Efɛɛz Rãmba 1:7 - WẼNNAAM SEBRE 2014

⁷ Yaa Kiris zɩɩmã maasem yĩng la tõnd paam fãagre, fãagr ning sẽn yaa yel-wẽnã sugr kũuni, sẽn zems Wẽnnaam barkã sẽn waoog wʋsgã,

SEBR SÕNGO

⁷ Yaa Bi-kãng sẽn daag b zɩɩma nengẽ la d yãet tɩlgre, la d paamd d yel-wẽna yẽesgo, tɩ b nimbãan-zoeerã ka be tɛk ye.

KÃAB-PAALGÃ KOE-NOOGO

⁷ Yaa Kirist zɩɩmã maasem yĩng la tõnd paam fãagre, fãagr ning sẽn ya yel-wẽnã sugr kũuni, sẽn zems Wẽnnaam barkã sẽn waoog wʋsgã,

Efɛɛz Rãmba 1:7 Iomraidhean Croise

A. Zoobe 33:24

yẽnda sã n zoe a nimbãaneg n yeel tɩ b ra bas-a t'a sig yaoogẽ wã, mam paama yaood n yao!

Yɩɩn‑sõamyã 130:4

La sugr bee yãmb nengẽ, tɩ nebã tõe n zoe yãmba.

Yɩɩn‑sõamyã 130:7

Israyɛll nebã, maan-y tẽeb ne Sẽn-Ka-Saabo, bala, bãmb yaa nonglem soaba. La bãmb tara soay buud toay-toay n fãagdẽ.

Yɩɩn‑sõamyã 86:5

Zu-soaba, yãmb yaa sõmblem soaba, la y kõta sugri. Yãmb nonglmã yaa kãsenga, neb nins fãa sẽn boond yãmbã yĩnga.

Yikri 34:7

La mam maanda sɩd hal tɩ ta zamaan tusri, n kõt neb sugr b beegrã ne b kɩɩsgã la b yel-wẽnã fãa yĩnga. La baoosgo, mam ka na n bas yãmb taal y beegrã yĩng ye. Mam na n kɩtame tɩ ba-rãmbã beegrã sɩbgr zĩnd bãmb kambã zutu, la bãmb yagensã zut hal tɩ ta zamaan a tãabo, la ne a naase.»

A Ezayi 43:25

Maam m yembr bal n tõe n yẽes yãmb beegrã. La m ka na n leb n tẽeg yãmb yel-wẽnã yell ye.

Zeremi 31:34

Tẽngã pʋgẽ, ned ba a yembr ka na n leb n zãms a to ye. Ned ka na n zãms a ba-biiga, n yeel-a t'a sak Sẽn-Ka-Saab noorã ye. Bala, b fãa na n saka maam, sẽn sɩng ne sẽn yaa-a bilf n yɩɩd bãmb sʋkã, tɩ ta sẽn yaa-a kãseng n yɩɩdã. Mam na n kõo bãmb sugr b kongrã yĩnga, mam ka na n leb n tẽeg b yel-wẽnã yell ye.» Sẽn-Ka-Saab n yeele.

A Dãniyɛlle 9:19

Zu-soaba, kelg-y-do! Kõ-y-d sugri! Zu-soaba, kɩll-y y tʋbr n kelg-do! Y mengã waoogr yĩnga, bɩ y maan d sẽn kotã, la y ra kaoos ye. Bala, tẽngã yaa yãmb tẽnga, la nebã yaa yãmb nebã.»

A Dãniyɛlle 9:9

Tõnd Zu-soab a Wẽnnaam, tõnd kɩɩsa yãmba, la yãmb yaa nimbãan-zoɛta, la sugr soaba.

A Zonaase 4:2

La a Zonaas pʋʋsa Sẽn-Ka-Saab n yeel yaa: «Sẽn-Ka-Saabo, ka woto la m sẽn da pĩnd n yeel mam sẽn wa n ket n be m tẽngẽ wã sɩda? Yaa rẽ yĩng la m sẽn da zoet n na n kẽng Tarsɩɩsã. Bala, mam miime tɩ yãmb yaa Wẽnnaam, y yaa sugr kõata, la nimbãan-zoɛta, la yãmb sũurã ka yikd tao-tao ye. Y tara nonglem wʋsgo, la yãmb basda sɩbgr ning y sẽn dag n tog n sɩbgã tɩ vaale.

