A Dãniyɛlle 9:25 - WẼNNAAM SEBRE 2014

²⁵ Dẽ wã, bɩ f bãng bõn-kãngã, la f wʋm a võore: Sẽn sɩng ne daar ning b sẽn togs koɛɛgã n yeel tɩ b lebs n me Zeruzalɛmã, hal tɩ ta Wẽnnaam nin-tũusdgã zamaanẽ, yaa yʋʋm a yopoe naoor a yopoe. La yʋʋm a yopoe naoor pis-yoob la a yiibã wakate, b na n lebs n mee Zeruzalɛm zĩisã, la b lebs n me a lalsã. Rẽ na n yɩɩ toog wakate.

A Dãniyɛlle 9:25 Iomraidhean Croise

2 Sãmwɛlle 15:25

Rĩmã yeela a Sadok yaa: «Lebg n leb ne kaoolã koglgã tẽngã pʋgẽ. La Sẽn-Ka-Saab sã n dat n maan maam neere, b na n kɩtame tɩ mam tõog n lebg n wa yã kaoolã koglgã ne bãmb doogã.

Esdras 4:24

Woto, b kɩtame tɩ Wẽnnaam doogã sẽn be Zeruzalɛmã tʋʋmd yalse. La tʋʋmdã kell n yalsame hal n tãag Pɛrs-rãmbã rĩm a Daryuus sẽn deeg a naamã tɩ yʋʋm yiiblẽ.

Esdras 7:1

Bõn-kãens zugẽ, Pɛrs-rãmbã rĩm a Artagzɛrzɛɛs naamã wakate, a Ɛsdraas yii Babilond n wa. Yẽnda rag n yaa a Seraya biiga, n yaa maan-kʋʋr kãsem a Aarõ yagenga. A Seraya yaa a Azariya biiga, t'a Azariya yaa a Hilkiiza biiga,

Esdras 7:8

La a Ɛsdraas tũu nin-bãmbã n wa Zeruzalɛm kiuug a nu soabã pʋgẽ, rĩmã sẽn deeg a naamã tɩ yʋʋm yopoɛɛlẽ.

A Neemi 3:1

Maan-kʋʋr kãsem a Eliyasɩɩb ne a saam-biisã sẽn yaa maan-kʋʋdbã yikame n naag taab n lebs n me tẽngã noor ning piisã sẽn tũud n yit la b kẽedẽ wã. Bãmb ning-a-la barka, la b vigl a kʋɩlemsã. Bãmb kell n mee lalgã n gũbg n tall n tɩ tãag neb koabg ro-lug-lugã, n ning-a barka, n kell me-a n tɩ tãag a Hananeyɛll gãosgã.

A Neemi 4:2

La bãmb seda ne taab n na n wa zab ne Zeruzalɛm tẽngã n sãam-a.

A Neemi 4:8

Mam gesa nebã manesem sẽn yaa to-to. Dẽ, mam yikame n yeel kãsem-dãmbã ne nanambsã, ne neb nins sẽn dag n be beenẽ wã yaa: «Da zoe-y nin-bãmbã ye! Tẽeg-y tɩ Zu-soabã yaa kãsenga, la b tara pãnga. Zab-y y saam-biisã, y kom-dibli wã la y kom-pugli wã, ne y pagbã, la y zagsã yĩnga.»

A Neemi 6:15

Tõnd mee lalgã n sɛ Elull kiuugã rasem pisi la a nu daare, la yaa rasem pis-nu la a yiib la tõnd dɩk n me lalgã n sɛ.

Yɩɩn‑sõamyã 71:10

Bala, mam bɛɛbã gomda mam yelle. Sẽn baood-b n dat n sãam mam vɩɩmã yẽsda ne taaba.

Kowelɛt 3:3

Kʋʋb wakat beeme, la tɩpg wakat me beeme. Siigr wakat beeme, la meeb wakat me beeme.

A Ezayi 55:4

Mam kɩtame tɩ yẽnda yɩ kaset soab buud a taabã yĩnga, la a yɩ naab n soog buud a taabã.

A Ezayi 9:6

Yẽnda naamã na n yalgame, yẽnda na n waa ne vɩ-bãan sẽn ka sɛta, a Davɩɩd naam geerã ne yẽnda soolmã yĩnga. Yẽnda na n paasa a soolmã pãnga, la a na n zã-a-la ne zemsgo la tɩrlem, sẽn sɩng ne moasã la wakat sẽn kõn sɛ yĩnga. Saasẽ-Pãng-Soabã nonglem-kãsengã n na n kɩt t'a yɩ a woto.

