A. Zoobe 1:3 - WẼNNAAM SEBRE 2014

³ A rag n tara piis tus a yopoe, ne yʋgma tus a tãabo, la niig tusri, ne bõn-yãans kobs-nu, la a tar tʋmtʋmdb hal wʋsgo. Yaang sẽnẽ nebã fãa sʋka, rao-kãng n dag n yaa nin-kãseng n yɩɩd a taabã.

SEBR SÕNGO

³ A ra tara piis tus a yopoe, yʋgma tus a tã, niis tusri, n paas bõan-yãans kobs-nu; a zak neb ra yaa wʋsg-wʋsgo. Nin-kãnga n da yɩɩd a taaba Yaang kẽedba sʋka.

A. Zoobe 1:3 Iomraidhean Croise

Sɩngrẽ 12:16

La b gesa a Abram yell neere, a Sarayi zug maasem yĩnga. Dẽ, bãmb kõo a Abram rũm-bãooneg ne rũm-bɛda. Bõense, ne yem-daoodo, la yem-pogse, ne bõn-yãanse la yʋgma.

Sɩngrẽ 12:5

A Abram sẽn wa n yit Haran wã t'a rag n tara yʋʋm pis-yopoe la a nu. A Abram peega a pag a Sarayi ne a yao a Haran biig a Lote, la b wʋka b paoongã fãa, la b peeg neb nins fãa yẽnda sẽn dag n paam Haran tẽngã. Bãmb yiime n na n kẽng Kana tẽngã. La bãmb tõog n taa Kana soolmẽ wã.

Sɩngrẽ 13:6

Tẽngã rag n yaa bilf n ka sekd bãmb b yiibã ye. Bala, bãmb b yiibã arzegsã rag n yaa wʋsg tɩ b ka leb n tõe n zĩnd ne taab ye.

Sɩngrẽ 24:35

Sẽn-Ka-Saab ninga mam soaal a Abrahaam bark wʋsgo. Bãmb lebga nin-kãsenga. Sẽn-Ka-Saab kõo mam soaal a Abrahaam rũm-bɛd ne rũm-bãoonego, la wanzuri ne sãnem, la b kõ-b yem-daad ne yem-pogse, la yʋgma ne bõense.

Sɩngrẽ 25:6

Sẽn deng a Abrahaam kũum, a baoo kũun n kõ a pʋg-rɩkdsã kambã, la a kɩt tɩ b yi n kẽng tẽms nins sẽn be yaangã n zãag ne yẽnda biig a Izake.

Sɩngrẽ 29:1

A Zakoob yiime n dɩk sor n kẽng neb nins sẽn be yaangã tẽngẽ.

Sɩngrẽ 32:14

A Zakoob paa beenẽ n gãand yʋn-kãnga. A Zakoob yãka bũmb nins yẽnda sẽn so wã n na n kõ a kẽem a Ezayu.

Sɩngrẽ 34:23

Bãmb rũmsã ne b paoongã, la b rũm-bãoonegã fãa kõn lebg tõnd dẽnd sɩda? Tõnd we n sak b sẽn datã bal tɩ b zĩnd ne tõndo.»

2 Sãmwɛlle 12:2

Dakãagrã rag n tara piis ne niig wʋsgo.

2 Rĩm-dãmba 15:20

Yaa Israyɛll tẽngã arzegs rãmb nengẽ la a Menahɛm reeg ligd-kãng n kõ Asiiri rĩm a Pulli. Bãmb ned kam fãa yaoo wanzuri wakɩ-koeems pis-nu. Woto, Asiiri rĩm a Pull lebg n loogame n ka kaoos tẽngã pʋg ye.

2 Rĩm-dãmba 3:4

Moaab rĩm a Mesa dag n yaa gʋʋn-gʋʋnda. La yʋʋmd fãa, yẽnda rag n yaooda Israyɛll dĩmã yaoodo. Rag n yaa pe-ribli tus-koabga, ne pe-raad tus-koabga, ne b kõbdã sẽn ka wõrse.

1 Kibayã 27:30

Ismayɛll buudã ned a Obill n dag n get yʋgma wã yelle. Meronot tẽng rao a Yekdeya n dag n get bõensã yelle.

2 Kibayã 26:10

La yẽnda mee gãsd we-raoogẽ wã, la a tu buls wʋsgo, bala, yẽnda rag n tara rũms wʋsg kũnkubã ne zĩ-lamsẽ. A Oozɩyaas rag n tara ka-koaadb londã, la bãadã pʋse, la tar reezẽ tɩɩs pʋt Karmell tãngã zugu, tɩ neb gũudẽ. Sɩdã, yẽnda rag n nonga koobo.

2 Kibayã 32:29

La yẽnda kɩtame tɩ b me tẽmse, la a paama rũm-bɛda, la rũm-bãooneg wʋsgo, bala, Sẽn-Ka-Saab ra kõ-a-la paoong wʋsgo.

A. Zoobe 1:10

Yãmb wẽe yãgr n gũbg-a, yẽnda ne a zakã, la ne a sẽn so wã fãa. Yãmb ninga a nus tʋʋmã barka, la a rũmsã fɩɩgdame n pit tẽngã.

