A Nahum 1:3 - WẼNNAAM SEBRE 2014

³ Sẽn-Ka-Saab yaa sũ-mar soaba. Bãmb pãngã yaa kãsenga. Bãmb ka basd koangd n ka sɩbg-a ye. Bãmb sã n kẽnda, sob-kãseng n yikdi.

SEBR SÕNGO

³ Wẽnd sũur ka yikd tao-tao ye, b pãnga labsa. B pa tudgd n ges sẽn beega soaba wa nin-sõng ye. Soaala sã n lukd b naoore yaa sobd n fugdi. Sawata yaa wubsgu, b nao wã sẽn zẽkde.

A Nahum 1:3 Iomraidhean Croise

2 Sãmwɛlle 22:10

Sẽn-Ka-Saab zõnega sa-gãongã n tab n sigi, bãmb taba sawad-taok n sigi.

A Neemi 9:17

Bãmb zãgsame n ka kelg yãmb ye. La b ka tẽeg bõn-bãnã yãmb sẽn maan n kõ bãmbã yell ye. Bãmb kɩɩsgã pʋga, b kenga b sũyã, n yãk taoor soab n dat n lebg n leb b yembdã pʋg Ezɩpt tẽnga. La baa ne rẽ fãa, yãmb yaa Wẽnnaam sẽn kõt sugri, la y yaa nimbãan-zoɛta, la y yaa maan-neer soaba, la y sũur ka yikd tao-tao ye, la yãmb nonglmã sẽn yaa kãsengã yĩnga, yãmb ka bas-b ye.

A. Zoobe 10:14

Mam sã n maan yel-wẽnde, yãmb nee maam, la yãmb ka basd maam taal m kongrã yĩng ye.

A. Zoobe 38:1

Sẽn-Ka-Saab koɛɛg yii sobg pʋgẽ n yeel a Zoob yaa:

A. Zoobe 9:4

Sã n yaa yam wall pãng soaba, ãndã n na n bao b noor n ka reeg toogo?

Yɩɩn‑sõamyã 103:8

Sẽn-Ka-Saab yaa nimbãan-zoeer soaba, la maan-neer soaba, bãmb tara sũ-maasem, la b nonglem yaa kãsenga.

Yɩɩn‑sõamyã 104:3

Bãmb tilgda b naamã zĩig koomã zugu, bãmb zaoo sawat wa saare, bãmb zaoo sobg pɩgs n kẽnda.

Yɩɩn‑sõamyã 145:8

Sẽn-Ka-Saab yaa sõmblem-soaba, la nimbãan-zoɛta, bãmb yaa sũ-mar soaba, la nonglem-kãseng soaba.

Yɩɩn‑sõamyã 147:5

Tõnd Zu-soabã yaa kãsenga, n tar pãn-kãsenga, bãmb bãngrã ka tar tɛk ye.

Yɩɩn‑sõamyã 50:3

Tõnd Wẽnnaamã watame, la bãmb ka na n sĩnd ye. Bugum dengda bãmb taoor n dɩtẽ, tɩ sob-kãseng gũbg bãmba.

Yɩɩn‑sõamyã 62:11

Bɩ y ra teeg nen-kegl-tʋʋmã ye, la ra ning-y y tẽebã fãab pʋg ye. Yãmb paoong sã n paasdẽ, bɩ y ra bas tɩ y yamã loe ne-a ye.

Yɩɩn‑sõamyã 66:3

Yeel-y Wẽnnaam yaa: Ad yãmb tʋʋmã seka zoeese! Yãmb pãngã sẽn yaa kãsengã yĩnga, yãmb bɛɛbã kong n waoogda yãmba.

A Ezayi 19:1

Sɩbgr koɛɛg Ezɩpt nebã yĩnga. Sẽn-Ka-Saab zomba sawaodg kẽnd sẽn tʋʋle, la b wata Ezɩpte. Ezɩpt tẽng wẽn-naandsã rigda ne rabeem bãmb taoore, la Ezɩpt nebã pɛleng yɩgdame.