A Miise 7:18

Wẽnnaam-bʋg n be n yaa wa yãmba, n kõt bu-kellã sẽn yaa yãmb dẽndã a beegr sugri, la a ka geelgd a kongrã? Yãmb sũ-yikrã ka paad wakat fãa ye. Bala, y sũur noomame tɩ wilg y sõmblem.

Zakari 13:1

Badaare, ko-bundum n na n pusg n yi a Davɩɩd buudã ne Zeruzalɛm nebã yel-wẽnã ne b rẽgdã pekr yĩnga.

Zakari 13:7

Saasẽ-Pãng-Soabã yetame: Zabr sʋʋga, yik n zab ne mam pe-kɩɩmã, zab ne soab ning sẽn be ne maamã! Wẽ pe-kɩɩmã, la piisã na n sãeegame, la mam mengã nug n na n wa wẽ pe-bi wã.

Zakari 9:11

«Sã n yaa ne yãmba, kaool ning mam sẽn tall zɩɩm n maan ne yãmbã yĩnga, mam na n yiisa fo yembsã bul-koɛɛngã pʋgẽ.

A Matiye Sõng 20:28

Yaa woto yĩng la Ninsaal Bi-riblã wa yã. Ka tɩ nebã na sõng bãmb ye, la yaa tɩ bãmb na sõng nebã, la tɩ kõ b vɩɩmã, n yao n fãag neb wʋsgo.»

A Matiye Sõng 26:28

bala, yõwã yaa mam zɩɩm, kãab-paalgã zɩɩm sẽn daag neb wʋsg yĩnga, yel-wẽnã sugr kũun yĩnga.

A Matiye Sõng 6:12

Kõ-y tõnd sugr d beegr yĩnga, a wa tõnd me sẽn kõt d bɛɛgdbã sugrã.

A Mark Sõng 14:24

La a Zeezi yeela bãmb yaa: «Yõwã yaa mam zɩɩm, kãab-paalg zɩɩm sẽn daag neb wʋsg yĩnga.»

A Luk Sõng 1:77

la f kɩt tɩ nebã bãng tɩ yaa ne yel‑wẽnã sugr kosg la b na n paam fãagre,

A Luk Sõng 24:47

La tɩ sẽn sɩng ne Zeruzalɛm, b na n moona yam tekr koɛɛg buudã fãa sʋk ne bãmb yʋʋr tɩ b tõe n paam yel-wẽnã sugri.

A Zã Sõng 20:23

Neb nins yãmb sẽn na n kõ sugrã na n paama sugri, la neb nins yãmb sẽn na tõdg sugrã kõn paam sugr ye.»

Tʋʋma 10:43

Wẽnnaam no-rɛɛsdbã fãa goma Zeezi yell n yeel tɩ ned ning fãa sẽn tẽeda bãmb na n paama a yel-wẽnã sugr kũun ne bãmb yʋʋre.

Tʋʋma 2:38

A Pɩyɛɛr yeel-b lame yaa: «Tek-y yam n kos sugri, la bɩ ned kam fãa sak n deeg koom lisg ne a Zeezi Kiris yʋʋr a yel-wẽnã sugr kũun yĩnga. Dẽ, y na yaool n deeg Wẽnnaam kũunã sẽn yaa Sɩɩg-sõngã.

Tʋʋma 20:28

Dẽ wã, gũus-y y mense, la y ges piis nins fãa Sɩɩg-sõng sẽn kõ-y tɩ y gũ wã yelle. Rɩlg-y Zu-soabã tẽedbã b sẽn da ne b biigã zɩɩmã.

Tʋʋma 3:19

Dẽ, tek-y yam n kos sugri tɩ Wẽnnaam tõe n yẽes y yel-wẽnã,

Rom Dãmba 2:4

Bɩ fo ka nand bãmb sõmblmã, la bãmb sũ-bʋgsmã, la bãmb sũ-marã sẽn waoogã, n ka miẽ tɩ Wẽnnaam sõmblmã tusda foom tɩ f tek yam n kos sugri?

