Efɛɛz Rãmba 2:4 - WẼNNAAM SEBRE 2014

⁴ La Wẽnnaam sẽn tar nimbãan-zoeer wʋsgã, la bãmb sẽn nong tõnd ne nonglem kãsengã yĩnga,

SEBR SÕNGO

⁴ Wẽnnaam nimbãan-zoeera ka be sɛɛb ye tɩ b nonglem ne tõnd yaa nonglem kãsenga.

KÃAB-PAALGÃ KOE-NOOGO

⁴ La Wẽnnaam sẽn tar nimbãan-zoeer wʋsgã, la bãmb sẽn nong tõnd ne nonglem kãsengã yĩnga,

Efɛɛz Rãmba 2:4 Iomraidhean Croise

A Neemi 9:17

Bãmb zãgsame n ka kelg yãmb ye. La b ka tẽeg bõn-bãnã yãmb sẽn maan n kõ bãmbã yell ye. Bãmb kɩɩsgã pʋga, b kenga b sũyã, n yãk taoor soab n dat n lebg n leb b yembdã pʋg Ezɩpt tẽnga. La baa ne rẽ fãa, yãmb yaa Wẽnnaam sẽn kõt sugri, la y yaa nimbãan-zoɛta, la y yaa maan-neer soaba, la y sũur ka yikd tao-tao ye, la yãmb nonglmã sẽn yaa kãsengã yĩnga, yãmb ka bas-b ye.

Yɩɩn‑sõamyã 145:8

Sẽn-Ka-Saab yaa sõmblem-soaba, la nimbãan-zoɛta, bãmb yaa sũ-mar soaba, la nonglem-kãseng soaba.

Yɩɩn‑sõamyã 51:1

A Davɩɩd yɩɩlle, yɩɩlã naab yĩnga.

Yɩɩn‑sõamyã 86:15

Zu-soab a Wẽnnaam yãmb yaa nimbãan-zoeer soaba, la y yaa maan-neer soaba. Yãmb yaa sũ-maasem soaba, yãmb nonglmã yaa kãsenga, la y yaa sɩd soaba.

Yɩɩn‑sõamyã 86:5

Zu-soaba, yãmb yaa sõmblem soaba, la y kõta sugri. Yãmb nonglmã yaa kãsenga, neb nins fãa sẽn boond yãmbã yĩnga.

Yikri 33:19

La bãmb yeelame: «Mam na n kɩtame tɩ mam sõmblmã fãa lʋɩ fo taoore, la m wilg foom m yʋʋrã sẽn yaa Sẽn-Ka-Saabo, la mam na n ninga m sẽn dat n ning a soab zug barkã barka, la m zoe mam sẽn dat n zoe a soab nimbãanegã nimbãanega.»

A Ezayi 63:7

Mam na n tẽega Sẽn-Ka-Saab sẽn maan bũmb ning b sõmblmã pʋgã yelle. Mam na n tẽega bãmb tʋʋm-yɛɛsdsã sẽn zems pẽgrã yelle. Mam na n tẽega maan-neer ning fãa Sẽn-Ka-Saab sẽn maan tõnd yĩngã. Mam na n tẽega bãmb sõmblem-kãsengã Israyɛll buudã yĩngã. Mam na n tẽega maan-neer ning Sẽn-Ka-Saab sẽn maan Israyɛll nebã yĩngã, wa sẽn zems b nimbãan-zoeer ne b nonglem-kãsengã yelle.»

Zeremi 31:3

Sẽn-Ka-Saab zĩnda yɩɩg n puk b meng ne maam n yeele: ‹Mam nonga foom ne nonglem sẽn ka sɛta. Rẽ kɩtame tɩ mam na n nong foom n ka basdẽ ye.

A Dãniyɛlle 9:9

Tõnd Zu-soab a Wẽnnaam, tõnd kɩɩsa yãmba, la yãmb yaa nimbãan-zoɛta, la sugr soaba.

