A Dãniyɛlle 9:5 - WẼNNAAM SEBRE 2014

⁵ Tõnd kongame, tõnd beegame, d yɩɩ nin-wẽnse la kɩɩsdba, la tõnd wẽnemdame n bas yãmb tõodã ne y noyã.

A Dãniyɛlle 9:5 Iomraidhean Croise

2 Rĩm-dãmba 18:12

Sẽn yɩ woto wã yaa tɩ Israyɛll nebã ka kelg Sẽn-Ka-Saab sẽn yaa bãmb Wẽnnaamã koɛɛg ye. Bãmb kɩɩsa kaoolã, la b ka kelg Sẽn-Ka-Saab tʋmtʋmd a Moyiis koɛɛgã, n maan bũmb nins fãa a sẽn yeelã ye.

2 Rĩm-dãmba 21:15

Bala, bãmb maana sẽn yaa wẽng n beeg maam. Bãmb kɩɩsa maam hal sẽn sɩng ne daar ning bãmb ba-rãmbã sẽn yi Ezɩpt tẽngã tɩ ta rũndã.› »

Esdras 9:6

La mam pʋʋsa Wẽnnaam n yeel yaa: «Mam Wẽnnaam, yãnd n tar maam, yãndã tara maam tɩ m ka tol n tõe n zẽk m neng yãmb taoor ye. Tõnd yel-wẽnã yaa wʋsgo, tɩ b zãntlmã yɩɩd tõnd woglmã, tõnd beegrã zamame n tol n tat saasẽ.

Yɩɩn‑sõamyã 106:6

Tõnd me beega wa d yaab-rãmbã, tõnd wẽnemdame n maan wẽnga, tõnd beegame.

Yɩɩn‑sõamyã 119:102

Mam tũuda yãmb no-tũudsã, bala, yãmb n zãms-b maam.

Yɩɩn‑sõamyã 119:176

Mam saada wa peosg sẽn meneme, bɩ y bao y tʋmtʋmdã, bala, mam ka yĩmd yãmb noyã yell ye.

Yɩɩn‑sõamyã 18:21

Sẽn-Ka-Saab maana maam wa sẽn zems m tɩrlem. Bãmb keoo maam, mam sẽn ka maan yellã yĩnga.

A Ezayi 53:6

Tõnd fãa rag n yeebda wa piisi, ned kam fãa rag n maanda a sẽn date. La Sẽn-Ka-Saab kɩtame tɩ tõnd fãa kongrã lʋɩ bãmb zugu.

A Ezayi 59:13

Tõnd kɩɩsame la d zãmb Sẽn-Ka-Saabo, tõnd leba poorẽ n zãag ne d Wẽnnaamã. Tõnd gomda nen-kegl-goam ne kãnegr goamã, tõnd gomda zĩrẽ-be-goamã, la d tagsd zĩrẽ d sũyã pʋse,

A Ezayi 64:4

Yãmb dag n kẽnd n segda soab ning sẽn tar sũ-noog n kẽnd wa sẽn zems tɩrlmã, yãmb segda neb nins sẽn tẽr yãmb soayã yellã, yãmb yaa soab ning sẽn fãagd tõnd wakat fãa. La yãmb sũurã yika tõnd sẽn maan yel-wẽnã yĩnga.

Zeremi 14:20

Sẽn-Ka-Saabo, d miime tɩ d maana sẽn ka neere, d deegame tɩ d ba-rãmbã kongame. Tõnd fãa beega yãmba.

Zeremi 14:7

Sẽn-Ka-Saabo, tõnd kongrã sã n kɩt kaset tɩ tõnd ka tar bʋʋm, bɩ y maan y sẽn na n maanega, y yʋʋrã yĩnga. Tõnd kɩɩsgã yaa wʋsgo, tõnd beega yãmba.

Zeremi 3:25

Bɩ d gãand d yãndã zugu, la bɩ d paoogrã pil-du. Bala, tõnd ne d yaab-rãmbã maana yel-wẽn n beeg Sẽn-Ka-Saab sẽn yaa tõnd Wẽnnaamã hal d yãadem wakat tɩ ta rũndã. Tõnd ka sak n deeg bãmb koɛɛgã ye.

Zeremi 30:14

Neb nins fãa sẽn dag n nong yãmbã yĩma y yelle, n ka leb n baood y zĩig ye. Bala, mam wẽe yãmb wa bɛ sẽn wẽed to-to wã. Mam sɩbga yãmb sɩbg-toaaga, yãmb kongrã sẽn waoogã yĩnga, yãmb yel-wẽnã sẽn yaa wʋsgã yĩnga.

