A Dãniyɛlle 9:24 - WẼNNAAM SEBRE 2014

²⁴ Ade, b yãka yʋʋm a yopoe naoor pis-yopoe, fo nebã ne tẽn-sõngã yĩnga, n na n kɩt tɩ tʋʋm-beedã ne kongrã sɛ, tɩ yel-wẽnã me tõe n paam pekre, sẽn na n yɩlẽ tɩ tɩrlem puk wakat fãa, tɩ vẽnegrã ne pĩnd-n-bãngr goamã paam pidsgu, la b welg zĩig sẽn welg toor n yɩɩdã toore.

A Dãniyɛlle 9:24 Iomraidhean Croise

2 Kibayã 29:24

Maan-kʋʋdbã kood-b lame n daag b zɩɩmã tẽn-kugrã zugu tɩ yɩ sugr kosg maoong Israyɛll nebã fãa yĩnga. Bala, rĩmã rag n yeelame tɩ maoong sẽn yõogd bugmã, ne sugr kosg maoongã yaa Israyɛll gillã fãa yĩnga.

Yɩɩn‑sõamyã 2:6

Sẽn-Ka-Saab yeelame: «Maam n zĩndg m dĩmã Sɩyõ, m tãn-sõngã zugu.»

Yɩɩn‑sõamyã 45:7

Mam Wẽnnaam, yãmb geerã paada wakat sẽn kõn sa. Yãmb naam dasaarã yaa tɩrlem dasaare.

A Ezayi 42:4

Yẽnda pãng ka na n sɛ, la a raood ka na n booge, hal t'a wa kɩt tɩ tɩrlem zĩnd dũni zugu. Bala, tẽms nins koom sẽn gũbgã gũuda yẽnda tõogã.

A Ezayi 51:6

Nak-y n ges-y yĩngri, la y sulg n ges dũniyã sẽn be tẽngã. Bala, yĩngr na n looga wa bug-zõose, dũniyã na n kii wa fuugu, a nebã na n kiida wa zõose. Mam fãagrã na n paa wakat fãa, la mam tɩrlmã kõn tol n sɛ ye.

A Ezayi 51:8

Bala, mogd n na n dɩ bãmb wa fuugu, zũnzũiy na n dɩɩ bãmb wa pe-kõbd gĩsga. La mam tɩrlmã na n paa wakat fãa, tɩ mam fãagrã pa zamaan woo zamaane.

A Ezayi 56:1

Ade, Sẽn-Ka-Saab yetame: «Sak-y tɩ zemsg zĩndi, la y maan wa sẽn zems tɩrlmã. Bala, mam fãagrã waoong kolgame, la mam tɩrlmã rat n pukame.

A Ezayi 61:1

Sẽn-Ka-Saab Sɩɩgã bee mam zugu, bala, Sẽn-Ka-Saab yãka maam. Bãmb tʋma maam tɩ m togs koe-noogã naong-rãmba, la m bels sũ-sãang-rãmbã, tɩ m togs b sẽn balg b rãmbã fãagr koɛɛga, la m togs sẽn be-b bi-bees roogã tɩ b na n paama yolsgo.

Kʋʋr yɩɩla 4:22

Sɩyõ nebã sẽn yaa mam nin-nongdsã, yãmb kongrã sɩbgr sɛɛme. Bãmb ka na n leb n yiis yãmb n tɩ kẽes yembd yɛs ye. Edom nebã, b na n sɩbga yãmb y kongrã yĩnga. B na n puka yãmb yel-wẽnã.

Ezekiyɛl 28:12

«Ninsaala, pʋd sũ-sãang yɩɩll Tɩɩr dĩmã yĩng n yeel tɩ maam a Zu-soab a Sẽn-Ka-Saab yetame: ‹Fo rag n zemsa zãnga, n pid ne yam n yaa neer zãnga.›

Ezekiyɛl 4:5

La maam, mam na n kõo foom rasem sõor ning fo sẽn na n zɩ Israyɛll buudã kongrã. Yaa rasem kobs-tã la pis-wɛ, wa sẽn zems Israyɛll buudã sẽn zĩnd kongr pʋgã yʋʋm sõore.