A Zonaase 4:2

La a Zonaas pʋʋsa Sẽn-Ka-Saab n yeel yaa: «Sẽn-Ka-Saabo, ka woto la m sẽn da pĩnd n yeel mam sẽn wa n ket n be m tẽngẽ wã sɩda? Yaa rẽ yĩng la m sẽn da zoet n na n kẽng Tarsɩɩsã. Bala, mam miime tɩ yãmb yaa Wẽnnaam, y yaa sugr kõata, la nimbãan-zoɛta, la yãmb sũurã ka yikd tao-tao ye. Y tara nonglem wʋsgo, la yãmb basda sɩbgr ning y sẽn dag n tog n sɩbgã tɩ vaale.

A Luk Sõng 1:78

tõnd Wẽnnaamã nimbãan-zoeerã sẽn yaa kãsengã yĩnga. Yaa nimbãan-zoeerã yĩng la sõorã sẽn pukdã na n wa tõnd nengẽ,

Rom Dãmba 10:12

Sɩd me, welgr ka be Zʋɩf ne Gɛrk sʋk ye: B fãa tara Zu-soab a yembr sẽn maand neb nins fãa sẽn boond bãmbã neer wʋsgo.

Rom Dãmba 2:4

Bɩ fo ka nand bãmb sõmblmã, la bãmb sũ-bʋgsmã, la bãmb sũ-marã sẽn waoogã, n ka miẽ tɩ Wẽnnaam sõmblmã tusda foom tɩ f tek yam n kos sugri?

Rom Dãmba 5:8

Wakat ning tõnd sẽn dag n ket n yaa yel-wẽn-maandba, Kiris kii tõnd yĩnga, la ne rẽnda, Wẽnnaam wilga b nonglem tõnd yĩnga.

Rom Dãmba 9:23

La bãmb sã n dag n datame n kɩt tɩ lagd sẽn zems ne nimbãan-zoeere, la bãmb sẽn pĩnd n yãk tɩ b paam ziirã bãng bãmb ziirã sẽn zems to-to?

Efɛɛz Rãmba 1:7

Yaa Kiris zɩɩmã maasem yĩng la tõnd paam fãagre, fãagr ning sẽn yaa yel-wẽnã sugr kũuni, sẽn zems Wẽnnaam barkã sẽn waoog wʋsgã,

Efɛɛz Rãmba 2:7

tɩ wakat sẽn wate, bɩ bãmb tõe n wilg tõnd bãmb bark kãsengã, b sẽn kõ tõnd sõmblem Kiris maasem yĩngã.

Efɛɛz Rãmba 3:8

Mam sẽn yaa Wẽnnaam nebã fãa yao-zʋʋgã, Wẽnnaam kõo maam bakr‑kãnga, tɩ m moon koe-noog ning sẽn wilgd Kiris arzegs sẽn ka sɛtã bu-zẽmsã sʋka,

2Tesalonik Rãmba 2:13

D ba-biis Zu-soabã sẽn nong wʋsgo, sã n yaa ne tõndo, tõnd tog n pʋʋsda Wẽnnaam bark wakat fãa yãmb yĩnga, bala, Wẽnnaam tũusa yãmb hal sɩngr wẽndẽ tɩ y na paam fãagre, la yaa Sɩɩgã sẽn na welg yãmb toor Wẽnnaam yĩnga, la yãmb sẽn na n tẽ sɩdã yĩng la y na n paam-a.

1 Tɩmote 1:14

La mam paama tõnd Zu-soabã barkã, n paas tẽeb la nonglem sẽn be a Zeezi Kiris pʋgẽ.

2 Tɩmote 1:9

Yaa bãmb n fãag tõndo, la b bool tõnd bool-sõngo. La ka tõnd tʋʋm yĩng ye, yaa bãmb mengã tʋlsem la bark ning b sẽn maan tõnd a Zeezi Kiris pʋgẽ hal sẽn deng wakat sẽn ka sɩngrã wakatã yĩnga.

1 Pɩyɛɛr 1:3

Pẽgr Wẽnnaam ning sẽn yaa tõnd Zu-soab a Zeezi Kiris ba. Bãmb nimbãan-zoeerã sẽn yaa kãsengã yĩnga, b kõo tõnd dogem paalg a Zeezi Kiris sẽn vʋʋg n bas kũumã maasem yĩnga, tɩ tõnd tar tẽeb pidsg gũudum