A Dãniyɛlle 9:27 - WẼNNAAM SEBRE 2014

²⁷ La yʋʋm a yopoe wã sẽn wat n dabd sɛɛbo, a na n maana weoogr kaool ne neb wʋsgo. La yʋʋm a tã la pʋɩ-sʋkã sã n ta, naabã na n kɩtame tɩ b bas maoongã maanego, ne kũunã kɩsgo. Sãamdã na n maana tʋʋm-wẽns hal tɩ loog nugu. La a na n maana woto, hal tɩ wakat ning b sẽn yãk n na n sãam-a wã wa ling-a.»

A Dãniyɛlle 9:27 Iomraidhean Croise

A Ezayi 28:15

Yãmb yetame: «Tõnd maana kaool ne kũum, tõnd maana yẽsg ne kɩɩm-kulgu. Sẽn na n yɩl tɩ sãoongã sã n wa, wa ko-pɛm sẽn fõt n wat ne pãnga, bɩ a ra paam tõnd ye. Tõnd dɩka zĩrẽ tɩ yaa tõnd zĩ-lilldga, la d rɩk belgr tɩ yaa d solgr zĩiga.»

A Ezayi 28:22

Moasã, da yɩ-y nin-tʋʋdba, tɩ b ra wa tak yãmb sẽbdsã tɩ lebg kãenkãe ye. Bala, b yãka yam n na n sãam tẽnga zãnga. Yaa Sẽn-Ka-Saab sẽn yaa Saasẽ-Pãng-Soabã n togs maam.

A Ezayi 42:6

«Maam a Sẽn-Ka-Saab n bool foom tɩrlem yĩnga, la mam gãda fo nugu, la m gũuda foom n na n kɩt tɩ f yɩ kaool buud a taabã yĩnga, la f yɩ vẽenem bu-zẽmsã yĩnga,

A Ezayi 53:11

Bãmb sẽn paam toogã yĩnga, b na n yãnda vẽenem, la b na n tɩga ne bãmb bãngre. Mam tʋmtʋmdã sẽn yaa tɩrlem soabã na n waa ne tɩrlem buud wʋsg yĩnga, la b na n deega bãmb kongrã.

A Ezayi 55:3

Yok-y y tʋbr n kelg la y wa mam nengẽ. Kelg-y-yã, la y na vɩɩmde. Mam na n maana kaool sẽn ka sɛt ne yãmba, yaa nonglem ning mam sẽn tar a Davɩɩd yĩng wakat fãa wã yĩnga.

Zeremi 7:30

Maam a Sẽn-Ka-Saab yetame yaa: «Zʋʋda nebã beega maam. Bãmb dɩka b bõn-naands nins mam sẽn kisã n ning roog ning b sẽn boond mam yʋʋrã a pʋgẽ wã pʋga, n dẽgm-a.

A Dãniyɛlle 11:31

Yẽnda na n tʋma tãb-bi-sul tɩ b kẽng zĩ-sõngã b sẽn leb n gũbgã, n tɩ maan bũmb sẽn kisi, n dẽgem-a la b gɩdg tɩ b ra leb n maan daar fãa maoongã n kõ Wẽnnaam ye. La bãmb na n lugla sãamdã bõn-naandgã tẽn-kugrã zugu.

A Dãniyɛlle 11:36

La rɩtg rĩmã na n maana a sẽn date. A na n wuka a menga, n pẽg a meng n yeel tɩ yẽnda yɩɩda wẽnnaam-dãmbã fãa, la a na n goma gom-bɛd n paoog wẽnnaam-dãmb Wẽnnaamã. La a na n paama tõogr hal tɩ ta Wẽnnaam sũ-puugrã daare. Bala, Wẽnnaam sẽn yeelã na n paama pidsgu.

A Dãniyɛlle 12:11

Hal sẽn sɩng wakat ning b sẽn na n gɩdg daar fãa maoongã maanegã, ne wakat ning b sẽn na n lugl sãamdã bõn-naandgã, na n yɩɩ rasem tusr la kobs-yi la pis-wɛ.