Zeremi 44:3

La yaa wẽng ning bãmb sẽn maanã yĩnga. Bãmb yõoga wisd n waoog wẽn-sãams bãmb ne yãmb la y yaab-rãmbã sẽn ka mi, n beeg maam.

Kʋʋr yɩɩla 1:18

Zu-soabã yaa tɩrga, yaa maam n kɩɩs bãmb noore. Nebã fãa, m kotame tɩ y kelge, la y ges mam sũ-sãangã. Mam pʋg-sadbã ne m da-sãmbã kẽe yembd pʋga.

Kʋʋr yɩɩla 1:20

Sẽn-Ka-Saabo, ges-y mam toogã. Mam pʋga bendgame. Mam sũurã digda m pʋgẽ. Bala, mam kɩɩsa wʋsgo. Zabr sʋʋg kʋʋ mam kambã soay zutu, la yiyã pʋs me yaa kũum n be be.

Kʋʋr yɩɩla 3:42

Tõndo, tõnd wegmame n kɩɩs yãmba, la yãmb ka kõ tõnd sugr ye.

Ezekiyɛl 5:6

La yẽnda kɩɩsa mam noyã ne m no-tũudsã. Yẽnda tʋʋm-wẽnsã yɩɩga tẽms a taabã sẽn gũbg yẽnda wã, bala, bãmb basa mam noyã ne m no-tũudsã.

Ezekiyɛl 6:9

Dẽ, bãmb sã n wa be buud toay-toayã sʋka, zĩig ning b sẽn na n tall bãmb n tɩ kẽes yembdã, yãmb neb nins sẽn põsã na n tẽega mam yelle, soab ning sẽn sãam-a bãmb sũyã sẽn yaa yoaadb sũyã sẽn wẽnemd n zãag ne maamã, la bãmb ninã sẽn dag n get b wẽn-naandsã ne yoob gesgã. Bãmb yam na n yi b mense, b tʋʋm-wẽnsã ne b yel-beedã fãa yĩnga.

A Dãniyɛlle 9:11

Israyɛll nebã fãa kɩɩsa yãmb a Wẽnnaam tõogã, la b wẽnemdame n ka kelg yãmb koɛɛgã ye. Rẽ kɩtame tɩ kãab-wẽng ning b sẽn gʋls a Moyiis sẽn yaa yãmb tʋmtʋmdã tõod sebr pʋgẽ wã paam tõndo, tõnd sẽn beeg yãmbã yĩnga.

A Dãniyɛlle 9:15

La moasã, Sẽn-Ka-Saab sẽn yaa tõnd Wẽnnaam, yaa yãmb n yiis y nebã Ezɩpt tẽngã ne y nugã sẽn tar pãngã, tɩ yãmb yʋʋrã yi hal tɩ ta rũndã. La tõnd kongame, tõnd beega yãmba.

A Dãniyɛlle 9:9

Tõnd Zu-soab a Wẽnnaam, tõnd kɩɩsa yãmba, la yãmb yaa nimbãan-zoɛta, la sugr soaba.

A Ooze 1:2

Ad goam nins Sẽn-Ka-Saab sẽn tũnug a Ooze n togsã sɩngre. Sẽn-Ka-Saab yeela a Ooze yaa: «Kẽng n tɩ peeg pʋg-yoodr n maan f paga, t'a rog yoodem kamba, Bala, tẽn-kãngã nebã basa maam a Sẽn-Ka-Saabo, wa pag sẽn bas a sɩd n kẽng yoobo.»

Malasi 3:7

Hal sẽn sɩng ne y yaab-rãmbã wakate, yãmb bʋdg n basa mam noyã, yãmb ka sak-b ye. Lebg-y n wa-y mam nengẽ, tɩ mam me lebg n wa yãmb nengẽ. Maam a Saasẽ-Pãng-Soabã n yeele. La yãmb sokdame: «Tõnd tog n maana bõe n lebg n wa?»

Ebre rãmba 3:12

Dẽ yĩngã, m ba-biisi, gũus y mens tɩ ned baa a yembr yãmb sʋkã da tall sũur sẽn yaa wẽng la sẽn ka tẽeda, hal t'a wa wẽnemd n bas Wẽnnaam sẽn vɩ wã ye.