Ebre rãmba 1:3 - WẼNNAAM SEBRE 2014

³ Bi-ribl‑kãng sẽn yaa b ba wã ziir yãgbã, la b ba wã yalẽ pukrã n zãad bũmbã fãa ne b gomd sẽn tar pãngã. Bãmb sẽn yɩlg nebã n yiis b yel-wẽnã n sa, b zĩnda naab a Wẽnd dɩtg hal saasẽ.

SEBR SÕNGO

³ Bi-kãng n waa n puk b ziirã tɩ nin-kãng yaa b menga wẽnego, la b zãada dũnia ne b Gomda pãnga. Bãmb n yẽes yel-wẽnd buud fãa, n dʋ yĩngri n zʋʋg saaga, n tɩ zĩ Wẽnd sẽn pid ne ziira rɩtgo.

KÃAB-PAALGÃ KOE-NOOGO

³ Bi-ribl kãng sẽn ya a ba wã ziir yãgbo, la a ba wã yalẽ pukrã n zãad bũmba fãa ne a gomd sẽn tar pãngã. Bãmb sẽn yɩlg nebã n yiis b yel-wẽnã n sa, b zĩnda naab a Wẽnd dɩtgo, hal saasẽ.

Ebre rãmba 1:3 Iomraidhean Croise

1 Kibayã 29:11

Yãmb yaa kãsenga, y tara pãnga, y tara naam la ziiri, la neerlem yaa yãmb n so. Bala, bũmb nins fãa sẽn be yĩngr la tẽngã yaa yãmb n so. Yãmb n so naam, la y so bũmb fãa.

A. Zoobe 37:22

Vẽenem sẽn yãgd wa sãnem n yit rɩtg n watẽ. Wẽnnaam ziirã bee rabeem.

Yɩɩn‑sõamyã 110:1

A Davɩɩd yɩɩlle. Sẽn-Ka-Saab yeela mam zu-soabã yaa: «Zĩnd mam dɩtgo, hal tɩ m kɩt tɩ f bɛɛbã lebg f nao roagendga.»

Yɩɩn‑sõamyã 75:3

Mam sẽn na n yãk wakat ningã, mam na n kaoo bʋʋdã ne tɩrlem.

Kowelɛt 8:4

Bala, baa rĩm sẽn yeel bũmb ninga, yẽnda n so pãnga. Dẽ wã, ãndã n tõe n sok yẽnda t'a maanda bõe?

Maan‑kʋʋre 15:15

La bɩ maan-kʋʋdã reeg-b n dɩk a yembr n maan yel-wẽnã maoongo, la a rɩk a to wã, n maan maoong sẽn yõogd bugum. Bɩ maan-kʋʋdã maan a woto n yɩlg a soabã Sẽn-Ka-Saab taoore, a zɩɩmã sẽn yitã yĩnga.

A Miise 5:4

La yẽnda na n waa ne vɩ-bãane! Asiiri nebã sã n wa yãmb tõnd tẽngã, la b kẽ d na-yiyã pʋse, tõnd na n kɩtame tɩ nanambs a yopoe, ne nin-kãsems a nii zab ne-ba.

A Matiye Sõng 22:24

«Karen-saamba, a Moyiis yeelame tɩ ned sã n ki n ka bas biiga, a ba-biig na n deega pʋg‑kõorã n dog kamb a ba-biigã sẽn ki wã yĩnga.

A Mark Sõng 16:19

Zu-soab a Zeezi sẽn gom woto n sɛ, dẽ Wẽnnaam zẽka bãmb n kẽng arzãna, la bãmb zĩnda Wẽnnaam nug‑rɩtgo.

A Zã Sõng 1:14

B kɩtame tɩ gomdã rɩk yĩng n zĩnd tõnd sʋka. Tõnd gesa bãmb ziiri, Bi-ribl sẽn ka to ziir a sẽn deeg a ba nengẽ, la b pida ne bark la sɩda.

A Zã Sõng 1:29

Vẽkembeoogo, a Zã yãnda a Zeezi sẽn wat yẽnda nengẽ, n yeele: «Ad Wẽnnaam pe-bilã, sẽn yiisd-a dũni yel-wẽnã.»

A Zã Sõng 1:4

Vɩɩm dag n bee bãmb pʋgẽ, la vɩɩmã dag n yaa vẽenem ninsaalbã yĩnga.

Tʋʋma 2:33

A Zeezi zẽkame n be Wẽnnaam dɩtgo, la bãmb deega Sɩɩg-sõngã b sẽn da kãabã, b ba wã nengẽ, n pʋdg-a tõnd zutu. La yaa bõn-kãng la yãmb sẽn yãt la y wʋmd moasã wã.

Tʋʋma 7:56

La a Etɛn yeelame yaa: Kelg-y yã, mam nee yĩngr sẽn pake la Ninsaal Bi-riblã sẽn yas Wẽnnaam dɩtgo.

Rom Dãmba 1:16

Bala, koe-noogã mooneg yãnd ka tar maam ye. Sɩdã, a yaa Wẽnnaam pãng sẽn fãagd ned ning fãa sẽn tẽeda: Pipi yaa Zʋɩf-rãmba, tɩ sẽn ka-b Zʋɩf-rãmbã pʋgda.

Rom Dãmba 8:34

Ãnda n na n kao b bʋʋd n sɩbg-ba? A Zeezi Kiris la sẽn ki-a wã. La sẽn yɩɩda, bãmb vʋʋgame, b bee Wẽnnaam nug-rɩtgo, b yõkda sɛɛg tõnd yĩnga.