A Dãniyɛlle 7:25

Yẽnda na n goma goam sẽn paoogd Wẽnnaam Sẽn-Ka-To, la a na n namsa Wẽnnaam Sẽn-Ka-To nin-sõamyã. A na n makame n na n tek wakatã, la a tek Wẽnnaam nebã wẽn-tũudmã tõodã. La b na n basame t'a soog nin-sõamyã yʋʋm a tãab la pʋɩ-sʋka.

A Dãniyɛlle 8:13

La mam wʋma pʋ-peelem soab a yembr sẽn gomde, la pʋ-peelem soab a to yeela yẽnda yaa: «Vẽnegrã sẽn kẽed ne daar fãa maoongã wɛɛngẽ wã, ne tʋʋm-wẽnsã wɛɛngẽ wã, la zĩig sẽn welg toorã wɛɛngẽ wã, ne a sẽn tõog tãb-biisã n tabã na n kaoosame n ta dabʋr n yaool n pidsi?»

A Ooze 3:4

Bala, Israyɛll nebã na n kaoosame n ka paam dĩma, wall naaba, wall maoongo, wall kug-vigindga, wall maan-kʋʋr fuugu, wall bõn-naandg ye.

A Matiye Sõng 24:15

Yaa woto yĩng tɩ yãmb sã n yãnd sãoong bõn-wẽngã Wẽnnaam no-rɛɛs a Dãniyɛll sẽn dag n gom a yellã sẽn be zĩ-sõngẽ wã, bɩ sẽn karemd-a wã gũusi,

A Matiye Sõng 26:28

bala, yõwã yaa mam zɩɩm, kãab-paalgã zɩɩm sẽn daag neb wʋsg yĩnga, yel-wẽnã sugr kũun yĩnga.

A Matiye Sõng 27:51

La gese, wẽnd doogã fu-lilldgã sɩnga yĩngr n pãrg n tãag tẽnga, n pasg a yiibu. Tẽngã rigimdame, pĩisã pusame,

A Mark Sõng 13:14

Yãmb sã n wa n yãnd ‹sãoong bõn-wẽngã› t'a be zĩig ning sẽn ka zems t'a beẽ wã (bɩ sẽn karemd-a wã wʋm a võor sõama) woto, bɩ neb nins sẽn be Zʋʋde soolmẽ wã zoe n dʋ tãmsã,

A Luk Sõng 21:20

Dẽ, yãmb sã n wa n yãnd sodaas sẽn gũbg Zeruzalɛm, bɩ y bãng t'a sãoongã kolgame.

A Luk Sõng 21:24

Zabr sʋʋg n na n kʋ bãmba, la b na n yõga bãmb n maan yembse, n tall n kẽng buudã fãa sʋka. La bu-zẽms na n sooga Zeruzalɛm ne pãng hal tɩ b wakatã pidi.

Rom Dãmba 11:26

Rẽ zugẽ, Israyɛll nebã fãa na n paama fãagr wa sẽn gʋlsã: Yoalsdã na n yii Siyõ. B na n kɩtame t'a Zakoob bas Wẽn-kɩɩsgo.

Rom Dãmba 5:15

Kũun ning sẽn kõt zaalmã yell ka wẽnd kongrã yell ye. Bala, neb wʋsg sã n kii ned a yembr beegr yĩnga, sẽn yɩɩda, Wẽnnaam kiiga b barkã, la kũun sẽn yit ned a yembr bark pʋgẽ, a Zeezi Kirisi, neb wʋsg zut wʋsgo.

Rom Dãmba 5:19

Sɩd me, a wa ned a yembr tãa kɩɩsg yĩng sẽn kɩt tɩ neb wʋsg lebg yel-wẽn maandba, woto me, ned a yembr tãa sakr yĩnga, b na n kɩtame tɩ neb wʋsg lebg tɩrse.

Ebre rãmba 9:28

woto me, Kiris sẽn kõ b meng vugr bal n na n tʋk neb wʋsg yel-wẽnã, b na n puka naoor a yiib soaba, la ka yel-wẽnã yĩng ye, la yaa neb nins sẽn gũud bãmb n na n paam fãagrã yĩnga.