Ezekiyɛl 4:6

Fo sã n wa n pids rasem-kãens sõorã, bɩ f wẽnemd n gãand f nug-rɩtgã zugu, n tʋk Zʋʋda buudã kongr dasem pis-naase. Mam kõta foom daar a ye yʋʋmd fãa yĩnga.

Maan‑kʋʋre 25:8

«Bɩ y sõd vʋʋsg yʋʋm a yopoe-poe naoor a yopoe, sẽn dat n togs tɩ yʋʋm pis-naas la a wɛ.

Maan‑kʋʋre 8:15

A Moyiis kodga loalgã, n dɩk a zɩɩmã, n tẽk ne nug-bil n ning tẽn-kugrã kũnã zĩigẽ, n gilg tẽn-kugrã n yɩlg-a. A Moyiis rɩka zɩɩmã n walg tẽn-kugrã kɩremsã n yɩlg-a.

Zakari 4:14

Dẽ, a yeela maam yaa: «Bãmb yaa neb a yiib nins b sẽn pʋdg ka-paalgã b zutã, bãmb yasa dũni gill soaalã taoore.»

Sõadga 14:34

Yãmb dɩka rasem pis-naas n gilg n ges Kana tẽngã. La yãmb kɩɩsgã yĩnga, y na n namsa yʋʋm pis-naase, sẽn dat n togs tɩ daar a yembr yaa yʋʋmde. Woto, yãmb na bãng mam kɩɩsg sẽn wat ne bũmb ninga.

A Matiye Sõng 1:21

Yẽnda na n doga bi-ribla, la fo na n pʋda a yʋʋr t'a Zeezi. Yaa yẽnda n na n yols b nebã ne yel-wẽnã.

A Matiye Sõng 11:13

Wẽnnaam no-rɛɛsdbã fãa ne tõogã togsa pĩnd-n-bãngr goam soolmã wɛɛngẽ hal tɩ ta a Zã wakate.

A Matiye Sõng 4:5

Sʋtãanã talla bãmb n kẽng Zeruzalɛm, tẽn-sõngẽ wã, n zĩndg bãmb Wẽnd doogã zug n yeel-b yaa:

A Mark Sõng 1:24

«Zeezi sẽn yit Nazarɛte, yaa bõe la y rat ne tõndo? Yãmb waame n na n menes tõnd laa? Mam mii yãmb sẽn yaa ned ninga. Yãmb yaa Wẽnnaam pʋ‑peelem soaba.»

A Luk Sõng 1:35

La malɛɛkã leok-a lame yaa: Sɩɩg-sõng na n waa fo zugu, la Wẽn-kẽemdã pãngã na n luda foom ne b maasem. Yaa woto yĩng la b na n bool bi-sõng ning fo sẽn na n dogã tɩ Wẽnnaam Bi-ribla.

A Luk Sõng 21:22

Bala, ra-kãens na n yɩɩ sũ-dokr rayã, tɩ bũmb nins fãa b sẽn gʋlsã na paam pidsgu.

A Zã Sõng 1:41

A Ãndere reng n yãnda a meng ba-biig a Sɩmo n yeel-a: «Tõnd yãnda Mesi wã, sẽn dat n togs tɩ ‹Kirisã.›»

A Zã Sõng 3:34

Soab ning Wẽnnaam sẽn tʋmã togsda Wẽnnaam goamã, bala, Wẽnnaam kõta a soab bãmb Sɩɩgã tɩ seke.

Tʋʋma 3:14

Yãmb tõdga sõmblem la tɩrlem soabã, n kos tɩ b bas nin-kʋʋdã n kõ-yã.

Tʋʋma 3:22

A Moyiis rag n yeelame: «Zu-soabã sẽn yaa yãmb Wẽnnaam na n yãka b no-rɛɛs sẽn yaa wa maam yãmb buudã sʋk n kõ-yã. Yãmb na n kelga bũmb nins fãa yẽnda sẽn na n togs yãmbã.

Tʋʋma 4:26

Dũniyã rĩm-dãmbã segla b mens zabr yĩnga, la nanambsã lagma taaba, n na n zab ne Zu-soabã la ne bãmb Kirisã.»

Rom Dãmba 5:10

Bala, sã n yaa tɩ tõnd sẽn dag n ket n ya bɛɛbã, tõnd yellã ne Wẽnnaamã paama yiisg bãmb Bi-riblã kũum yĩnga, moasã yellã sẽn sa wã, tõnd kõn paam fãagr bãmb vɩɩmã yĩng n yɩɩd sɩda?

