Efɛɛz Rãmba 5:2 - WẼNNAAM SEBRE 2014

² la y kẽn nonglem pʋga, wa Kiris me sẽn nong tõndo, n kõ b meng tõnd yĩng tɩ yɩ kũun la maoong sẽn yaa wa kaam sẽn tar yũ-noog n tat Wẽnnaam yam.

SEBR SÕNGO

² Tũ-y nonglem sora wa Krista; bãmb tõogame n nong yãmba al n sak n dɩk b vɩɩm n kõ Wẽnd wa yũ-noog maoongo.

KÃAB-PAALGÃ KOE-NOOGO

² la y kẽn nonglem pʋga, wa Kirist me sẽn nong tõndo, n kõ b meng tõnd yĩng tɩ yɩ kũun la maoong sẽn ya wa kaam sẽn tar yũ-noog n tat Wẽnnaam yam.

Efɛɛz Rãmba 5:2 Iomraidhean Croise

Sɩngrẽ 8:21

Sẽn-Ka-Saab wʋma yũ-noogã, la bãmb yeela b sũurẽ: «Mam ka na n leb n kãab dũniyã kãab-wẽng ninsaal yĩng ye. Bala, hal ninsaal yãadem wakate, a tagsda wẽng maaneg bal a sũurẽ. La mam ka na n leb n sãam bõn-vɩɩsã wa mam sẽn zoe n maanã ye.

Yikri 29:18

n yõog pe-raoogã b sẽn beesã fãa ne bugum tẽn-kugrã zugu. Yaa maoong sẽn yõogd bugum Sẽn-Ka-Saab yĩnga, n tar yũ-noogo. Yaa kũun b sẽn yõogd bugum zãng Sẽn-Ka-Saab yĩnga.

Yikri 29:25

Dẽ, bɩ f reeg bõn-kãens b nusẽ wã, n yõog bugum tẽn-kugrã zugu. Yaa maoong sẽn yõogd bugum Sẽn-Ka-Saab yĩnga, n tar yũ-noogo. Yaa kũun b sẽn yõogd bugum zãng Sẽn-Ka-Saab yĩnga.

Maan‑kʋʋre 1:13

La bɩ a pegs rũngã pʋ-teedã ne a naoã ne koom, tɩ maan-kʋʋdã rɩk fãa n yõog bugum tẽn-kugrã zugu. Rẽndã na n yɩɩ maoong sẽn yõogd bugum, t'a yũugã yɩ noog Sẽn-Ka-Saab yĩnga.

Maan‑kʋʋre 1:17

Bɩ a gãd a pɩgsã, n pãrg-a, la a ra fãsg-a ye. La maan-kʋʋdã na n deeg-a lame n dogl raadã b sẽn yõgen bugum tẽn-kugrã zugã zugu. Rẽndã na n yɩɩ maoong sẽn yõogd bugum, n yaa kũun b sẽn yõog bugum, t'a yũug yɩ noog Sẽn-Ka-Saab yĩnga.

Maan‑kʋʋre 1:9

La bɩ yẽnda pegs a pʋ-teedã ne a naoã ne koom, n kɩt tɩ maan-kʋʋdã yõog a fãa bugum tẽn-kugrã zugu. Rẽnda na n yɩɩ maoong sẽn yõogd bugum, yaa kũun b sẽn yõog bugum, t'a yũugã yɩ noog Sẽn-Ka-Saab yĩnga.

Maan‑kʋʋre 3:16

Dẽ, maan-kʋʋdã na n yõoga bõn-kãens fãa bugum tẽn-kugrã zugu, tɩ yɩ rɩɩb kũun b sẽn yõogd bugum t'a yũug yaa noogo. Kaamã zãng fãa yaa Sẽn-Ka-Saab n so.

A Amoose 5:21

Mam kisa yãmb tigã, mam ka rat n wʋm yãmb tigindã rãamd ye.

A Matiye Sõng 20:28

Yaa woto yĩng la Ninsaal Bi-riblã wa yã. Ka tɩ nebã na sõng bãmb ye, la yaa tɩ bãmb na sõng nebã, la tɩ kõ b vɩɩmã, n yao n fãag neb wʋsgo.»

A Zã Sõng 13:34

Mam kõta yãmb tõ-paalga: «Nong-y taaba. Nong-y taab me wa mam sẽn nong yãmbã.

A Zã Sõng 6:51

Maam, mam yaa bur-vɩɩg sẽn yi arzãn n sigi. Ned sã n dɩ bur‑kãngã, a na n vɩɩmda wakat sẽn kõn sa. La bur ning mam sẽn na n kõ dũni wã vɩɩm yĩngã, yaa mam yĩngã.