Rom Dãmba 3:24

La b paamda zemsgã zaalem bala, Wẽnnaam nimbãan-zoeerã yĩnga, fãagr ning sẽn be a Zeezi Kiris pʋgẽ wã maasem yĩnga.

Rom Dãmba 3:25

Yaa bãmb la Wẽnnaam pĩnd n yãk n kõ, neb nins sẽn na n tẽ bãmbã yel-wẽna yiisg yĩnga, ne b zɩɩmã. Woto na n wilga Wẽnnaam tɩrlem. Bãmb sẽn bas nebã n ka sɩbg-b b yel-wẽn nins b sẽn dag n maan Wẽnnaam sũ-marã wakatã yĩnga,

Rom Dãmba 9:23

La bãmb sã n dag n datame n kɩt tɩ lagd sẽn zems ne nimbãan-zoeere, la bãmb sẽn pĩnd n yãk tɩ b paam ziirã bãng bãmb ziirã sẽn zems to-to?

1 Korẽnt rãmba 1:30

Yaool n yaa Wẽnnaam n kɩt tɩ yãmb be a Zeezi Kiris pʋgẽ, Wẽnnaam kɩtame tɩ Kiris lebg tõnd yam, la d tɩrlem, la d welg-toore, la d fãagre,

2 Korẽnt rãmba 8:9

Bala, yãmb mii tõnd Zu-soab a Zeezi Kiris barkã. Tɩ baa bãmb sẽn yaa arzɛk soabã, b maana b meng naong soab yãmb yĩnga, tɩ ne bãmb naongã, yãmb na paam arzegse.

Efɛɛz Rãmba 1:14

Sɩɩg-sõng yaa kaset sẽn wilgd tɩ tõnd na n paama d pʋɩɩrã, sẽn yaa tɩ Wẽnnaam sẽn da neb ninsã na n dɩɩ naam tɩ yɩ Wẽnnaam ziiri.

Efɛɛz Rãmba 1:18

Mam pʋʋsdame tɩ Wẽnnaam na puk yãmb pʋ-tẽer ninã tɩ y bãng bõn-neer ning b sẽn bool yãmb tɩ ka tar paamã, la y bãng bãmb pʋɩɩr ning sẽn yaa arzegs sẽn be ziirã, Wẽnnaam nin-tũusdsã sẽn tarã.

Efɛɛz Rãmba 1:6

Bõn-kãng yaa tɩ tõnd na zẽk bãmb barkã ziir b sẽn kõ tõnd bãmb Bi-riblã maasem yĩngã.

Efɛɛz Rãmba 1:8

bark ning Wẽnnaam sẽn kõ tõnd hal wʋsgo, n paas yam fãa ne bãngrã.

Efɛɛz Rãmba 2:4

La Wẽnnaam sẽn tar nimbãan-zoeer wʋsgã, la bãmb sẽn nong tõnd ne nonglem kãsengã yĩnga,

Efɛɛz Rãmba 2:7

tɩ wakat sẽn wate, bɩ bãmb tõe n wilg tõnd bãmb bark kãsengã, b sẽn kõ tõnd sõmblem Kiris maasem yĩngã.

Efɛɛz Rãmba 3:16

tɩ b na kõ yãmb wa sẽn zems b naamã arzɛka, n kɩt tɩ ne bãmb Sɩɩg-sõng pãnga, bɩ yãmb paam pãng y sũyã pʋse,

Efɛɛz Rãmba 3:8

Mam sẽn yaa Wẽnnaam nebã fãa yao-zʋʋgã, Wẽnnaam kõo maam bakr‑kãnga, tɩ m moon koe-noog ning sẽn wilgd Kiris arzegs sẽn ka sɛtã bu-zẽmsã sʋka,

Filip rãmba 4:19

Mam Wẽnnaam na kõ yãmb bũmb fãa tɩ sek-yã wa sẽn zems bãmb arzeg-kãsemsã a Zeezi Kiris maasem yĩnga.

Kolos Rãmba 1:14

soab ning maasem yĩng tõnd sẽn paam fãagre, la yel-wẽna sugrã.

