Efɛɛz Rãmba 3:7 - WẼNNAAM SEBRE 2014

⁷ Mam lebga koe-no-kãng tẽn-tʋmda, wa sẽn zems Wẽnnaam barkã kũunã b sẽn kõ maam, tɩ bãmb pãngã maand tʋʋmdã yĩnga.

SEBR SÕNGO

⁷ Yaa maam n lebg Koe-nooga moanda ne Wẽnd bark b sẽn sudg maam ne bãmb pãnga.

KÃAB-PAALGÃ KOE-NOOGO

⁷ Mam lebga koe-no-kãng tẽn-tʋmda, wa sẽn zems Wẽnnaam barkã kũunã b sẽn kõ maam, tɩ bãmb pãngã maand tʋʋmdã yĩnga.

Efɛɛz Rãmba 3:7 Iomraidhean Croise

A Ezayi 43:13

Hal sẽn sɩng badaare, yaa maam, la ned ka tõe n deeg bũmb mam nugẽ ye. Mam sã n maan tʋʋmde, ãnda n tõe n kɩɩse?

Tʋʋma 9:15

La Zu-soabã yeela a Hananiyaas yaa: Kẽnge. Bala, mam yãka rao-kãngã n na n kɩt t'a tall mam yʋʋrã n wilg bu-zẽmsã la rĩm-dãmbã, la Israyɛll nebã.

Rom Dãmba 1:5

Yaa tõnd Zu-soab a Zeezi Kirisi. Yaa bãmb maasem yĩng la tõnd deeg barka, la tẽn-tʋmdo, tɩ ne bãmb yʋʋre, tõnd na tall soolem toay-toayã fãa neb tɩ b wa tẽ Bãmba, la b sak Bãmba.

Rom Dãmba 12:3

Ne bark ning Wẽnnaam sẽn maan maamã, mam yeta yãmb ned kam fãa t'a ra tags tɩ yẽnda yaa tɩrg tɩ looge, n kẽes a tagsd moog ye. La bɩ ned fãa paam tagsd sẽn zemse, t'a tõe n paam sik-m-menga, tɩ zems ne tẽeb ning Wẽnnaam sẽn kõ-a wã.

Rom Dãmba 15:16

n kɩt tɩ mam ya Kiris tʋmtʋmd buud a taabã sʋkã yĩnga. Mam maanda Wẽnnaam koe-noogã tʋʋmd sẽn ya tẽeb bũmbã, tɩ buud a taabã nebã na yɩ wa kũun sẽn noom Wẽnnaam, neb Wẽnnaam Sɩɩg-sõng sẽn welg toor Wẽnnaam yĩnga.

1 Korẽnt rãmba 15:10

Wẽnnaam barkã yĩnga, mam yaa m sẽn yaa a soaba, la bãmb nimbãan-zoeer mam yĩngã ka yɩ zaalem ye. Ayo! Mam tʋmame n yɩɩd tẽn-tʋmdbã fãa. La ka mam mengã n tʋm ye, yaa Wẽnnaam barkã sẽn be mam pʋgẽ wã.

1 Korẽnt rãmba 3:5

ka ninsaalemd la rẽnda sɩda? A Apoloos yaa bõe, t'a Poll ya bõe? Bãmb yaa tʋmtʋmdb bal Wẽnnaam sẽn tall n kɩt tɩ yãmb tẽ a Zeezi, n zems ne Zu-soabã sẽn tees yãmb a soaba.

2 Korẽnt rãmba 3:6

Wẽnnaam kɩtame tɩ d tõe n yɩ bãmb tʋmtʋmdb kãab-paalgã maasem yĩnga. Ka ne tõog sẽn gʋlsã ye, la yaa ne Sɩɩg-sõngo. Bala, tõog sẽn gʋlsã kʋʋdame, la Sɩɩg-sõng kõta vɩɩm.

2 Korẽnt rãmba 4:1

Wẽnnaam sẽn zoe tõnd nimbãaneg n kõ tõnd tʋʋm kãnga wã yĩng n kɩt tɩ tõnd ka boogd d raood ye.

Galat Rãmba 2:8

(bala, ned ning sẽn tʋm a Pɩyɛɛr pʋgẽ n kɩt t'a lebg Zʋɩf‑rãmbã tẽn-tʋmdã, nin‑kãng me n tʋm mam pʋgẽ bu-zẽmsã yĩnga).

Efɛɛz Rãmba 1:19

Mam pʋʋsdame tɩ yãmb na bãng bãmb pãn kãsengã sẽn zem to-to, la a sẽn tʋmd tõnd sẽn yaa Kiris tẽedbã pʋsẽ, wa sẽn zems bãmb naamã pãng sẽn tʋmdã.

Efɛɛz Rãmba 3:2

M tẽed tɩ yãmb wʋmame tɩ b gomd Wẽnnaam bark koɛɛgã b sẽn kõ maam tɩ m togs yãmbã yelle.

Efɛɛz Rãmba 3:20

Bɩ soab ning sẽn tõe n tall-a pãng ning sẽn be tõnd pʋgẽ n tʋmdẽ wã n maan hal wʋsg n yɩɩg tõnd sẽn kot fãa, wall d sẽn tagsd fãa wã

Efɛɛz Rãmba 3:8

Mam sẽn yaa Wẽnnaam nebã fãa yao-zʋʋgã, Wẽnnaam kõo maam bakr‑kãnga, tɩ m moon koe-noog ning sẽn wilgd Kiris arzegs sẽn ka sɛtã bu-zẽmsã sʋka,

Efɛɛz Rãmba 4:16

Yaa bãmb yĩng la yĩngã wil gill fãa sẽn sog taab sõama, sũgdsã sẽn zãad yĩngã sõama wã yĩngã, yĩngã will fãa bɩtame n zems a sẽn tog n bɩ to-to, la a bɩɩsd a meng ne nonglem.

Kolos Rãmba 1:29

Yaa bõn-kãng yĩng la mam tʋmda, n tar bãmb pãngã sẽn maand a tʋʋmd mam pʋgẽ ne pãn‑kãsengã n maoodẽ.

1Tesalonik Rãmba 2:13

Tõnd pʋʋsda Wẽnnaam bark me n ka basdẽ ye. Bala, yãmb sẽn deeg Wẽnnaam goamã tõnd sẽn togs yãmbã, yãmb ka reeg-a wa a yaa ninsaalb goam ye. Yãmb deeg-a-la wa a sẽn yaa bũmb ning sɩd-sɩdã, Wẽnnaam goam sẽn tʋmd yãmb sẽn yaa Kiris tẽedbã pʋgẽ.

Ebre rãmba 13:21

na kɩt tɩ yãmb tõog n maan sẽn yaa sõama, tɩ y na maan bãmb daabo. Bɩ Wẽnnaam kɩt tɩ bũmb nins sẽn noom bãmbã maan tõnd pʋse, a Zeezi Kiris maasem yĩnga, soab ning sẽn zems ne ziir zamaan woo zamaane! Ãmina!