Rom Dãmba 15:16

n kɩt tɩ mam ya Kiris tʋmtʋmd buud a taabã sʋkã yĩnga. Mam maanda Wẽnnaam koe-noogã tʋʋmd sẽn ya tẽeb bũmbã, tɩ buud a taabã nebã na yɩ wa kũun sẽn noom Wẽnnaam, neb Wẽnnaam Sɩɩg-sõng sẽn welg toor Wẽnnaam yĩnga.

Rom Dãmba 4:25

soab ning b sẽn kʋ tõnd beegr yĩnga, la sẽn vʋʋg tɩ tõnd tõe n paam tɩrlmã yĩnga.

Rom Dãmba 8:3

Bala, Wẽnnaam sẽn tʋm b meng Bi-riblã ne yĩng sẽn wẽnd yel-wẽnã rẽndã, yaa yel-wẽnã yiisg yĩnga. Bi-riblã zĩnda b yĩngã pʋgẽ n wilg tɩ yel-wẽnã ka sõama ye. La tõogã ka tõe rẽnda ye. Bala, yĩngã kɩtame t'a ka pãng ye.

Rom Dãmba 8:37

La bõn-kãens fãa pʋgẽ, tõnd yaa tõaagdb hakɩɩka, sẽn nong-a tõndã maasem yĩnga.

1 Korẽnt rãmba 16:14

Bɩ bũmb nins fãa sẽn maand yãmb sʋkã yɩ ne nonglem.

1 Korẽnt rãmba 5:7

Yiis-y rã-bɩl-kʋdgã n bas y mens n lebg yɩlma, tɩ y tõe n yɩ zom-nagd-paalga, rã-bɩll sẽn ka be yãmb pʋgẽ wã yĩnga. Bala, b kʋʋ Kiris sẽn yaa tõnd Pakã maoongo.

2 Korẽnt rãmba 2:14

Bark Wẽnnaam sẽn kɩtd tɩ tõnd paamd tõogr daar fãa Kirisã tũudum pʋgẽ wã, la b kɩtdẽ tɩ ne tõndo, nebã bãngd Kiris zĩiga fãa, wa yũ-noog sẽn saagd to-to wã.

2 Korẽnt rãmba 2:15

Sɩd me, tõnd yaa wa wisd sẽn tar yũ-noog Kiris sẽn dɩk n kõ Wẽnnaam, tɩ tõnd be neb nins sẽn paam fãagrã, la neb nins sẽn na n sãamã sʋka.

2 Korẽnt rãmba 8:9

Bala, yãmb mii tõnd Zu-soab a Zeezi Kiris barkã. Tɩ baa bãmb sẽn yaa arzɛk soabã, b maana b meng naong soab yãmb yĩnga, tɩ ne bãmb naongã, yãmb na paam arzegse.

Galat Rãmba 1:4

Kiris yaa soab ning sẽn kõ b vɩɩm tõnd yel-wẽnã yiisg yĩnga, tɩ b tõe n fãag tõnd n yiis-d dũni‑kãngã wẽngã pʋgẽ, wa sẽn zems tõnd ba a Wẽnnaam daabã.

Galat Rãmba 2:20

B kaa maam ne Kirisã, la ka maam n vɩ yɛs ye, yaa Kirisã n vɩ mam pʋgẽ. Mam sẽn vɩ m yĩngã pʋgẽ moasã wã, yaa tẽeb ne Wẽnnaam Bi-riblã, soab ning sẽn kõ a vɩɩm a toor mam yĩngã pʋgẽ la mam vɩ.

Efɛɛz Rãmba 1:4

Wẽnnaam yãka tõnd Kiris maasem yĩng sẽn deng dũni naanego, tɩ tõnd yɩ neb sẽn yell bãmb taoor ye. Wẽnnaam nonglmã pʋga,

Efɛɛz Rãmba 3:17

tɩ ne tẽebo, Kiris na zĩnd yãmb sũyã pʋse, la m kotẽ tɩ yãmb na kɩ yẽg n yals kãenkãe nonglem pʋgẽ,

Efɛɛz Rãmba 3:19

la tɩ y bãng Kiris nonglmã sẽn yɩɩd ninsaalb bãngre, sẽn na n yɩlẽ tɩ yãmb na pid ne bũmb fãa, hal n pid ne Wẽnnaam yalẽ wã.

Efɛɛz Rãmba 4:15

La yaa tɩ tõnd sẽn togsd sɩd ne nonglmã yĩnga, tõnd na n bɩɩ bɩʋʋngã ne bũmb fãa, Kiris sẽn ya tõnd naabã pʋgẽ.

Efɛɛz Rãmba 4:2

Kẽn-y ne sik-m-meng la sũ-bʋgsem la sũ-mare, la y sak n deeg taab ne nonglem,

Efɛɛz Rãmba 5:15

Dẽ wã, gũus-y neer ne yãmb kẽnde, n da kẽn wa yalemb ye. Kẽn-y wa yam dãmba.