A Ezayi 29:6

Saasẽ-Pãng-Soabã na n waa ne sa-kelemse, la tẽn-digimdgu, la bʋr-kãsenga, ne seb-kãsenga, la sa-kẽenga, la ne bug-witim sẽn dɩta.

A Ezayi 66:15

Bala, Sẽn-Ka-Saab bee bugum pʋg n watẽ, la bãmb saar-dãmbã wẽnda seb-kãsenga. Bãmb wat n na n pidsa b sũ-yikrã ne toolem, la b na n lenga nebã ne bug-witim.

Zeremi 4:13

Ade, bɛ wã wata wa sawato! A saar-dãmbã tʋʋlem wẽnda wa sob-kãsenga. A wiidã zoees tʋʋlem yɩɩda sɩlse. Ad toog paam tõndo! Tõnd sãam n sɛɛme!

A Dãniyɛlle 7:13

Mam dag n ket n geta m yʋng vẽnegrã pʋga, la mam yãnda bũmb sẽn wẽnd ninsaal t'a zao sawatã n sigda. La bũmbã sẽn wẽnd ninsaalbã kẽng n kolga nin-kẽem kulkuugã, la b kɩtame t'a pẽneg nin-kẽem kulkuugã.

A Ooze 8:7

Bãmb bʋda sebgo, la b na n tigsa saag sebgo. Bãmb ka na n paam kaaf ye, La sẽn na n yi-bã kõn wom biis ye. B sã n wom me, sãamb n na n dɩ-ba.

A Zowɛlle 2:13

Da pãrs-y y fut ye, maneg-y y sũyã, n lebg n wa Sẽn-Ka-Saab sẽn yaa yãmb Wẽnnaamã nengẽ, bala, b yaa sugr soaba, la nimbãan-zoeer soaba, bãmb sũur ka yikd tao-tao ye, la b yaa nonglem-kãseng soaba, bãmb sã n sɩbge, b sũurã sãamdame.

A Zonaase 4:2

La a Zonaas pʋʋsa Sẽn-Ka-Saab n yeel yaa: «Sẽn-Ka-Saabo, ka woto la m sẽn da pĩnd n yeel mam sẽn wa n ket n be m tẽngẽ wã sɩda? Yaa rẽ yĩng la m sẽn da zoet n na n kẽng Tarsɩɩsã. Bala, mam miime tɩ yãmb yaa Wẽnnaam, y yaa sugr kõata, la nimbãan-zoɛta, la yãmb sũurã ka yikd tao-tao ye. Y tara nonglem wʋsgo, la yãmb basda sɩbgr ning y sẽn dag n tog n sɩbgã tɩ vaale.

Zakari 9:14

Sẽn-Ka-Saab na n puka bãmb zugẽ, la bãmb pĩimã na n kẽnga wa sa-yãgbo. Wẽnnaam Sẽn-Ka-Saab na n peeba baorgo, la b na n tũu nug-goabg sob-kãseng n wa.

Sõadga 14:18

Yãmb yeelame: «Mam yaa Sẽn-Ka-Saabo, mam yaa sũ-maasem soaba, la maan-neer soaba. Mam kõta yel-wẽn ne kɩɩsg sugri. La mam ka basd yel-wẽnã soab taal ye. Mam sɩbgda yẽnda ne a yagensã hal tɩ ta zamaan a tãabo, wall a naase.

A Matiye Sõng 26:64

A Zeezi leok-a lame n yeele: «Yaa yãmb sẽn yeelã. Sẽn paase, mam yeta yãmb tɩ sẽn sɩng ne moasã, yãmb na n yãnda Ninsaal Bi-riblã, tɩ b zĩ Sẽn-Tõe-yã-fãa wã rɩtgo, la b zao yĩngr sawat n watẽ.»

Zake 1:19

M ba-bi-nongdse, bãng-y yõwã neere: Woto, bɩ ned fãa wɩng ne kelgre, la a maag ne goamã, la a maag ne sũ-yikri.

Vẽnegre 1:7

Ade bãmb wata ne sawato. Ninsaal fãa na n yãnda bãmba, hal baa ne neb nins sẽn dag n kõs bãmbã. La buudã fãa sẽn be dũni zugã na n wiisa bãmb yĩnga. N-yẽe! Ãmina!