A Dãniyɛlle 9:6 - WẼNNAAM SEBRE 2014

⁶ Yãmb tʋmtʋmdbã sẽn yaa no-rɛɛsdbã goma ne tõnd dĩm-dãmbã ne d nanambsã, la d yaab-rãmbã ne tẽngã nebã fãa, ne yãmb yʋʋre. La tõnd ka kelg-b ye.

A Dãniyɛlle 9:6 Iomraidhean Croise

2 Rĩm-dãmba 18:12

Sẽn yɩ woto wã yaa tɩ Israyɛll nebã ka kelg Sẽn-Ka-Saab sẽn yaa bãmb Wẽnnaamã koɛɛg ye. Bãmb kɩɩsa kaoolã, la b ka kelg Sẽn-Ka-Saab tʋmtʋmd a Moyiis koɛɛgã, n maan bũmb nins fãa a sẽn yeelã ye.

2 Kibayã 33:10

Sẽn-Ka-Saab goma ne a Manaase la ne a nebã, la bãmb ka kelg ye.

Esdras 9:7

Hal sẽn sɩng ne tõnd yaab-rãmbã zamaan tɩ ta rũndã, tõnd buudã maana yel-wẽn-bɛda. La yel-kãens yĩng kɩtame tɩ bu-zẽms rĩm-dãmb tõog tõnd ne d rĩm-dãmbã, la d maan-kʋʋdbã. B tõoga tõnd ne zabr sʋʋga, n kẽes tõnd yembd pʋga, la b fã-do, la b ning tõnd yãnde. Yaa rẽ n kɩt tɩ lebg a woto rũndã wã.

A Neemi 9:30

Yãmb maana sũ-mar ne bãmb n kaoos yʋʋm wʋsgo. Yãmb tũnuga y no-rɛɛsdbã n keoog bãmb ne yãmb Sɩɩgã pãnga, la bãmb ka kelg ye. Dẽ, yãmb kɩtame tɩ tẽn-zẽms neb tõog-ba.

A Neemi 9:32

Moasã, tõnd Wẽnnaam, yãmb yaa Wẽnnaam-kãseng sẽn tar pãnga, n tõe fãa, yãmb ka viigd y kaool ye, la y yaa pʋ-peelem soaba. Bɩ y ra ges tood nins sẽn paamd tõndã wa bõn-yaalg ye. Toogã paamda tõndo, d rĩm-dãmbã, d nanambsã, ne d maan-kʋʋdbã, la d no-rɛɛsdbã, ne d yaab-rãmbã, ne yãmb nebã fãa. Yaa sẽn sɩng ne Asiiri rĩm-dãmbã zamaan n tãag rũndã.

A Neemi 9:34

Tõnd dĩm-dãmbã ne d nanambsã, la d maan-kʋʋdbã, ne d yaab-rãmbã ka sak n tũ yãmb tõodã ye. La b ka kelg y noyã ne y keoogrã yãmb sẽn keoog bãmbã ye.

Zeremi 26:5

la y ka kelg mam tʋmtʋmdbã sẽn yaa no-rɛɛsdbã mam sẽn tʋm yãmb nengẽ naoor wʋsg tɩ y ka kelg-bã,

Zeremi 29:19

b sẽn ka kelg mam goamã yĩnga. Maam a Sẽn-Ka-Saab n yeele. Mam yaool n tʋma m tʋmtʋmdbã sẽn yaa no-rɛɛsdbã yãmb nengẽ n ka bas ye. La yãmb ka kelg-b ye. Maam a Sẽn-Ka-Saab n yeele.› »

Zeremi 44:16

«Tõnd ka rat n kelg goam nins fo sẽn togs tõnd ne Sẽn-Ka-Saab yʋʋrã ye.

Zeremi 7:13

Maam a Sẽn-Ka-Saab yetame: «Yãmb sẽn maan bõn-kãens fãa wã yĩnga, mam sẽn gom ne yãmb n leb n gom n ka tol n bas tɩ yãmb ka kelgã, mam sẽn bool yãmb tɩ y ka sakã yĩnga,

Zeremi 7:24

La bãmb ka sak n kelge, bãmb yẽda b tʋba. Bãmb maana wa sẽn zems b sũ-keglmã, n tõdg b na ges maam n tud b kudga.

A Dãniyɛlle 9:10

Sẽn-Ka-Saab sẽn yaa tõnd Wẽnnaamã tũnuga b no-rɛɛsdbã sẽn yaa bãmb tʋmtʋmdbã, n kõ tõnd bãmb tõodã, la tõnd ka reeg ye.

A Dãniyɛlle 9:9

Tõnd Zu-soab a Wẽnnaam, tõnd kɩɩsa yãmba, la yãmb yaa nimbãan-zoɛta, la sugr soaba.

A Matiye Sõng 23:37

Zeruzalɛm! Zeruzalɛm! Fo sẽn kʋʋd Wẽnnaam no-rɛɛsdba, la f lobd neb nins b sẽn tʋm fo nengẽ wã kugã! Naoor wʋsgo mam dag n tʋlg n tigsa f kambã wa no-yãang sẽn põgended a no-bi a pɩgsẽ, la yãmb ka sak ye.

Tʋʋma 13:27

Bala, Zeruzalɛm nebã ne b nanambsã ka bãng a Zeezi sẽn yaa ned ning ye. La b ka wʋm Wẽnnaam no-rɛɛsdbã goamã b sẽn karemd vʋʋsg daar fãa wã võor ye. La b kaoo a Zeezi bʋʋd n pids Wẽnnaam no-rɛɛsdbã gom-kãense.