Efɛɛz Rãmba 4:9 - WẼNNAAM SEBRE 2014

⁹ La gomd ning sẽn yet tɩ bãmb dʋʋme wã võor yaa bõe, sã n ka tɩ bãmb reng n siga tẽngã tẽngr me?

SEBR SÕNGO

⁹ «Sẽn dʋ a soaba» la ãnna tɩ ka sẽn denga n sig bʋg-tẽnga?

KÃAB-PAALGÃ KOE-NOOGO

⁹ La gomd ning sẽn yet tɩ bãmb dʋʋme wã võor yaa bõe, sã n ka tɩ bãmb reng n siga tẽngã tẽngr me?

Efɛɛz Rãmba 4:9 Iomraidhean Croise

Sɩngrẽ 11:5

Sẽn-Ka-Saab sigame n na n ges tẽngã ne gãosgã ninsaalbã kamb sẽn dag n metã.

Yɩɩn‑sõamyã 139:15

Mam yĩngã ka tar bũmb sẽn solg ne yãmb ye. Yãmb naana maam zĩ-soalgdgẽ. Yãmb wʋga maam tẽn-gãongã zĩ-zulumsẽ wã.

Yɩɩn‑sõamyã 63:9

Mam yam loee ne yãmba. Yãmb nug-rɩtg tebendeda maam.

Yɩɩn‑sõamyã 8:5

Mam sokda m meng yaa: «Ninsaal yõod zema bõe, tɩ yãmb tẽr a yelle? Ninsaal yaa bõe, tɩ yãmb get a yelle?»

Yikri 19:20

Sẽn-Ka-Saab siga Sinayi tãngã zugu. Sẽn-Ka-Saab boola a Moyiis t'a wa tãngã zugu. La a Moyiis rʋʋ tãngã.

Yelbũna 30:4

Ãnda n dʋ yĩngr n lebg n sigi? Ãnda n kogl a nus n kok pemsem? Ãnda n yondg koom a fuugẽ? Ãnda n naan tẽn-gãongã? A soab yʋʋr la a bõe, la a biigã yʋʋr la a bõe? Fo sã n miẽ, bɩ f togs-ma.

A Ezayi 44:23

Bɩ saasẽ kaas ne sũ-noogo, bala, Sẽn-Ka-Saab tʋmame. Dũniyã zĩ-zulumsi, kils-y-yã! Tãmse, kelm-y sũ-noog kɛlenga! Kãgre, bɩ foom ne f pʋgẽ tɩɩsã me kilsi! Bala, Sẽn-Ka-Saab fãaga a Zakoob buudã, n wilg bãmb ziirã Israyɛll pʋgẽ.

Ezekiyɛl 31:14

Na n yɩɩ woto, tɩ tɩɩs nins sẽn be koom noorã ba a yembr da leb n tõog n bɩ n lebg wok ye. Bãmb ba a yembr zug woglem kõn leb n zʋʋg tɩɩs a taabã sẽn bĩmã ye. Tɩ-bɛdã sẽn paamd koomã ba a yembr ka na n tõog n bɩ n lebg wok ye. Bala, bãmb fãa na n kiime, b na n siga tẽngã zĩ-zulumsẽ, n naag ninsaalbã, ne sẽn sigd-b bok pʋgẽ wã.»

A Matiye Sõng 12:40

Bala, a wa a Zonaas sẽn zĩnd zĩm-bedrã pʋgẽ rasem a tãab la yʋnd a tãabã, woto me, Ninsaal Bi-riblã na n paa tãnd tẽngr dasem a tãab la yʋnd a tãabo.

A Zã Sõng 20:17

A Zeezi yeel-a lame yaa: «Ra sɩɩs-m ye, bala, mam nan ka rʋ m ba nengẽ ye. Kẽng m ba-biisã nengẽ n tɩ yeel-b tɩ mam dʋʋda m ba sẽn yaa yãmb ba wã nengẽ, mam Wẽnnaam sẽn yaa yãmb Wẽnnaamã nengẽ.»

A Zã Sõng 3:13

Ned baa a yembr ka rʋ saasẽ ye, sã n ka sẽn yi-a arzãn n wa wã: ‹yaa Ninsaal Bi-riblã.›

A Zã Sõng 6:33

Bala, Wẽnnaam burã, yaa soab ning sẽn yit-a arzãn n sigda, n kõt dũni neb vɩɩmã.»

A Zã Sõng 6:38

Bala, mam sẽn yi arzãn n sigã, ka tɩ maan m sẽn dat ye, la yaa tɩ maan sẽn tʋm-a maamã raabo.

A Zã Sõng 6:41

Zʋɩf-rãmbã dag n yẽgemda ne taab a Zeezi poorẽ, bala, a Zeezi yeelame tɩ bãmb la bur sẽn yi arzãn n sigã.

A Zã Sõng 6:51

Maam, mam yaa bur-vɩɩg sẽn yi arzãn n sigi. Ned sã n dɩ bur‑kãngã, a na n vɩɩmda wakat sẽn kõn sa. La bur ning mam sẽn na n kõ dũni wã vɩɩm yĩngã, yaa mam yĩngã.

A Zã Sõng 6:58

Ada la bur sẽn yi arzãn n sigi. A ka wẽnd bur ning yãmb ba-rãmbã sẽn wãbã ye: Bãmb kiime. Sẽn dɩt-a bur‑kãngã wã na n vɩɩmda wakat sẽn kõn sa.

A Zã Sõng 6:62

La yãmb sã n yãnd Ninsaal Bi-riblã t'a zẽkd n lebd a sẽn dag n beẽ wã, na n yɩɩ a wãna?

A Zã Sõng 8:14

A Zeezi leoka bãmb n yeele: Baa ne mam sẽn kɩt m meng kasetã, mam kasetã yaa sɩda. Bala, mam mii m sẽn yiẽ, la m sẽn dabdẽ. La yãmb ka mi mam sẽn yiẽ, wall m sẽn dabdẽ ye.

Ebre rãmba 2:7

Wakat bilf yĩnga, yãmb kɩtame t'a ka ta malegsã ye, la y kõ-a-la ziir la waoogre, [n kɩt t'a soog bũmb nins yãmb nusã sẽn naanã.]

Ebre rãmba 2:9

A Zeezi, soab ning Wẽnnaam sẽn kɩt tɩ wakat bilf pʋgẽ b ka ta malegsã, tõnd geta bãmb ne yamleoogo, bãmb sẽn paam ziir la waoogre, kũum ning b sẽn nams n ki wã yĩnga. Woto, Wẽnnaam nimbãan-zoeerã yĩnga, a Zeezi lemba kũum tõnd fãa sõngr yĩnga.