Efɛɛz Rãmba 5:25

Raopã, bɩ yãmb ned kam fãa nong a paga, a wa Kiris sẽn nong b tẽedbã, n kõ b meng b yĩnga,

Yaoolem 27:6

Yãmb na n mee Sẽn-Ka-Saab sẽn yaa yãmb Wẽnnaamã tẽn-kugr ne kug sẽn ka peese. La yaa beenẽ, la yãmb na n maan y maand sẽn yõogd bugmã Sẽn-Ka-Saab sẽn yaa yãmb Wẽnnaamã yĩnga.

Filip rãmba 4:18

Mam deega fãa la m tara wʋsgo. Mam sẽn deeg bũmb nins yãmb sẽn tʋm a Epafordit t'a kõ maamã, mam tarame tɩ sek n gɩmbe. Kũun-kãens yaa wa kaam sẽn tar yũ-noogo, la maoong Wẽnnaam sẽn deegda la sẽn tat bãmb yam.

Kolos Rãmba 3:14

La sẽn yɩɩd fãa, bɩ y nong taab bala, tɩ nonglem yaa loɛtg sɩd-sɩda.

1Tesalonik Rãmba 4:9

Sã n yaa ne ba-biir nonglmã yelle, yãmb ka baood tɩ m gʋls yãmb n gom a yell ye. Bala, yãmb mensã paama zãmsg Wẽnnaam nengẽ tɩ nong taaba.

1 Tɩmote 2:6

soab ning sẽn kõ a meng tɩ ra nebã fãa wã. Yõwã yaa kaset sẽn kɩs a wakate.

1 Tɩmote 4:12

Da sak n maan tɩ ned paoog foom f yãadem yĩng ye. Yɩ mamsg neb nins sẽn maand sɩdã yĩnga, ne f noor goamã, ne f kẽnde, ne f nonglem, ne f tẽebo, ne f sõmblem.

A Titi 2:14

A Zeezi Kiris kõo b meng tõnd yĩnga, tɩ fãag tõnd ne yel-wẽn fãa n kɩt tɩ tõnd lebg bãmb neb b sẽn yɩlge, la sẽn wɩngd ne tʋʋm-sõamyã maanego.

Ebre rãmba 8:3

Sɩd me, ned ning fãa b sẽn yãk t'a lebg maan-kʋʋd kãsma, yaa sẽn na n deeg kũunã ne maandã n kõ Wẽnnaam. Dẽ, yaa tɩlɛ t'a paam bũmb sẽn na kõ.

Ebre rãmba 9:14

Kirisã zɩɩm n yɩɩda. Bãmb sẽn dɩk b meng n kõ Wẽnnaam tɩ rẽgd tosb kaẽ, Sɩɩg sẽn paad wakat sẽn kõn sa yĩngã, bãmb na n yɩlga tõnd sũ-bãngrã n yiis tʋʋm nins sẽn yaa kũumã, tɩ tõnd tõe n tʋm Wẽnnaam sẽn vɩ wã yĩnga.

Ebre rãmba 9:23

Dẽ, dag n yaa tɩlɛ tɩ kɩreng a yembre, bũmb nins sẽn mamsd sẽn be-b arzãnã paam yɩlgr a woto, la kɩreng a to me, arzãn bũmbã sẽn yaa sɩd-sɩdã me paam yɩlgr ne maoong sẽn yaa sõama n yɩɩda.

Ebre rãmba 9:26

Bala, sã n da yaa a woto, Kiris rag n na n namsẽ‑la naoor wʋsg dũni naaneg tɛk tɩ ta moasã. La moasã sẽn yaa yaoolem wakatã, bãmb puka vugr bala, n na n sãam yel-wẽnã ne b meng sẽn yɩ maoongã pãnga.

1 Pɩyɛɛr 4:8

La sẽn deng bũmb fãa, nong-y taab daar fãa. Bala, nonglem luta yel-wẽn wʋsgo.

1 Zã 3:16

Ne bõn-kãnga, tõnd bãnga nonglem sẽn yaa bũmb ninga: Yaa t'a Zeezi Kiris kõo bãmb vɩɩmã tõnd yĩnga. Tõnd me tog n kõo d vɩɩmã d ba-biisã yĩnga.

1 Zã 3:23

Ad bãmb tõogã la a woto: Yaa tɩ d tẽ bãmb bi-ribl a Zeezi Kiris yʋʋre, la tɩ d nong taab wala sẽn zems tõog ning a Zeezi sẽn kõ tõndã.

Vẽnegre 5:9

La bãmb da yɩɩnda yɩɩn-paalg n yetẽ: Yãmb n zems tɩ reeg sebrã la y sogs a sogdsã, bala b ra kʋʋ yãmba, la yãmb fãaga neb buud fãa pʋgẽ, goam buud fãa pʋgẽ, tẽms fãa pʋgẽ, soolem fãa pʋgẽ ne yãmb zɩɩm tɩ b lebg Wẽnnaam nebã.