam a yembr n be saasẽ, n tõe n vẽneg yel-soalem võyã, yaa Wẽnnaam-kãng n vẽnegd rĩm a Nebukatnedzaar ne bũmb ning sẽn na n wa n zĩnd yaoolem wakate. Ad zãmsd ning yãmb sẽn zãmsã, ne yãab nins yãmb sẽn paam y gãagẽ wã sẽn yɩ to-to.

A Dãniyɛlle 4:25

Bũmb nins fãa a Dãniyɛll sẽn togs rĩm a Nebukatnedzaar wɛɛngẽ wã paama pidsgu.

A Dãniyɛlle 4:32

Dũniyã nebã fãa yaa wa zaalem bãmb taoore. Bãmb maanda b sẽn dat ne malɛgsã sẽn be saasẽ wã, la ne ninsaalbã sẽn be dũniyã zugã. Ned ka be n tar pãng n tõe n kɩɩs bãmb b naamẽ wã ye. La ned me ka be n tõe n sok tɩ yaa bõe la b maand ye.

A Dãniyɛlle 5:23

Yãmb zẽka y meng n kɩɩs Zu-soabã sẽn be saasẽ wã. Yãmb kɩtame tɩ b tall Zu-soabã roogã laasã n wa kõ yãmba, tɩ yãmb ne y nin-kãsemsã, la y pagbã, ne y pʋg-rɩkdsã tall-b n yũ reezẽ rãam. Yãmb waooga y wẽn-naandsã sẽn maan ne wanzuri, la sãnem, la zũudu, ne kutu, la raad ne kugã. Bãmb yaa wẽnnaam-dãmb sẽn ka ne, la b ka wʋmde, la b ka tar bãngr ye. Yãmb ka waoog Wẽnnaam ning sẽn so-a yãmb vɩɩmã, ne bũmb nins fãa yãmb sẽn maandã ye.

A Dãniyɛlle 6:25

La rĩmã kõo noor tɩ b tɩ yõg neb nins sẽn dõd-b a Dãniyɛllã n wa lob gɩgmã wã bokẽ, bãmb ne b kambã la b pagbã fãa. La sẽn deng bãmb sẽn na n lʋɩ bokã pʋgã, gɩgmã wã koka bãmb n wõr b kõabã zãnga.

A Zonaase 1:9

La a Zonaas leoka bãmb n yeel yaa: «Mam yaa Ebre buudã neda, la m pʋʋsda Sẽn-Ka-Saab sẽn yaa saasẽ Wẽnnaamã. Yaa bãmb n naan ko-kãsengã, la tẽn-gãongã.»