A Dãniyɛlle 9:26 - WẼNNAAM SEBRE 2014

²⁶ Yʋʋm a yopoe naoor pis-yoob la a yiibã loogr zugẽ, b na n kʋʋ Wẽnnaam nin-tũusdgã, tɩ ned ba a yembr ka na n sõng-a ye. La naab a to ne a neb n na n wa, bãmb na n sãama tẽngã ne zĩ-sõngã. La b na n sãam-a-la ne sũ-puug-kãsenga, tɩ yɩ naabã baoosgo. B yãka yam tɩ sãoongã na n kaoosame, hal tɩ tãag zabrã sɛɛbo.

A Dãniyɛlle 9:26 Iomraidhean Croise

2 Sãmwɛlle 21:5

Bãmb yeela rĩmã yaa: «A Sayull dag n kʋʋ tõnd nebã n dat n menes tõnd buudã zãnga, tɩ tõnd ned baa a ye da leb n kell Israyɛll tẽngã pʋgẽ ye.

Yɩɩn‑sõamyã 22:15

Mam pãngã loogda wa koom sẽn daagde, tɩ mam kõabã fãa sũgsi. Mam sũurã wẽnda wa sɩ-ribdu, a yẽnegda m pʋgẽ.

A Ezayi 28:2

Zu-soabã gãndaoog sẽn tar raood n wate, a wata wa sob-kãseng sẽn tũnug sapɩlma, yaa sob-fugdg sẽn sãamda, wa sa-kẽeng sẽn niid ko-bɛd sẽn tar pãnga. Yẽnda na n luba tẽngã ne pãnga.

A Ezayi 28:22

Moasã, da yɩ-y nin-tʋʋdba, tɩ b ra wa tak yãmb sẽbdsã tɩ lebg kãenkãe ye. Bala, b yãka yam n na n sãam tẽnga zãnga. Yaa Sẽn-Ka-Saab sẽn yaa Saasẽ-Pãng-Soabã n togs maam.

A Ezayi 53:8

B yõka bãmb ne pãnga, n kao b bʋʋdo. Bãmb zamaanẽ wã ned a bõe n maan sũ-sãang bãmb yĩnga? B yiisa bãmb dũni nin-vɩɩs sʋka, la yaa mam nebã tʋʋm-beedã yĩng la bãmb paam sɩbgre.

A Ezayi 8:7

kɩtame tɩ Sẽn-Ka-Saab na n kɩt tɩ koom sẽn tar pãngã, Efrat kʋɩlgã koom sẽn yaa Asiiri rĩmã yik ne a ziirã fãa n zab ne bãmba. Yẽnda na n pida ko-soayã fãa n puugi, n gãndg a kʋɩl-kogsã fãa n loogdẽ.

Zeremi 46:7

Ãnda la sẽn fudgd wa Nill kʋɩlgã koom sẽn pid n daagdẽ wã?

Zeremi 51:42

Ko-kãsengã rɩɩ Babilonde, a ko-wĩ-kãsemsã lim-a lame.

A Dãniyɛlle 11:10

Rɩtg rĩmã kom-dibli na n tigsa tãb-bi-kʋʋngo, n segl zabre. La bãmb ned a yembr ne a tãb-biisã na n yika zabre, n pasg toadgã n fõt wa kʋɩlg sẽn pid n fudgdẽ. La a sã n lebg n watẽ, a na n tees n zaba ne bɛyã tẽng sẽn gũbg ne lalsã.

A Dãniyɛlle 11:17

Dẽ, rɩtg rĩmã na n baoome n dat n tall a soolmã pãng fãa n wa yõg zood ne Ezɩpt rĩmã, n dɩk a bi-pugl n kõ-a t'a maan a paga, sẽn na yɩl n paam-a n sãame. La sɩlem-kãng ka na n zems ye.

A Dãniyɛlle 11:22

Tãb-bi-kʋʋng na n yikame n fõt n wat n na n zab ne yẽnda, la yẽnda na n sãam-b lame, la a tol n kʋ kaoolã nebã taoor soaba.

A Dãniyɛlle 11:36

La rɩtg rĩmã na n maana a sẽn date. A na n wuka a menga, n pẽg a meng n yeel tɩ yẽnda yɩɩda wẽnnaam-dãmbã fãa, la a na n goma gom-bɛd n paoog wẽnnaam-dãmb Wẽnnaamã. La a na n paama tõogr hal tɩ ta Wẽnnaam sũ-puugrã daare. Bala, Wẽnnaam sẽn yeelã na n paama pidsgu.

A Dãniyɛlle 9:27

La yʋʋm a yopoe wã sẽn wat n dabd sɛɛbo, a na n maana weoogr kaool ne neb wʋsgo. La yʋʋm a tã la pʋɩ-sʋkã sã n ta, naabã na n kɩtame tɩ b bas maoongã maanego, ne kũunã kɩsgo. Sãamdã na n maana tʋʋm-wẽns hal tɩ loog nugu. La a na n maana woto, hal tɩ wakat ning b sẽn yãk n na n sãam-a wã wa ling-a.»

A Ooze 1:9

La Sẽn-Ka-Saab yeela yẽnda yaa: «Pʋd a yʋʋr t'a Lo-Ami, Sẽn dat n togs tɩ ka m neb ye. Bala, yãmb ka mam neba, la mam me ka baa fɩ yãmb yĩng ye.»