1 Korẽnt rãmba 1:30

Yaool n yaa Wẽnnaam n kɩt tɩ yãmb be a Zeezi Kiris pʋgẽ, Wẽnnaam kɩtame tɩ Kiris lebg tõnd yam, la d tɩrlem, la d welg-toore, la d fãagre,

Filip rãmba 3:9

la m zĩnd bãmb pʋgẽ. Ka ne mam meng tɩrlem, mam sẽn sak tõog n paamã ye, la yaa ne tɩrlem ning ned sẽn paamda, a sẽn tẽed Kirisã yĩnga, tɩrlem sẽn yit Wẽnnaam nengẽ, la sẽn paamd ne tẽebo.

Kolos Rãmba 1:20

la b kɩt t'a Zeezi wa ne zems-n-taar bãmb a Wẽnnaam ne bũmb fãa sʋka, sã n yaa sẽn be tẽng zugu wall sẽn be yĩngri, n kɩt tɩ bãmb maasem yĩnga, bɩ laafɩ zĩndi, bãmb zɩɩmã sẽn daag da-pɩkã zugã yĩnga.

Kolos Rãmba 2:14

Bãmb yẽesa tõod nins b sẽn da gʋls n kaood tõnd bʋʋdã la sẽn da mongd tõnd bʋʋma Wẽnnaam menesa tõ-kãng wakat ning b sẽn ka a Zeezi da-pɩkã zugã.

Ebre rãmba 10:14

Bala, ne kũun a yembr tãa bala, b kɩtame tɩ neb nins sẽn welg toorã zems zãnga.

Ebre rãmba 2:17

Rẽnda n kɩt tɩ bãmb da tog n wẽneg b ba-biisã bũmb fãa pʋgẽ, n tõog n lebg maan-kʋʋd kãsem sẽn pid ne nimbãan-zoeere, la sẽn maand sɩd ne Wẽnnaam tʋʋmdã, n tõog n yiis nebã yel-wẽnã.

Ebre rãmba 7:26

Yaa maan-kʋʋd kãsem a woto la tõnd sɩd tog n paame: Ned sẽn welg toor Wẽnnaam yĩnga, n ka tar yelle, ned sẽn ka rog-b ye, n bak ne yel-wẽn-maandbã, la b zẽk-b lame n kẽng saasẽ.

Ebre rãmba 9:26

Bala, sã n da yaa a woto, Kiris rag n na n namsẽ‑la naoor wʋsg dũni naaneg tɛk tɩ ta moasã. La moasã sẽn yaa yaoolem wakatã, bãmb puka vugr bala, n na n sãam yel-wẽnã ne b meng sẽn yɩ maoongã pãnga.

2 Pɩyɛɛr 1:1

Maam a Sɩmo Pɩyɛɛr sẽn yaa a Zeezi Kiris yamba, la b tẽn-tʋmdã n tʋmd seb-kãngã neb nins sẽn paam tẽeb sẽn tar yõod wa tõnd dẽnda nengẽ. Yaa tõnd Wẽnnaamã ne d Fãagd a Zeezi Kiris tɩrlem tʋʋmdã maasem yĩng la d paam-a.

1 Zã 3:8

Ned ning sẽn maand yel-wẽn yaa sʋtãanã neda, bala sʋtãanã sɩng n maanda yel-wẽn hal sɩngr wẽndẽ. Wẽnnaam Bi-riblã waame n na n sãam sʋtãanã tʋʋmã.

Vẽnegre 14:6

Mam yãnda malɛɛk a to sẽn yɩgd n pɩʋʋgd yĩngri: A rag n tara koe-noog sẽn paad wakat sẽn kõn sa, n na n togs neb nins sẽn be tẽng zugã, soolem fãa, buud fãa, goam buud fãa nebã, la tẽng fãa nebã.

Vẽnegre 3:7

Gʋls Filadɛlfi wẽnd doogã gũud n yeel-a yaa: Ad bũmb sõmblem soabã, sɩd soabã, sẽn tar-a a Davɩɩd kʋɩlen-bilã, soab ning sẽn pakd tɩ ned ka tõe n pagã, soab ning sẽn pagd tɩ ned ka tõe n pakã sẽn yeta: