Efɛɛz Rãmba 1:4 - WẼNNAAM SEBRE 2014

⁴ Wẽnnaam yãka tõnd Kiris maasem yĩng sẽn deng dũni naanego, tɩ tõnd yɩ neb sẽn yell bãmb taoor ye. Wẽnnaam nonglmã pʋga,

SEBR SÕNGO

⁴ Tũu ne Krista tɩ b tũus tõnd al tɩ dũni nan ka sɩnge, n na n kɩt tɩ d lebg sõma n zãr ne rẽgd buud fãa, bãmb taoore la bãmb nonglma pʋgẽ.

KÃAB-PAALGÃ KOE-NOOGO

⁴ Wẽnnaam yãka tõnd Kirist maasem yĩng sẽn deng dũni naanego, tɩ tõnd yɩ neb sẽn ya yell bãmb taoor ye. Wẽnnaam nonglmã pʋga,

Efɛɛz Rãmba 1:4 Iomraidhean Croise

2 Sãmwɛlle 22:24

Mam maana burkĩnd ne bãmba, n gũus m meng ne yel-wẽn buud fãa.

Yɩɩn‑sõamyã 135:4

Bala, Sẽn-Ka-Saab yãka a Zakoobe, tɩ Israyɛll lebg bãmb dẽnda.

A Ezayi 42:1

Ad mam tʋmtʋmd mam sẽn sõngda, yaa mam nin-tũusdg mam sẽn nonge. Mam ninga m sɩɩgã yẽnda zugu. Yẽnda na n kɩtame tɩ tɩrlem zĩnd bu-zẽmsã sʋka.

Maan‑kʋʋre 19:2

«Gom ne Israyɛll nin-buiidã n yeel-b yaa: Yɩ-y pʋ-peelem dãmba, bala, maam a Sẽn-Ka-Saab sẽn yaa yãmb Wẽnnaamã yaa pʋ-peelem soaba.

Maan‑kʋʋre 20:7

Bɩ y yɩlg y mens n yɩ pʋ-peelem dãmba, bala, maam a Sẽn-Ka-Saab sẽn yaa yãmb Wẽnnaamã yaa pʋ-peelem soaba.

A Matiye Sõng 24:22

La da-kãens sõorã sã n dag n ka boogẽ, ned baa a yembr dag n kõn põsẽ ye. La b booga da-kãens sõor nin-tũusdsã yĩnga.

A Matiye Sõng 24:24

Bala, belgr kiris-rãmb la belgr no-rɛɛsdb n na n puki. B na n maana bõn-kãsemse, la bõn-yɛɛsdse, hal tɩ b sã n tõe menga, b na n tudga nin-tũusdsã mense.

A Matiye Sõng 24:31

Bãmb na n tʋma b malegs ne baor‑kẽeng koe-kãsenga, tɩ b tigs bãmb nin-tũusdsã sẽn be dũniyã kɩrems a naasã, hal yaang la nin‑taoore.

A Matiye Sõng 25:34

Dẽ, Rĩmã na n yeela sẽn be‑b bãmb dɩtgã yaa: «Yãmb dãmb sẽn tar m ba wã barkã, wa-y-yã! Reeg-y soolmã sẽn dag n segl yãmb yĩng hal dũni naaneg wakatã tɩ yɩ y pʋɩɩre.

A Zã Sõng 10:16

Mam tara piis a taab sẽn ket n nan ka be yãg-kãngã pʋgẽ ye. Kal mam tall bãmb me n wa. B na n wʋma mam koɛɛga, na n yɩɩ bãgr a yembre, la pe-kɩɩm-yɛnga.

A Zã Sõng 15:16

Ka yãmb n yãk maam ye, yaa maam n yãk yãmba, n ning m tʋʋmd yãmb zutu, tɩ yãmb na kẽng n wom biisi, la tɩ yãmb biisã na pa wakat fãa. Woto, bũmb ning fãa yãmb sẽn na kos m ba ne mam yʋʋre, b na kõ yãmba.

A Zã Sõng 17:24

M ba, mam datame tɩ neb nins yãmb sẽn kõ maamã me na zĩnd ne maam zĩig ning mam sẽn be wã, tɩ b na get mam ziirã, ziir ning yãmb sẽn kõ maam, yãmb sẽn nong maam hal sẽn deng dũni yẽbgrã yĩnga.

Tʋʋma 13:48

La bu-zẽmsã sẽn wʋm woto, b sũyã yɩɩ noogo, la b pẽga Zu-soabã goamã. La neb nins fãa sẽn na n paam vɩɩm sẽn kõn sɛ wã lebga tẽedba.

Tʋʋma 15:18

Ade, yaa Zu-soabã sẽn wilg bõn-kãens hal yʋʋm zãrã n yeel a woto.»

Tʋʋma 18:10

Bala, mam bee ne foom, la ned ba a yembr kõn tõog n yõk foom n maan-f wẽng ye. Bala, neb wʋsg n be tẽn-kãngã pʋg n yaa mam nebã.

Rom Dãmba 8:33

Ãnda n na n dõd Wẽnnaam nin-tũusdsã? Yaa Wẽnnaam la sẽn kɩtd tɩ ned lebg tɩrgã.

1 Korẽnt rãmba 1:8

Bãmb na n kɩtame tɩ y yals kãenkãe a woto hal tɩ wakat ta, tɩ rõadg kõn zĩnd yãmb zut tõnd Zu-soab a Zeezi Kiris daarã ye.

Galat Rãmba 5:13

M ba-biisi, b boola yãmb tɩ y vɩɩmd lohorem pʋgẽ. La bɩ y da rɩk lohorem‑kãng n na n vɩɩmd wa yĩngã sẽn datã ye. Vɩɩmd-y ne nonglem, la y tʋm n kõ taaba.

Galat Rãmba 5:22

La Sɩɩg-sõng bilã yaa nonglem, la sũ-noogo, la bãane, la sũ-mare, la sõmblem, la maan-neere, la maan-sɩda, la bʋgsem, la yõk-m-menga.

Galat Rãmba 5:6

Bala, bũmb ning sẽn be yõod Kiris pʋgẽ wã ka bãongã wall moonemã ye, yaa tẽeb sẽn tʋmd ne nonglem.

Efɛɛz Rãmba 2:10

Bala, tõnd yaa Wẽnnaam bõn-naandse. B naana tõnd Kirisã maasem yĩnga, tɩ tõnd na maan tʋʋm‑sõama nins bãmb sẽn dag n pĩnd n segl tɩ tõnd wa maanã.

Efɛɛz Rãmba 3:17

tɩ ne tẽebo, Kiris na zĩnd yãmb sũyã pʋse, la m kotẽ tɩ yãmb na kɩ yẽg n yals kãenkãe nonglem pʋgẽ,

Efɛɛz Rãmba 4:2

Kẽn-y ne sik-m-meng la sũ-bʋgsem la sũ-mare, la y sak n deeg taab ne nonglem,

Efɛɛz Rãmba 5:2

la y kẽn nonglem pʋga, wa Kiris me sẽn nong tõndo, n kõ b meng tõnd yĩng tɩ yɩ kũun la maoong sẽn yaa wa kaam sẽn tar yũ-noog n tat Wẽnnaam yam.

Efɛɛz Rãmba 5:27

n kɩt tɩ bãmb tẽedbã sẽn tar ziirã yals bãmb taoor tɩ rẽgdo, wall yõbdo, wall bũmb sẽn wẽnd a woto ra zĩnd ye, la tɩ b na yɩ pʋ-peelem dãmb sẽn ka tar yell ye.

Filip rãmba 2:15

Tɩ yãmb na yɩ neb sẽn ka tar yelle, la sẽn yaa yɩlma. Tɩ yãmb na yɩ Wẽnnaam kamb sẽn ka tar rõadg ye, zamaan‑kãnga nebã sẽn sãam la sẽn yaa wẽnsã sʋka, yãmb yãgda bãmb sʋk wa vẽenem dũniyã pʋga,

Kolos Rãmba 1:22

moasã, Wẽnnaam yiisa yell ning sẽn da be yãmb ne bãmb sʋkã, a Zeezi yĩn-kiidgã kũum maasem yĩnga, tɩ b tõe n tall yãmb n wa b taoor ne pʋ-peelem, tɩ y ka tar yelle, la tɩ rõdb kaẽ ye.

Kolos Rãmba 2:2

Mam maoodame tɩ b sũyã tõe n paam belsgo, tɩ b tõe n lagem taab nonglem pʋgẽ n paam yam n bãng sɩd-sɩda, n bãng Wẽnnaam yel-sõmdã sẽn yaa Kirisã.

Kolos Rãmba 3:12

Dẽ wã yĩnga, yãmb sẽn yaa Wẽnnaam nin-tũusdsi, la neb sẽn welg toorã, la neb Wẽnnaam sẽn nong wʋsgã, bɩ y yeelg nimbãan-zoeer meng-menga, la sõmblem, la sik-m-menga, la sũ-bʋgsem, la sũ-mar wa futu.