A Amoose 8:8

Bãmb tʋʋm-wẽnsã yĩnga, mam na n kɩtame tɩ tẽn-gãongã rigimdi. Sũ-sãang na n paama neb nins fãa sẽn be tẽn-kãng pʋgẽ wã A na n zẽkame n lebg n lʋɩ, wa Ezɩpt tẽng Nill kʋɩlgã.

A Amoose 9:5

Zu-soab a Wẽnnaam sẽn yaa Saasẽ-Pãng-Soabã sɩɩsa tẽngã t'a rigimdi. Sũ-sãang paama neb nins fãa sẽn be a pʋgẽ wã A zẽkdame n lebgd n lʋɩtẽ, wa Ezɩpt Nill kʋɩlgã.

A Nahum 1:8

La wa koom sẽn kãagd bũmb fãa to-to n loogdẽ wã, Sẽn-Ka-Saab na n menesa b bɛɛbã zãnga. Bãmb na n dig-b lame n tɩ kʋ-b zãng fasɩ.

A Matiye Sõng 22:2

Arzãn soolem wẽnda wa rĩm sẽn maan pʋg-peegr tigr a bi-ribl yĩnga.

A Matiye Sõng 22:7

Rĩmã sũur yikame t'a tʋm a tãb-biisã tɩ b tɩ sãam nin-kʋʋdb kãense, la b yõog b tẽngã bugum.

A Matiye Sõng 23:38

Gese, b na n basa y roogã vɩʋʋg ne-yã.

A Matiye Sõng 24:2

A Zeezi leoka bãmb n yeele: «Yãmb nee bõn-kãensã fãa? Sɩd-sɩda, mam yeta yãmb tɩ kugr baa a yembr kõn pa a to zug ye. B na n leeb-b-la zãng n lubi.»

A Mark Sõng 13:2

A Zeezi leoka yẽnda: «Fo nee ro-kãsems kãensã? Kugr baa a yembr kõn pa a to zug b sẽn kõn leeb n lub ye.»

A Mark Sõng 13:7

Yãmb sã n wʋm zabr rãamde, la y wʋm zabr kibare, bɩ y ra yɛɛs ye, bala, yaa tɩlɛ tɩ bõn-kãens fãa zĩndi, la rẽ nan ka wakat saab nand ye.

A Mark Sõng 9:12

Bãmb leok-b lame yaa: «Sɩda, a Eli n na n deng n wa n lebs n maneg bũmba fãa. La yaa bõe tɩ b gʋls tɩ yaa tɩlɛ tɩ Ninsaal Bi-riblã nams wʋsgo la b paam paoogre?

A Luk Sõng 21:24

Zabr sʋʋg n na n kʋ bãmba, la b na n yõga bãmb n maan yembse, n tall n kẽng buudã fãa sʋka. La bu-zẽms na n sooga Zeruzalɛm ne pãng hal tɩ b wakatã pidi.

A Luk Sõng 21:6

Day n wate, tɩ bũmb ningã yãmb sẽn ne wã, kugr baa a yembr kõn pa a to zug b sẽn kõn leeb n lub ye.

A Luk Sõng 24:26

Dẽ yĩnga, Kiris rag n ka tog n nams a woto n yaool n deeg b naamã sɩda?

A Luk Sõng 24:46

La a Zeezi yeel-b lame yaa: Woto, b gʋlsame n yeel tɩ Kirisã tog n namsame, la b na n vʋʋg n basa kũum rasem a tãab daare.

A Zã Sõng 14:30

Mam ka na n tol n leb n gom ne yãmb yɛs ye. Bala, dũni naabã watame. A baa fɩ ka be mam pʋgẽ ye.

2 Korẽnt rãmba 5:21

Wẽnnaam kɩtame tɩ Kiris sẽn ka maan yel-wẽnã lebg yel-wẽn tõnd yĩnga, tɩ tõnd tõe n lebg nin-tɩrs Kiris pʋg Wẽnnaam taoore.

Galat Rãmba 3:13

Kiris yolsa tõnd ne kãab-wẽngã, bãmb sẽn lebg kãab-wẽng tõnd yĩngã yĩnga. Bala, b gʋlsame tɩ kãab-wẽng n be ned ning sẽn lulg raoog zugã zugu.

1 Pɩyɛɛr 2:21

Sɩd me, yaa bõn-kãng yĩng la b bool yãmba. Tɩ bõe, Kiris me namsa yãmb yĩnga, n bas mamsg ne yãmba, tɩ y tũ bãmb naoã.

1 Pɩyɛɛr 2:24

Kiris meng n deeg tõnd yel-wẽnã b yĩngã pʋgẽ da-pɩkã zugu, tɩ tõnd sẽn yaa wa kũum yel-wẽnã wɛɛngẽ wã, tõnd na vɩɩmd n maan tɩrlem. Yaa bãmb poglgã yĩng la yãmb paamd maagre.

1 Pɩyɛɛr 3:18

Sɩd me, Kiris me kii vugr bal yel-wẽnã yiisg yĩnga. Bãmb sẽn yaa nin-tɩrgã, b kii ka-tɩrlem dãmbã yĩnga, sẽn na yɩl n tall yãmb n ta Wẽnnaam nengẽ. B kʋʋ bãmb yĩngã, la Sɩɩg-sõng leb n kõo bãmb vɩɩm.