A Dãniyɛlle 9:9 - WẼNNAAM SEBRE 2014

⁹ Tõnd Zu-soab a Wẽnnaam, tõnd kɩɩsa yãmba, la yãmb yaa nimbãan-zoɛta, la sugr soaba.

A Dãniyɛlle 9:9 Iomraidhean Croise

2 Sãmwɛlle 24:14

A Davɩɩd leoka a Gaad yaa: «Sũ-sãan-kãseng n tar maam! Mam kot-f lame tɩ f bas tɩ d lʋɩ Sẽn-Ka-Saab nugẽ, la d ra lʋɩ ninsaalb nusẽ ye. Bala, Sẽn-Ka-Saab nimbãan-zoeerã yaa kãsenga.»

1 Rĩm-dãmbã 8:30

N-yẽe! Sẽn-Ka-Saabo, bɩ y kelg y tʋmtʋmdã kosgã. La Israyɛll sẽn yaa yãmb nebã sã n tees zĩ-kãngã n kos yãmba, bɩ y kelg-ba. Bɩ y zĩnd yĩngr yãmb sẽn beẽ wã n kelg tõnd zĩ-kãngã, la y kõ-d sugri.

A Neemi 9:31

La yãmb nimbãan-zoeerã sẽn yaa kãsengã yĩnga, yãmb ka sãam-ba, la y ka bas-b me ye. Bala, yãmb yaa Wẽnnaam sẽn yaa sugr soaba, la nimbãan-zoɛta.

Yɩɩn‑sõamyã 130:4

La sugr bee yãmb nengẽ, tɩ nebã tõe n zoe yãmba.

Yɩɩn‑sõamyã 130:7

Israyɛll nebã, maan-y tẽeb ne Sẽn-Ka-Saabo, bala, bãmb yaa nonglem soaba. La bãmb tara soay buud toay-toay n fãagdẽ.

Yɩɩn‑sõamyã 62:12

Wẽnnaam goma vugri, la mam leb n wʋma b sẽn gom naoor a yiibu: «Pãng yaa Wẽnnaam n so.»

Yɩɩn‑sõamyã 86:15

Zu-soab a Wẽnnaam yãmb yaa nimbãan-zoeer soaba, la y yaa maan-neer soaba. Yãmb yaa sũ-maasem soaba, yãmb nonglmã yaa kãsenga, la y yaa sɩd soaba.

Yɩɩn‑sõamyã 86:5

Zu-soaba, yãmb yaa sõmblem soaba, la y kõta sugri. Yãmb nonglmã yaa kãsenga, neb nins fãa sẽn boond yãmbã yĩnga.

A Ezayi 55:7

Bɩ nin-wẽng bas sor ning a sẽn tũudã, la bɩ tʋʋm-wẽns maandã bas a tags wẽnsã, n lebg n wa Sẽn-Ka-Saab nengẽ, tɩ tõnd Wẽnnaamã sẽn kõt sugr wʋsgã, tõe n zoe yẽnda nimbãanega.

A Ezayi 63:7

Mam na n tẽega Sẽn-Ka-Saab sẽn maan bũmb ning b sõmblmã pʋgã yelle. Mam na n tẽega bãmb tʋʋm-yɛɛsdsã sẽn zems pẽgrã yelle. Mam na n tẽega maan-neer ning fãa Sẽn-Ka-Saab sẽn maan tõnd yĩngã. Mam na n tẽega bãmb sõmblem-kãsengã Israyɛll buudã yĩngã. Mam na n tẽega maan-neer ning Sẽn-Ka-Saab sẽn maan Israyɛll nebã yĩngã, wa sẽn zems b nimbãan-zoeer ne b nonglem-kãsengã yelle.»

Zeremi 14:7

Sẽn-Ka-Saabo, tõnd kongrã sã n kɩt kaset tɩ tõnd ka tar bʋʋm, bɩ y maan y sẽn na n maanega, y yʋʋrã yĩnga. Tõnd kɩɩsgã yaa wʋsgo, tõnd beega yãmba.

Ezekiyɛl 20:13

La Israyɛll buudã kɩɩsa maam we-raoogã pʋga. Bãmb ka tũ m noyã ne m no-tũuds nins ninsaal sẽn tog n tũ n paam n vɩɩmdã ye. Bãmb rẽgma mam vʋʋsg rayã hal tɩ loog nugu. Mam yeelame tɩ m na n basame tɩ m sũ-puugrã maan a tʋʋmd ne bãmb we-raoogã pʋga, sẽn na n yɩl n menes-b zãnga.

A Dãniyɛlle 9:5

Tõnd kongame, tõnd beegame, d yɩɩ nin-wẽnse la kɩɩsdba, la tõnd wẽnemdame n bas yãmb tõodã ne y noyã.

A Dãniyɛlle 9:6

Yãmb tʋmtʋmdbã sẽn yaa no-rɛɛsdbã goma ne tõnd dĩm-dãmbã ne d nanambsã, la d yaab-rãmbã ne tẽngã nebã fãa, ne yãmb yʋʋre. La tõnd ka kelg-b ye.

A Dãniyɛlle 9:7

Zu-soaba, yãmb yaa tɩrlem soaba, la rũndã daarã, yãndã bee tõnd sẽn yaa Zʋʋda ne Zeruzalɛm nebã zugu, la Israyɛll gillã fãa neb zugu. Yaa sẽn pẽ-ba, la sẽn zãr-bã. Bãmb bee tẽms nins yãmb sẽn dag n dig-b tɩ b kẽngã pʋse, b sẽn kɩɩs yãmbã yĩnga.

A Dãniyɛlle 9:8

Sẽn-Ka-Saabo, yãnd tara tõnd ne d rĩm-dãmbã, la d nanambsã ne d yaab-rãmbã, bala tõnd beega yãmba.

A Zonaase 4:2

La a Zonaas pʋʋsa Sẽn-Ka-Saab n yeel yaa: «Sẽn-Ka-Saabo, ka woto la m sẽn da pĩnd n yeel mam sẽn wa n ket n be m tẽngẽ wã sɩda? Yaa rẽ yĩng la m sẽn da zoet n na n kẽng Tarsɩɩsã. Bala, mam miime tɩ yãmb yaa Wẽnnaam, y yaa sugr kõata, la nimbãan-zoɛta, la yãmb sũurã ka yikd tao-tao ye. Y tara nonglem wʋsgo, la yãmb basda sɩbgr ning y sẽn dag n tog n sɩbgã tɩ vaale.