Efɛɛz Rãmba 3:10 - WẼNNAAM SEBRE 2014

¹⁰ Dẽ, sẽn sɩng ne moasã, Kiris tẽedbã maasem yĩng na n kɩtame tɩ nanambsã ne yĩngr pãens rãmbã bãng Wẽnnaam yamã, bũmb wʋsg pʋgẽ.

SEBR SÕNGO

¹⁰ Woto, arzãn kãsem-dãmb la pãn-dãmb na tũ Tigengu n bãng Wẽnnaam sẽn tʋm ne yam la bãngr pidung ninga.

KÃAB-PAALGÃ KOE-NOOGO

¹⁰ Dẽ, sẽn sɩng ne moasã, a Zezi tẽedbã maasem yĩng na n kɩtame tɩ nanamsã ne yĩngr pãens rãmbã bãng Wẽnnaam yamã, bũmb wʋsg pʋgẽ.

Efɛɛz Rãmba 3:10 Iomraidhean Croise

Yɩɩn‑sõamyã 103:20

Yãmb fãa sẽn yaa Sẽn-Ka-Saab malegse, n yaa gãndaad n tar pãnga, n kelgd bãmb goamã la y sakd-bã, pẽg-y Sẽn-Ka-Saabo!

Yɩɩn‑sõamyã 104:24

Sẽn-Ka-Saabo, yãmb tʋʋmã sõor waooga! Yãmb maana y tʋʋmã fãa ne yam. Dũniyã pida ne bũmb nins yãmb sẽn naanã.

Ezekiyɛl 3:12

Dẽ zugẽ, Sɩɩgã zẽka maam, la mam wʋma koe-kãseng mam poorẽ wã sẽn yet yaa: «Bɩ Sẽn-Ka-Saab ziirã paam pẽgre, b sẽn beẽ wã pʋga.»

Rom Dãmba 11:33

Wẽnnaam arzegsã, la b yamã ne b bãngrã zulma wʋsgo. Ned ka tõe n vees bãmb bʋʋdã soay n bãng ye, la ned ka tõe n wʋm bãmb so-tũudsã võor ye. Sɩd me,

Rom Dãmba 8:38

Bala, mam sũur keemame tɩ kũum, wall vɩɩm, wall malegse, wall pãn-soaadba, wall bũmb sẽn be moasã, wall bũmb sẽn wata,

1 Korẽnt rãmba 1:24

La sã n yaa ne neb nins sẽn paam-b boolgã, tɩ b yaa Zʋɩf tɩ b yaa Gɛrke, koɛɛgã yaa pãng sẽn yit Wẽnnaam nengẽ, yam sẽn yit Wẽnnaam nengẽ.

1 Korẽnt rãmba 2:7

Tõnd moonda Wẽnnaam yam sẽn yaa yel-solemde la sẽn solge, tɩ Wẽnnaam pĩnd n segl hal sẽn deng zamaan sɩngre, tõnd waoogr yĩnga.

Efɛɛz Rãmba 1:21

Wẽnnaam kɩtame tɩ Kiris yɩɩd rĩm-dãmba fãa la noyã fãa la pãensã fãa la naam fãa, la b yʋʋrã yɩɩda yʋyã fãa sẽn pʋtã, la ka dũndã zamaanã pʋg bal ye, la yaa ne zamaan ning sẽn watã me pʋgẽ.

Efɛɛz Rãmba 1:23

Kiris tẽedbã yaa Kirisã yĩnga. Kiris yalẽ wã fãa bee b nebã pʋgẽ, la b pida bũmb fãa ned fãa pʋgẽ.

Efɛɛz Rãmba 1:3

Pẽgr Wẽnnaam sẽn yaa tõnd Zu-soab a Zeezi Kiris ba wã! Bãmb sẽn kõ tõnd Sɩɩg-sõng bark buud fãa sẽn yit yĩngri, Kiris maasem yĩngã.

Efɛɛz Rãmba 1:8

bark ning Wẽnnaam sẽn kõ tõnd hal wʋsgo, n paas yam fãa ne bãngrã.

Efɛɛz Rãmba 6:12

Bala, tõnd zabr ka ne ninsaal sẽn yaa nemd la zɩɩmã ye, la yaa ne lik rĩm-dãmba la a pãens sẽn so naam tẽng zug ka wã, la wẽng maaneg sɩɩsã sẽn be yĩngrã.

Kolos Rãmba 1:16

Bala, bãmb n naan bũmb nins fãa sẽn be yĩngr wall tẽng zugu, sẽn be yãab la sẽn ka tõe n yã, naam gɛyã, rĩm-dãmba, pãn-soaadba, la noyã. Bãmb n naan fãa b mengã yĩnga.

Kolos Rãmba 2:10

La yãmb tara bũmb fãa bãmb pʋg tɩ seke, bãmb sẽn yaa nanambs fãa Naaba la noyã fãa Zu-soabã.

Kolos Rãmba 2:15

Kiris sãama pãens rãmba ne noyã pãnga, n wilg nebã fãa tɩ b tõog-b-la ne da-pɩkã.

1 Tɩmote 3:16

Ned ka tõe n kɩɩs tɩ wẽn-tũudbã yel-soalmã ka bõn-kãseng ye. Kirisi, soab ning sẽn dɩk yĩng tɩ neb yãnd-a wã, soab ning Sɩɩg-sõng sẽn kɩs a kaset-sõngã, b puka b meng ne malegsã, neb moona b yellã buud toay-toayã sʋka, la tẽng zug ka, neb tẽ-b lame, la b paama zẽkre, la ziiri.

1 Pɩyɛɛr 1:12

La Wẽnnaam vẽnega b no-rɛɛsdbã tɩ b bãng tɩ bãmb sẽn deeg koɛɛg ningã ka bãmb mens yĩng ye, la yaa yãmb yĩnga la b ya bõn-kãens tʋmtʋmdba. Moasã, neb nins sẽn moon yãmb koe-noogã togsa yãmb bõn-kãens ne Sɩɩg-sõng sẽn yi arzãnã pãnga, la baa malegsã mens datẽ lame n wʋm a võore.

1 Pɩyɛɛr 3:22

A Zeezi Kiris zɛk n bee arzãna, n be Wẽnnaam dɩtgo, la malɛɛk-rãmbã ne pãn-soaadbã, la pãens rãmbã sakda bãmba.