Efɛɛz Rãmba 4:2 - WẼNNAAM SEBRE 2014

² Kẽn-y ne sik-m-meng la sũ-bʋgsem la sũ-mare, la y sak n deeg taab ne nonglem,

SEBR SÕNGO

² ne yam-sulgr la sũ-bʋgsem, n paas sũ-maasem; d vɩɩma ne taab yɩ sũ-tõog la nonglem vɩɩm.

KÃAB-PAALGÃ KOE-NOOGO

² Kẽn-y ne sik-m-meng la sũ-bʋgsʋm la sũ-mare, la y sak n deeg taab ne nonglem,

Efɛɛz Rãmba 4:2 Iomraidhean Croise

Yɩɩn‑sõamyã 138:6

Sẽn-Ka-Saab bee hal yĩngri, la b nee sik-m-mens rãmbã. Bãmb bee yɩɩga, la b mii wuk-m-mens rãmbã n bake.

Yɩɩn‑sõamyã 45:4

Tãb-bi-gãndaoogo, sẽbg f zabr sʋʋg f sɛɛgẽ, fo pɩndame n tar da-sãnde.

Yelbũna 16:19

Fo sẽn na n sik f meng n naag naong-rãmb n são, fo sẽn na n naag wuk-m-mens-rãmba, n pʋɩ b paoongo.

Yelbũna 3:34

Sẽn-Ka-Saab paoogda nin-paoogdbã, la bãmb maanda sik-m-mens rãmbã neere.

Kowelɛt 7:8

Bũmb baoosg n são a sɩngre, la sũ-mar soab n são tɩta-neda.

A Ezayi 57:15

Bala, soab ning sẽn yɩɩd fãa wã, la sẽn paad wakat sẽn kõn sa wã, tɩ b yʋʋrã welg toorã yetame: «Mam bee hal yĩngr zĩig sẽn welg toor pʋgẽ, la m bee ne ned ning sũur sẽn sãame, soab ning sẽn be paoogr pʋgã, mam bee ne soab ning sɩɩgã sẽn yɛ, n na n bels sũ-pa-noaang soabã.

Sofoni 2:3

Bɩ yãmb a sik-m-mens rãmbã fãa sẽn be tẽngã pʋgã bao Sẽn-Ka-Saabo. Yãmb dãmb sẽn sakd noy nins Sẽn-Ka-Saab sẽn luglã, bao-y tɩrlem, la y bao sik-m-menga, tɩ daar ninga, y na paam n põs Sẽn-Ka-Saab sũ-puugrã daare.

Zakari 9:9

Sɩyõ tẽn-neere, kɩdem ne sũ-noogo! Zeruzalɛm tẽn-neere, bɩ f kilsi! Ade, fo rĩmã wata fo nengẽ. Bãmb yaa tɩrlem soaba, la tõaagda, n yaa sik-m-meng soaba, n zao bõanga, bãmb zaoo bõan-bila, bõan-yãang biiga.

Sõadga 12:3

La a Moyiis yaool n dag n yaa sik-m-meng soab hal wʋsgo, n yɩɩd ninsaalbã fãa sẽn be dũniyã zugã.

A Matiye Sõng 11:29

Rɩk-y mam yubl-balgr n pidi, la y sak mam zãmsgã. Bala, mam yaa nin-bʋgsgo, la m yaa sũ-mar soaba, la yãmb na paam vʋʋsgo.

A Mark Sõng 9:19

A Zeezi leoka bãmba: «Yãmba, zamaan‑kãngã neb sẽn ka tẽebo, mam na n zĩnda ne yãmb hal tɩ ta wakat bʋgo? Mam na n maana sũ-mar ne yãmb hal tɩ ta wakat bʋgo? Tall-y biigã n wa ka.»

Tʋʋma 20:19

Mam tʋma Zu-soabã yĩng ne sik-m-menga, la ne nintãm, tood nins mam sẽn paamã, Zʋɩf-rãmbã sẽn da set n dat n kʋ maamã.

Rom Dãmba 15:1

Tõnd dãmb sẽn tar pãngã, tõnd tog n tebenda neb nins sẽn ka pãngã b pãn-komsmã pʋgẽ, la d da bao sẽn noom tõnd ye.

1 Korẽnt rãmba 13:7

a maanda sugr bũmb fãa yĩnga, a tẽeda bũmb fãa, a tara saag-sõng ne bũmb fãa, la a sakda bũmb fãa.

Galat Rãmba 6:2

Tʋk-y taab zɩɩbo. Woto, Yãmb na n maana Kiris tõogã sẽn datã.

Efɛɛz Rãmba 1:4

Wẽnnaam yãka tõnd Kiris maasem yĩng sẽn deng dũni naanego, tɩ tõnd yɩ neb sẽn yell bãmb taoor ye. Wẽnnaam nonglmã pʋga,

Kolos Rãmba 1:11

Tõnd kota Wẽnnaam, tɩ yãmb na paam pãng n paase, bãmb pãn-kãsengã maasem yĩnga, tɩ yãmb tõe n yɩ neb sẽn kẽngd taoor sɩd-sɩda, la sẽn tar sũ-mare.

1 Tɩmote 6:11

La fo sẽn yaa Wẽnnaam nedã, zãag f meng ne bõn-kãense, la f bao tɩrlem, la Wẽnnaam sakre, la tẽebo, la nonglem, la sũ-mare, la sũ-bʋgsem.

2 Tɩmote 2:25

A tog n demsa no-koeem‑wẽedbã ne sũ-bʋgsem, n maand tẽeb tɩ Wẽnnaam na n kɩtame tɩ b paam sũ-lebgre, n tõog n bãng sɩdã,

Zake 1:21

Yaa woto yĩnga, bas-y rẽgd buud fãa, la pʋ-toog fãa, la y reeg gomd ning b sẽn bʋd yãmb pʋgẽ la sẽn tõe n fãag yãmb sɩɩsã ne sũ-bʋgsem.

1 Pɩyɛɛr 3:15

Bɩ y waoog Kiris sẽn yaa yãmb Zu-soabã, y sũyã pʋsẽ. Bɩ y yɩ neb sẽn tõe wakat fãa, n leokd neb nins sẽn sokd yãmb n dat n bãng y tẽebã yellã ne sũ-maasem la ne sik-m-menga.

1 Pɩyɛɛr 3:8

Sẽn na n baase, bɩ yãmb fãa paam tagsg a yembre, la yam a yembre. Paam-y nonglem y ba-biis yĩnga, la y pid ne nimbãan-zoeere la sik-m-menga.