1Tesalonik Rãmba 3:12

Bɩ Wẽnnaam kɩt tɩ yãmb nonglem taab yĩnga, la nebã fãa yĩngã lebg kãseng n puugi, wa nonglem ning tõnd sẽn tar yãmb yĩngã.

1Tesalonik Rãmba 4:7

Bala, Wẽnnaam ka bool tõnd tɩ d maan rẽgd ye, la yaa tɩ d na welg toor n yɩ bãmb dẽnda.

2 Tɩmote 1:9

Yaa bãmb n fãag tõndo, la b bool tõnd bool-sõngo. La ka tõnd tʋʋm yĩng ye, yaa bãmb mengã tʋlsem la bark ning b sẽn maan tõnd a Zeezi Kiris pʋgẽ hal sẽn deng wakat sẽn ka sɩngrã wakatã yĩnga.

2 Tɩmote 2:10

Rẽ n kɩt tɩ mam sakd bũmba fãa nin-tũusdsã yĩnga, tɩ bãmb me tõe n paam fãagr ning sẽn be a Zeezi Kiris pʋgẽ, la m paam ziir sẽn kõn sa.

2 Tɩmote 2:19

Baoosgo, yẽbg-kãenkãe ning Wẽnnaam sẽn yẽbgã yasame, la gomd ning sẽn pʋgdã ning-a-la bãnde: Zu-soabã mii neb nins sẽn yaa bãmb dẽndã, la ned ning fãa sẽn pʋt Zu-soabã yʋʋr tog n basa ka-tɩrlem.

Zake 2:5

M ba-bi-nongdse, kelg-y-yã! Dẽ yĩnga, Wẽnnaam ka tũus neb nins dũni sẽn get wa naong rãmbã n kɩt tɩ b yɩ arzegs rãmba la b na n soog soolem ning bãmb sẽn kãab neb nins sẽn nong-b bãmbã yĩng sɩda?

1 Pɩyɛɛr 1:2

Yãmb yaa tõnd ba a Wẽnnaam neb b sẽn tũusi, wa sẽn zems bãmb sẽn pĩnd n bãngã, tɩ Sɩɩg-sõng welg-y toor tɩ y zĩnd pʋ-peelem n yɩ sakdb n paam t'a Zeezi zɩɩmã pek yãmba. Bɩ y paam bark la laafɩ wʋsgo.

1 Pɩyɛɛr 1:20

tar bãnde, Wẽnnaam dag n pĩnd n yãka Kiris sẽn deng dũni naanego, la b waa yãmb yĩnga, yaoolem zamaana pʋgẽ.

1 Pɩyɛɛr 2:9

La yãmb yẽ, yãmb yaa buud b sẽn tũusi, la naam maan-kʋʋdba, la buud sẽn welg toor Wẽnnaam yĩnga, neb Wẽnnaam sẽn da tɩ y moon n wilg sẽn bool-a yãmb n yiis likã pʋgẽ, n kẽes-y vẽenem sẽn be ziirã pʋgã tʋʋm sõama wã.

2 Pɩyɛɛr 3:14

Mam zo-nongdse, gũudum‑kãngã pʋgẽ, modg-y tɩ bãmb na mik tɩ yãmb ka tar rẽgdo, la tɩ y ka tar bũmb sẽn ka zemse, la tɩ y bee laafɩ pʋga.

1 Zã 4:16

La ne tõndo, tõnd bãnga nonglem ning Wẽnnaam sẽn tar tõnd yĩngã, la tõnd tẽe nonglem‑kãnga. Wẽnnaam yaa nonglem. Ned ning sẽn be nonglem pʋgẽ, a bee Wẽnnaam pʋgẽ, la Wẽnnaam bee yẽnda soab pʋgẽ.

Vẽnegre 13:8

La nebã fãa sẽn be tẽng zugu, tɩ b yʋy ka gʋls vɩɩm sebrã sẽn yaa pe-bil ning b sẽn kʋ hal dũni naaneg wakatã sebrã pʋgẽ wã wõgemda rũngã taoore.

Vẽnegre 17:8

Rũng ning fo sẽn yã wã rag n beeme, la a ka leb n beẽ ye. A na n yii bog-zulungẽ wã n kẽng sãoong zĩigẽ. La dũni neb nins yʋy sẽn ka gʋls vɩɩm sebrã pʋgẽ hal dũni naaneg wẽndẽ wã sã n yãnd rũngã, a na n yɩɩ lingr ne bãmba, rũngã sẽn dag n be, n wa ka leb n beẽ la a na n leb n pukã yĩnga.