Efɛɛz Rãmba 4:4 - WẼNNAAM SEBRE 2014

⁴ Yĩng a yembr bal n be, la Sɩɩg-sõng a yembr bal n be, wa b sẽn bool yãmb tɩ y paam tẽeb pidsg gũudum a yembr y boolgã yĩngã.

SEBR SÕNGO

⁴ Ad-y Yĩnga yaa a ye la Vʋʋsma me yaa a ye, d fãa yaa Wẽnd booll yɛnga n zĩ ne saagr yɛnga.

KÃAB-PAALGÃ KOE-NOOGO

⁴ Yĩng a yembr bal n be, la Sɩɩg-sõng a yembr bal n be, wa b sẽn bool yãmb tɩ y paam tẽeb pidsg gũudum a yembr y boolgã yĩngã.

Efɛɛz Rãmba 4:4 Iomraidhean Croise

Yɩɩn‑sõamyã 122:8

Mam ba-biisã ne m zo-rãmbã yĩnga, mam yetame: «Bɩ f zĩnd ne bãane!»

Zeremi 14:8

Sẽn-Ka-Saab sẽn yaa Israyɛll tẽebo, la Israyɛll fãagd yel-pakr wakate, bõe yĩng tɩ y maand wa sãan tẽn-kãngã pʋgẽ, la wa so-toagd sẽn tũ tẽngẽ n na n yõg gãag-sobendo?

Zeremi 17:7

Bark bee ned ning sẽn teeg Sẽn-Ka-Saabo, la sẽn dell bãmbã zugu!

A Matiye Sõng 28:19

Bɩ y kẽng n maan nebã buud fãa tɩ yɩ mam karen-biisi, n lis bãmb ne Ba, la Bi-ribla, la Sɩɩg-sõng yʋʋre,

Tʋʋma 15:11

La tõnd tẽedame tɩ yaa Zu-soab a Zeezi barkã yĩng n kɩt tɩ tõnd paam fãagr wala bãmb me sẽn paam to-to wã.

Rom Dãmba 11:29

Bala, bũmb nins Wẽnnaam sẽn kõ zaalmã, ne boolg ning Wẽnnaam sẽn boolã ka tõe n viig ye.

1 Korẽnt rãmba 10:17

Burã sẽn yaa a yembrã, tõnd sẽn yaa wʋsgã, d yaa yĩng a yembre. Bala, tõnd fãa wãbda bur a yembre.

1 Korẽnt rãmba 12:20

Woto wã, yĩngã wil yaa wʋsgo, la yaa yĩng a yembre.

2 Korẽnt rãmba 11:4

Bala, ned a to sã n yɩ pipi n wa moon yãmb Zeezi a to, tɩ ka Zeezi ningã tõnd sẽn da moon yãmbã, wall yãmb sã n deeg sɩɩg a to sẽn ka Sɩɩg ningã yãmb sẽn dag n deegã, wall koe-noog a to tɩ ka yãmb sẽn da reeg pĩndã, yãmb sakda yẽnda soab sõama.

Efɛɛz Rãmba 1:18

Mam pʋʋsdame tɩ Wẽnnaam na puk yãmb pʋ-tẽer ninã tɩ y bãng bõn-neer ning b sẽn bool yãmb tɩ ka tar paamã, la y bãng bãmb pʋɩɩr ning sẽn yaa arzegs sẽn be ziirã, Wẽnnaam nin-tũusdsã sẽn tarã.

Efɛɛz Rãmba 2:16

la b yiis yell ning sẽn dag n be buud a yiibã ne Wẽnnaam sʋkã, n kɩt tɩ b lebg yĩng a yembre, la b kɩt tɩ beemã sa, da-pɩkã maasem yĩnga.

Efɛɛz Rãmba 2:18

Bala, Kiris maasem yĩnga, tõnd ned kam fãa tara noor tɩ wa d ba wã nengẽ, Sɩɩg-sõng a yembr pʋgẽ.

Efɛɛz Rãmba 2:22

Yãmb sẽn be Kiris pʋgẽ wã, yãmb me naaga meebã pʋgẽ n lebg Wẽnnaam Sɩɩgã roogo.

Efɛɛz Rãmba 4:1

Woto yĩnga, mam sẽn be bi-bees roogẽ Zu-soabã tũudum yĩngã, mam sagenda yãmb tɩ y kẽn wa sẽn zems boolg ning Wẽnnaam sẽn bool yãmbã.

Efɛɛz Rãmba 5:30

tõnd sẽn yaa bãmb yĩngã wilã yĩngã.

Kolos Rãmba 1:5

tẽeb pidsg gũudum ning b sẽn bĩng yãmb yĩng arzãn pʋgẽ wã yĩnga. Sɩd koɛɛgã sẽn yaa koe-noogã sẽn pĩnd n kɩt tɩ yãmb bãngã.

Kolos Rãmba 3:15

Bɩ Kiris laafɩ, b sẽn bool yãmb a pʋgẽ tɩ y yɩ yĩng a yembrã soog yãmb sũyã. Yɩ-y neb sẽn mi y zaamẽ.

2Tesalonik Rãmba 2:16

Bɩ tõnd Zu-soab a Zeezi Kiris mengã, la tõnd ba a Wẽnnaam sẽn nong tõndo, n bels tõnd ne belsg sẽn kõn sa, bãmb nimbãan-zoeerã yĩnga, la b kõ tõnd saag-sõngã

1 Tɩmote 1:1

A Polle, a Zeezi Kiris tẽn-tʋmda, a wa sẽn zems ne Wẽnnaam sẽn yaa tõnd fãagdã raabo, la sẽn zems ne a Zeezi Kirisã, tõnd tẽeb sẽn be ne a soabã noore,

A Titi 1:2

wẽn-tũudum, n paam tẽeb pidsg gũudum ne vɩɩm sẽn kõn sa wã, Wẽnnaam sẽn yaa sɩd soabã sẽn dag n kãab hal tɩ dũni nan ka naana.

A Titi 2:13

n gũud tõnd Wẽnnaam sẽn yaa kãseng la fãagdã, a Zeezi Kiris pukrã sẽn wat ne sũ-noogã ziirã.

A Titi 3:7

tɩ ne bãmb barkã b sã n kɩt tɩ tõnd lebg tɩrse, bɩ tõnd lebg pʋɩt-n-taas ne vɩɩm sẽn kõn sa wã tõnd sẽn gũudã.

1 Pɩyɛɛr 1:21

Kiris maasem yĩnga, yãmb tẽeda Wẽnnaam ning sẽn vʋʋg-a Kiris n bas kũum la b kõ-b waoogrã. Sẽn na yɩl tɩ yãmb tẽebã ne y teegrã zĩnd ne Wẽnnaam.

1 Zã 3:3

Ned ning fãa sẽn tẽed Kirisã yel-kãngã pidsg yĩnga, a yɩlgda a meng n lebg yɩlemd wa a Zeezi Kiris sẽn yaa yɩlemdã.