Kolos Rãmba 1:27

Wẽnnaam n tʋlg n kɩt tɩ b nebã bãng yel-solem-kãngã arzɛkã sẽn tar ziir bu-zẽmsã sʋkã, dat n togs tɩ Kiris sẽn be yãmb pʋsẽ wã, b na n pidsa tẽeb gũudum ning sẽn yaa ziirã.

Kolos Rãmba 2:13

Pĩnda, yãmb sẽn dag n yaa bɛɛgdb y kongrã ne y sẽn ka kẽ bãong y yĩngã pʋgẽ wã yĩngã, Wẽnnaam kõo yãmb vɩɩm ne Kiris n kõ tõnd beegrã fãa sugri.

Kolos Rãmba 2:2

Mam maoodame tɩ b sũyã tõe n paam belsgo, tɩ b tõe n lagem taab nonglem pʋgẽ n paam yam n bãng sɩd-sɩda, n bãng Wẽnnaam yel-sõmdã sẽn yaa Kirisã.

1 Tɩmote 2:6

soab ning sẽn kõ a meng tɩ ra nebã fãa wã. Yõwã yaa kaset sẽn kɩs a wakate.

A Titi 2:14

A Zeezi Kiris kõo b meng tõnd yĩnga, tɩ fãag tõnd ne yel-wẽn fãa n kɩt tɩ tõnd lebg bãmb neb b sẽn yɩlge, la sẽn wɩngd ne tʋʋm-sõamyã maanego.

A Titi 3:6

Yaa Sɩɩg-sõng ninga Wẽnnaam sẽn tũnug tõnd fãagd a Zeezi Kiris n sik-a tõnd zug wʋsgã,

Ebre rãmba 9:22

Sã n yaa ne tõogã, yaa ne zɩɩm la sẽn kolg bũmbã fãa lebgd yɩlemde. La zɩɩm sã n ka raage, sugr ka be ye.

1 Pɩyɛɛr 2:24

Kiris meng n deeg tõnd yel-wẽnã b yĩngã pʋgẽ da-pɩkã zugu, tɩ tõnd sẽn yaa wa kũum yel-wẽnã wɛɛngẽ wã, tõnd na vɩɩmd n maan tɩrlem. Yaa bãmb poglgã yĩng la yãmb paamd maagre.

1 Pɩyɛɛr 3:18

Sɩd me, Kiris me kii vugr bal yel-wẽnã yiisg yĩnga. Bãmb sẽn yaa nin-tɩrgã, b kii ka-tɩrlem dãmbã yĩnga, sẽn na yɩl n tall yãmb n ta Wẽnnaam nengẽ. B kʋʋ bãmb yĩngã, la Sɩɩg-sõng leb n kõo bãmb vɩɩm.

1 Zã 2:12

Kom-bãoonego, mam gʋlsda yãmb tɩ bala, Kiris yʋʋrã yĩnga yãmb paama y yel-wẽnã sugri.

1 Zã 2:2

B talla a Zeezi meng n maan maoong tõnd yel-wẽnã sugr kũun yĩnga, la ka tõnd bal yel-wẽnã yĩng ye, la dũni nebã fãa me yel-wẽnã yĩnga.

1 Zã 4:10

Nonglem‑kãng ka tõnd sẽn nong Wẽnnaam yĩng ye, yaa bãmb sẽn nong tõndo, n tʋm b Bi-riblã tɩ b yɩ maoong tõnd yel-wẽnã sugr kũun yĩnga.

Vẽnegre 14:4

Yaa neb nins sẽn ka rẽgem b mens ne pagbã, bala b ka sãam ye. Bãmb na n pʋgda pe-bilã n dabd zĩig ning fãa b sẽn dabdã. B raa bãmb n yiis nebã sʋka, tɩ b yɩ wa dẽenem biis Wẽnnaam ne pe-bilã yĩnga,

Vẽnegre 5:9

La bãmb da yɩɩnda yɩɩn-paalg n yetẽ: Yãmb n zems tɩ reeg sebrã la y sogs a sogdsã, bala b ra kʋʋ yãmba, la yãmb fãaga neb buud fãa pʋgẽ, goam buud fãa pʋgẽ, tẽms fãa pʋgẽ, soolem fãa pʋgẽ ne yãmb zɩɩm tɩ b lebg Wẽnnaam nebã.