2 Korẽnt rãmba 4:4

Yaa neb nins sẽn ka tẽed-bã. Dũni‑kãngã na-wẽngã sẽn yaa a sʋtãan sẽn lud b yamã tɩ b ka tõe n yãnd Kiris sẽn yaa Wẽnnaam mengã wẽnegã koe-noogã ziirã yĩnga.

Kolos Rãmba 3:1

Dẽ, sã n yaa tɩ yãmb naaga ne Kirisã, n vʋʋge, bɩ y bao bũmb nins sẽn be arzãna, zĩig ning Kiris sẽn zao Wẽnnaam dɩtgã.

A Titi 2:14

A Zeezi Kiris kõo b meng tõnd yĩnga, tɩ fãag tõnd ne yel-wẽn fãa n kɩt tɩ tõnd lebg bãmb neb b sẽn yɩlge, la sẽn wɩngd ne tʋʋm-sõamyã maanego.

Ebre rãmba 1:13

La malɛɛk-bʋg la Wẽnnaam yeel baa vugr tɩ: Zĩnd mam dɩtgo, hal tɩ m wa kɩt tɩ f bɛɛbã lebg f nao roagendega?

Ebre rãmba 10:12

La a Zeezi sẽn maan maoong a yembr tãa yel-wẽnã yĩng n sa wã, b zĩnda Wẽnnaam dɩtgo, wakat sẽn ka saab yĩnga.

Ebre rãmba 12:2

n get a Zeezi sẽn yaa tõnd tẽebã sɩngd la a taasdã. Bãmb basa sũ-noog ning b sẽn yet tɩ b na n kõo bãmbã, n sak da-pɩkã n ka zoe yãnd ye, la b zĩi Wẽnnaam geerã rɩtgo.

Ebre rãmba 4:14

Tõnd sẽn tar maan-kʋʋr kãsem sẽn pɩʋʋg saasẽ, Wẽnnaam Bi-riblã yĩnga, bɩ d tall tẽeb ning tõnd sẽn tarã kãenkãe.

Ebre rãmba 7:27

Ka tɩlɛ tɩ b maand maand daar fãa wa maan-kʋʋd kãsem-dãmbã sẽn dengd n maan maoong b mens yĩnga, n yaool n maan neb a taabã yĩngã ye. Bãmb maana maoong a yembr tãa wakat fãa yĩnga, la yaa b meng la b tall n maan maoongã.

Ebre rãmba 8:1

Ade, tõnd koɛɛgã d sẽn gomdã yẽgr la woto: Tõnd tara maan-kʋʋd kãsem sẽn zĩnd Wẽnnaam rĩungã geer dɩtgo, saasẽ.

Ebre rãmba 9:16

Bala, ned sã n bas koɛɛg a kũum poor yĩnga, rẽndame tɩ b sɩd yã t'a soabã kiime.

Ebre rãmba 9:26

Bala, sã n da yaa a woto, Kiris rag n na n namsẽ‑la naoor wʋsg dũni naaneg tɛk tɩ ta moasã. La moasã sẽn yaa yaoolem wakatã, bãmb puka vugr bala, n na n sãam yel-wẽnã ne b meng sẽn yɩ maoongã pãnga.

1 Pɩyɛɛr 1:21

Kiris maasem yĩnga, yãmb tẽeda Wẽnnaam ning sẽn vʋʋg-a Kiris n bas kũum la b kõ-b waoogrã. Sẽn na yɩl tɩ yãmb tẽebã ne y teegrã zĩnd ne Wẽnnaam.

1 Pɩyɛɛr 3:22

A Zeezi Kiris zɛk n bee arzãna, n be Wẽnnaam dɩtgo, la malɛɛk-rãmbã ne pãn-soaadbã, la pãens rãmbã sakda bãmba.

2 Pɩyɛɛr 1:16

Sɩd me, tõnd ka tũnug soalem b sẽn tags n naane, n togs yãmb tõnd Zu-soab a Zeezi Kiris pãn-kãsengã la bãmb waoongã yell ye, la yaa tɩ tõnd mens nin yãnda bãmb ziirã.

2 Pɩyɛɛr 1:17

Bala, bãmb deega waoogr la ziir tõnd Ba a Wẽnnaam nengẽ. Yaa bãmb sẽn wa n wʋm naam sẽn be ziirã koɛɛg sẽn gom ne bãmb n yeel tɩ: Ada yaa mam bi-ribl‑nongr sẽn ta mam yam zãnga.

1 Zã 1:7

La tõnd sã n kẽnd vẽenemẽ wa bãmb mengã sẽn be vẽenemẽ wã, tõnd tara lagem-n-taar ne taaba, la bãmb Bi-ribl a Zeezi zɩɩmã pekda tõnd yel-wẽnã fãa n yiisi.

1 Zã 3:5

La yãmb miime t'a Zeezi waame n na n yiis yel-wẽnã, la yel-wẽnd ka tol n be bãmb pʋgẽ ye.

A Zʋʋde 1:25

Wẽnnaam b yembr tãa sẽn yaa soab ning sẽn fãag-a tõndo, d Zu-soab a Zeezi Kiris maasem yĩngã, soog ziiri, la naam, la pãnga la noore, sẽn sɩng ne wakat sẽn dag n ka be, la moasã, la zamaan fãa sẽn wata.» Ãmina.

Vẽnegre 3:21

Mam na n kɩtame tɩ ned ning sẽn tõogã zĩnd ne maam mam geerã zug wa mam sẽn tõoge, n zao ne m ba b geerã zugã.»

Vẽnegre 4:11

Tõnd Zu-soab la d Wẽnnaam, yãmb n zems tɩ reeg ziiri, la waoogre, la pãnga. Bala, yãmb n naan bũmb fãa, la yaa yãmb daab yĩng la y naan-b tɩ b beẽ.