Efɛɛz Rãmba 1:5 - WẼNNAAM SEBRE 2014

⁵ bãmb da pĩnd n yãka yam tɩ tõnd na n yɩɩ bãmb kamba, a Zeezi maasem yĩnga, a wa sẽn zems bãmb daabo, la sẽn noom bãmba.

SEBR SÕNGO

⁵ Bãmb n pĩnd n yals menga tɩ Krista maasem yĩnga, tõnd na n lebga bãmb kom-wubdsi. Woto la b tʋlg ne b yamleoogo,

KÃAB-PAALGÃ KOE-NOOGO

⁵ bãmb da pĩnd n yãka yam tɩ tõnd na n yɩɩ bãmb kamba, a Zezi maasem yĩnga, a wa sẽn zems bãmb daabo, la sẽn noom bãmba.

Efɛɛz Rãmba 1:5 Iomraidhean Croise

Zeremi 3:19

Mam dag n nongẽ lame n geelg yãmb n naag m kambã, n kõ-y tẽng sẽn tar bõn-sõamyã, tẽng sẽn yaa buud toay-toayã fãa tẽn-neere. Mam dag n tagsame tɩ y na n boolẽ-la maam tɩ y ba, n ka wẽnemd n bas maam ye.

Zeremi 3:4

La moasã, yãmb saag n boonda maam tɩ y ba, la y zoa meng hal y yãadem wakate,

A Matiye Sõng 1:25

La yẽnda ka bãng-a hal t'a wa rog bi-ribla, t'a pʋd a yʋʋr t'a Zeezi.

A Matiye Sõng 11:26

N-yẽe! M ba, yãmb n dat tɩ yɩ a woto.

A Luk Sõng 10:21

Wakat-kãng bala, Sɩɩg-sõng kɩtame t'a Zeezi paam sũ-no-kãseng n yeele: «M ba sẽn yaa arzãn la tẽng Zu-soaba, mam pẽgda yãmba, yãmb sẽn solg bõn-kãens ne yam-dãmba, la yẽesem-dãmbã, n yaool n vẽneg-b ne kom-bãoonegã yĩnga. N‑yẽe, m ba, yaa yãmb n dat tɩ yɩ a woto.

A Luk Sõng 11:32

Bʋʋdã wakate, Niniiv nebã na n yika ne zamaan‑kãngã nebã n kao b bʋʋdo. Bala, a Zonaas sẽn moon bãmb koɛɛgã, b kosa sugri. La gese, sẽn be-a ka wã yɩɩda a Zonaase.

A Luk Sõng 12:32

Mam piisi, da zoe-y dabeem ye. Bala, a taa yãmb ba wã yam tɩ b kõ yãmb b soolmã.

A Zã Sõng 1:12

La neb nins fãa sẽn deeg bãmba, la neb nins sẽn tẽed bãmb yʋʋrã, b kõo bãmb noor tɩ b lebg Wẽnnaam kamba.

A Zã Sõng 11:52

La ka bãmb soolmã yĩng bal ye, la yaa sẽn na n yɩlẽ me n tigim Wẽnnaam kambã sẽn sãeegã, tɩ b lebg yĩng a yembre.

A Zã Sõng 20:17

A Zeezi yeel-a lame yaa: «Ra sɩɩs-m ye, bala, mam nan ka rʋ m ba nengẽ ye. Kẽng m ba-biisã nengẽ n tɩ yeel-b tɩ mam dʋʋda m ba sẽn yaa yãmb ba wã nengẽ, mam Wẽnnaam sẽn yaa yãmb Wẽnnaamã nengẽ.»

Tʋʋma 13:48

La bu-zẽmsã sẽn wʋm woto, b sũyã yɩɩ noogo, la b pẽga Zu-soabã goamã. La neb nins fãa sẽn na n paam vɩɩm sẽn kõn sɛ wã lebga tẽedba.

Rom Dãmba 8:23

Sẽn yɩɩda, tõnd mensã sẽn zoe n paam Sɩɩgã reng-n-lɛmbgã, tõnd me wẽeda sir d pʋsẽ, n gũud wakat ning Wẽnnaam sẽn na n deeg tõnd n maan b kambã, la d gũud tɩ b yols tõnd yĩngã n baase.

1 Korẽnt rãmba 1:1

Maam a Polle, sẽn paam-a boolg tɩ yɩ a Zeezi Kiris tẽn-tʋmda, wa sẽn zems ne Wẽnnaam daabã, ne ba-biig a Sostɛn n gʋlsd seb-kãngã,

1 Korẽnt rãmba 1:21

Bala, dũni wã sẽn ka tũnug Wẽnnaam yamã n bãng bãmbã, a meng yamã pʋgẽ wã yĩnga, a taa Wẽnnaam yam tɩ tall koe-moonegã yalemda n fãag neb nins sẽn tẽedã.

2 Korẽnt rãmba 6:18

Mam na n yɩɩ yãmb Ba, la yãmb na n yɩɩ mam kom-dibli la m kom-pugli. Yaa Zu-soabã, Sẽn-Tõe-Fãa fãa wã n yeele.

Galat Rãmba 3:26

Bala, yãmb sẽn tẽed a Zeezi Kirisã yãmb fãa yaa Wẽnnaam kamba.

Efɛɛz Rãmba 1:11

Kiris maasem yĩnga, Wẽnnaam yãka tõnd n bĩng toore. Bãmb sẽn maand bũmb fãa wa b yamã sẽn yãke la wa b sẽn datã, bãmb pĩnd n tʋlsa tõndo,

Efɛɛz Rãmba 1:9

Wẽnnaam kɩtame tɩ tõnd bãng bãmb datmã yel-solemde, a wa sẽn zems yam-yãkr ning b sẽn da pĩnd n yãk Kiris pʋgẽ wã.

Filip rãmba 2:13

Bala, yaa Wẽnnaam n maand b tʋʋmd yãmb pʋsẽ, la b kõt yãmb ratmã, la pãng tɩ maan wa sẽn zems bãmb daabã.

Kolos Rãmba 1:19

Bala, a taa Wẽnnaam yam tɩ kɩt tɩ bãmb sẽn yaa bũmb ning fãa, bɩ a Zeezi me yɩ a woto,

2Tesalonik Rãmba 1:11

Yaa woto yĩng la tõnd pʋʋsd yãmb yĩng n ka basdẽ ye, tɩ tõnd Wẽnnaamã na kɩt tɩ yãmb yɩ neb sẽn zemsd ne boolg ning b sẽn bool yãmbã, la tɩ b na pids saag-sõama nins yãmb sẽn tar ne tʋʋm-sõamy wã maanegã, la b kɩt tɩ yãmb tẽebã tʋʋmd zems zãnga.

Ebre rãmba 2:4

Bala Wẽnnaam mengã maana bãnã la bõn-yɛɛsdse, la bõn-bãn toay-toaya, la ne koees Sɩɩg-sõng sẽn kõt wa Wẽnnaam sẽn datã, n wilg tɩ sẽn gomd-bã kaset yaa sɩda.

1 Zã 3:1

Ges-y nonglem ninga d ba wã sẽn nong tõndã, bala b boonda tõnd tɩ Wẽnnaam kamba. La tõnd sɩd yaa bãmb kamba. Ad bũmb ning sẽn kɩt tɩ dũni wã ka mi tõndã: Yaa t'a ka bãng d ba wã ye.

Vẽnegre 21:7

Ned ning sẽn na n tõogã pʋɩɩr na n yɩɩ a woto: Mam na n yɩɩ yẽnda Wẽnnaam, la yẽnda na n yɩɩ mam biiga.