A. Zoobe 1:4

A Zoob kom-dibli wã rag n kẽnda ned kam fãa yir n maand tigr n deesd taaba, la b sã n mi n na n maan tigrã, b boonda b tãop a tãabã tɩ b wat n naagd bãmb n dɩtẽ la b yũuda.

A. Zoobe 21:28

Bala, yãmb sokdame: «Nin-toosã yir bee yɛɛnẽ?» Nin-wẽnsã sẽn dag n be fu-roog ningã bee yɛɛnẽ?

A. Zoobe 29:25

Maam n dag n wilgd bãmb b sẽn tog n maanẽ. Maam n dag n yaa wa bãmb naaba. Mam dag n yaa wa rĩm sẽn be a zãma sʋka, la m yaa ned sẽn belsd sũ-sãang rãmba.»

A. Zoobe 31:25

bɩ mam sã n dag n maanẽ-la sũ-noog mam paoongã sẽn yaa wʋsg yĩnga, arzɛk ning mam sẽn tʋm n paama pʋgẽ,

A. Zoobe 31:37

Mam na n wilga Wẽnnaam m yel-manesmã fãa. Mam na n kolga bãmb wa naaba.

A. Zoobe 42:10

Sẽn-Ka-Saab lebs n manega a Zoob vɩɩmã tɩ lebg wa a pĩndã, yẽnda sẽn pʋʋs a zo-rãmbã yĩngã yĩnga. Sẽn-Ka-Saab tol n paasa a Zoob bũmb nins fãa a sẽn dag n tarã naoor a yiib n yɩɩd pĩndã.

A. Zoobe 42:12

Sẽn-Ka-Saab ninga a Zoob bark a yaoolem yʋʋmã pʋgẽ n yɩɩd a sẽn dag n tar sɩngrẽ wã. A Zoob paama piis tus piig la a naase, ne yʋgmã tus a yoobe, la niig tus a yiibu, n paas bõn-yãans tusri.

Yelbũna 10:22

Yaa Sẽn-Ka-Saab barkã n wat ne arzɛka, tɩ yɩɩr ka naag ye.

Zeremi 49:28

Sẽn kẽed ne Kedaar la Hatsoor soolem-dãmbã, Babilond dĩm a Nebukatnedzaar sẽn zab ne n tõogã wɛɛngẽ. Ade, Sẽn-Ka-Saab yetame: Yik-y n zab-y ne Kedaar nebã. Sãam-y buud sẽn be yaangã!

Sõadga 23:7

Dẽ, a Balaam goma gom-minim goam n yeel yaa: «Moaab naab a Balak kɩtame tɩ b bool maam, Yẽnda kɩtame tɩ m yi Siiri tãmsã sẽn be yaangã n wa, Yẽnda yeela maam yaa: Wa kãab a Zakoob yagensã wẽng n kõ-ma, Wa kãab Israyɛll nebã wẽnga!

Bʋ-kaoodba 6:3

Israyɛll nebã sã n dag n bʋd n sɛ, Madiyã-rãmbã ne Amalɛk-rãmbã ne neb nins sẽn yit-b yaangã wat n zabda ne-ba.

Bʋ-kaoodba 6:5

Sɩd me, nin-bãmb rag n kẽnda ne b rũmsã fãa, ne b fu-rotã, la b sã n kẽnd n watẽ, wẽnda wa sʋy sẽn yɛdg n pid tẽn-gãongã, la ned dag n ka tõe n bãng bãmb ne b yʋgma wã sõor ye. Bãmb sã n wa tẽngã pʋgẽ, b sãamd-a-la zãnga.

Bʋ-kaoodba 7:12

Madiyã-rãmba, Amalɛk-rãmb ne yaang nebã fãa yiime n tigim taab tẽn-nabdrẽ wã, n yaa wʋsg wa sʋyã, tɩ b yʋgma wã sõor yaa wʋsg wa ko-kãsengã noor bĩisrã.

Bʋ-kaoodba 8:10

A Zeba ne a Salmuna rag n bee Karkoor ne b tãb-bi-sulã. La tãb-bi-kãens fãa sõor dag n ka leb n yɩɩd tus-piig la a nu ye. Bala, tãb-biis nins sẽn zabd ne sʋʋsã sõor sẽn tat tus koabg la pisi n pa zabrã pʋgẽ. Tãb-bi-kãens fãa yaa neb sẽn yit yaanga.

1 Sãmwɛlle 25:2

Rao a ye n dag n be Mawõ, n kẽnd n tʋmd Karmelle. A rag n yaa nin-kãseng n tar piis tus a tãab ne bʋʋs tusri. La yẽnda rag n bee Karmell n wõrsd a piisi.

1 Sãmwɛlle 27:9

A Davɩɩd dag n zabd n tõogda tẽngã nebã, n kʋʋd b pagbã ne b raopã zãnga, la a wʋkd rũm-bãoongã ne rũm-bɛdã, la bõensã ne yʋgma wã, la futã n talld n kẽnd a Akiis nengẽ.