A Dãniyɛlle 8:11

Yẽnda tol n zẽkame n tãag tãb-biisã Naabã, a rẽgma maoong ning sẽn maand daar fãa wã maanego, ne a zĩ-sõngã.

A Dãniyɛlle 8:25

La a sɩlmã yĩnga, a na n tõog n tudga neb a taabã, la a na n wuka a meng a sũur pʋgẽ, la a na n sãama neb wʋsg sẽn dag n vɩ ne bãane, la a na n yik n zaba ne nanambs naabã. La yẽnda na n sãamame tɩ ka tũ ne ned nug ye.

A Dãniyɛlle 9:23

Hal fo se-yõkrã sɩngrẽ, Wẽnnaam tʋma koɛɛga, la mam waame n na n togs foom koe-kãnga. Bala, fo yaa Wẽnnaam nin-nongre. Kelg koɛɛgã neere, la f wʋm vẽnegrã võore.

A Miise 5:1

«Foom Betlehɛm Efrata, baa ne fo sẽn yaa buud sẽn paood Zʋʋda buud wʋsg sʋkã, mam na n kɩtame tɩ naab yi fo pʋgẽ, n soog Israyɛll nebã, La yẽnda yẽgrã sɩnga hal pĩnda, kʋdem-wẽndẽ.

A Miise 5:2

Yaa rẽ n kɩt tɩ Sẽn-Ka-Saab na n bas Israyɛll nebã, hal tɩ pag ning sẽn na n dog-a wã roge. Dẽ poore, yẽnda saam-biisã sẽn kellã, na n lebg n leba Israyɛll nebã nengẽ.

A Matiye Sõng 13:23

Bõn-buudã sẽn lʋɩ zĩ-sõngẽ wã yaa ned ning sẽn wʋmd Wẽnnaam koɛɛgã n wʋmd a võore. Yẽnda womda biisi. Kẽer womame tɩ ta koabg-koabga, kẽer pis-yoob‑yoobe, kẽer pis-tã‑tã.»

A Matiye Sõng 24:15

Yaa woto yĩng tɩ yãmb sã n yãnd sãoong bõn-wẽngã Wẽnnaam no-rɛɛs a Dãniyɛll sẽn dag n gom a yellã sẽn be zĩ-sõngẽ wã, bɩ sẽn karemd-a wã gũusi,

A Mark Sõng 13:14

Yãmb sã n wa n yãnd ‹sãoong bõn-wẽngã› t'a be zĩig ning sẽn ka zems t'a beẽ wã (bɩ sẽn karemd-a wã wʋm a võor sõama) woto, bɩ neb nins sẽn be Zʋʋde soolmẽ wã zoe n dʋ tãmsã,

A Zã Sõng 1:41

A Ãndere reng n yãnda a meng ba-biig a Sɩmo n yeel-a: «Tõnd yãnda Mesi wã, sẽn dat n togs tɩ ‹Kirisã.›»

A Zã Sõng 4:25

Pagã yeela bãmb yaa: «Mam miime tɩ Mesi wã, soab ning b sẽn boond tɩ Kirisã na n waame. B sã n wa, b na n wilga tõnd bũmba fãa.»

Tʋʋma 3:15

La y yaool n kɩt tɩ b kʋ vɩɩm-naabã. La Wẽnnaam vʋʋg-b lame tɩ b yi kũum sʋk n vɩ. Tõnd yaa bõn-kãng kaset dãmba.

Tʋʋma 5:31

Wẽnnaam zẽka a Zeezi tɩ b be bãmb rɩtgo n yaa rĩmã la fãagda n na n kõ Israyɛll nebã yam tekre la yel-wẽnã sugri.

Tʋʋma 8:30

Yẽnda wudg n kolgame, la a wʋma Etiyopi raoã sẽn da karemd Wẽnnaam no-rɛɛs a Ezayi sebre, t'a Filip sok-a t'a wʋmda a sẽn karemdã võor sɩda?

Efɛɛz Rãmba 5:16

Da bas-y tɩ weerã sãamd zaalem ye. Bala, moasã yaa wẽng wakate.

Vẽnegre 19:16

Bãmb tara yʋʋr sẽn gʋls b fuugã zug la b geerã zugu: rĩm-dãmb Rĩma, la zu-soben-dãmb Zu-soaba.