A Dãniyɛlle 9:21 - WẼNNAAM SEBRE 2014

²¹ Mam dag n ket n bee pʋʋsg pʋga, la sẽn zems zaabr maoong maaneg wakate, malɛɛk a Gabriyɛll sẽn yaa ned ning mam sẽn dag n yãnd mam pipi vẽnegrã pʋgẽ wã yɩka ne tʋʋlem n wa mam nengẽ.

A Dãniyɛlle 9:21 Iomraidhean Croise

1 Rĩm-dãmbã 18:29

Wĩnto-sʋkã loogr poore, b sɩngame n gom n ta zaabr sẽn yaa maoongã maaneg wakatã. La bãmb ka tol n wʋm koɛɛg tɩ b gomd leokre, la bãnd me ka zĩnd ye.

1 Rĩm-dãmbã 18:36

Maoongã maaneg wakat sẽn ta, Sẽn-Ka-Saab no-rɛɛs a Eli kolgame n yeele: «Sẽn-Ka-Saabo, yãmb yaa a Abrahaam ne a Izak la a Israyɛll Wẽnnaam, bɩ y kɩt tɩ b bãng rũndã tɩ yaa yãmb la Israyɛll nebã Wẽnnaam, la mam yaa yãmb tʋmtʋmda. La y kɩt tɩ b bãng tɩ bũmb nins fãa mam sẽn maandã, yaa yãmb n yeel maam tɩ m maane.

Yɩɩn‑sõamyã 103:20

Yãmb fãa sẽn yaa Sẽn-Ka-Saab malegse, n yaa gãndaad n tar pãnga, n kelgd bãmb goamã la y sakd-bã, pẽg-y Sẽn-Ka-Saabo!

Yɩɩn‑sõamyã 104:4

Sebdã yaa bãmb koe-toagsdba, tɩ bug-witim yaa bãmb tʋmtʋmdba.

Yɩɩn‑sõamyã 141:2

Bɩ m pʋʋsgã zẽk wa wisd n ta y nengẽ. Bɩ m nusã sẽn zẽk n tees yãmbã yɩ wa zaabr maoongo!

Yikri 29:39

Kʋ pe-bil a yembre, n maan maoong yibeoogo, la f kʋ pe-bil a yiib soabã n maan maoong zaabre.

A Ezayi 6:2

Serafẽ-rãmb n dag n yas bãmb zugẽ wã. Bãmb ned kam fãa rag n tara pɩgs a yoobe. Bãmb tara a yiib n lut b nenga, la b tara a yiib n lut b naoã, la b tar a yiibã n yɩgda.

Ezekiyɛl 1:11

Bãmb ned kam fãa pɩgs a yiib n yɛdg n tees yĩngr n sok taaba, tɩ bãmb pɩgs a yiib lud b yĩngã.

Ezekiyɛl 1:14

La bõn-vɩɩsã rag n zoet n kẽngdame la b watẽ, wa sa-tãse.

Ezekiyɛl 14:14

la sã n mikame tɩ nin-bãmbã b tãabã be a pʋgẽ, a Nowe ne a Dãniyɛll la a Zoobe, bãmb na n fãaga b mensã vɩɩm b tɩrlmã yĩnga. Maam a Zu-soab a Sẽn-Ka-Saab n yeele.

A Dãniyɛlle 10:10

La gese, ned nug n wa n sɩɩs maam n kɩt tɩ mam yĩgimd m dũmã zugu, tɩ m nusã tik tẽng tɩ m digda.

A Dãniyɛlle 10:16

La gese, mam yãnda bũmb sẽn wẽnd ninsaala, la a sɩɩsa mam no-bɩmsã. La mam yaaga m noor n sɩng goamã. Mam yeela ned ning sẽn yas-a mam taoorã yaa: «M soaala, vẽnegrã kɩtame tɩ mam yamã bondge, la mam ka leb n tar pãng baa bilf ye.

A Dãniyɛlle 10:18

La sẽn wẽnd-a ninsaalbã leb n sɩɩsa maam, n leb n kõ maam pãnga.

A Dãniyɛlle 8:16

La mam wʋma ninsaal koɛɛg sẽn yi Ulayi kʋɩlgã sẽnẽ n kelem n yeel yaa: «Gabriyɛlle, bilg nin-kãngã vẽnegrã võore.

A Dãniyɛlle 8:18

Malɛɛk a Gabriyɛll sẽn wa n ket n gomd ne maamã wakate, mam sobgame tɩ m nengã ket n fõg tẽnga. La a sɩɩsa maam n kɩt tɩ m yik n yals zĩig ning mam sẽn dag n beẽ wã.

A Matiye Sõng 27:46

La wẽn-kaoorã wakate, a Zeezi zẽka b koɛɛg n gom ne pãng n yeele: «Eli! Eli! Lama sabaktani?» Sẽn dat n yeel tɩ: ‹Mam Wẽnnaam! Mam Wẽnnaam! Yaa bõe tɩ yãmb bas maam?›

A Luk Sõng 1:19

La malɛɛkã leoka yẽnda yaa: «Mam yaa a Gabriyɛlle, n be Wẽnnaam taoore. B tʋma maam tɩ m wa n gom ne foom la m togs-f koe-no-kãnga.

A Luk Sõng 1:26

Kiis a yoob soabã wakate, Wẽnnaam tʋma malɛɛk a Gabriyɛlle, Galɩle tẽng a yembr sẽn boond tɩ Nazarɛte,

Tʋʋma 10:3

Sẽn zems zaabr lɛɛr a tãab sasa, yẽnda yãnda Wẽnnaam malɛɛk vẽeneg vẽnegr pʋgẽ t'a kẽ n yeel yẽnda tɩ Korney.

Tʋʋma 10:9

Vẽkembeoogo, bãmb sẽn waa n be sorẽ n kolgd Zope, sẽn zems wĩnto-sʋka, a Pɩyɛɛr dʋʋ roogã zug n na n pʋʋse.

Tʋʋma 12:7

Tao-tao bala, Zu-soabã malɛɛk puka a menga la vẽenem n yãg bi-bees roogã pʋgẽ. Malɛɛkã wẽe a Pɩyɛɛr lʋgr n nek-a n yeel-a yaa: Yik tao-tao. La bãensã lʋɩɩme n bas a Pɩyɛɛr nusã.

Tʋʋma 3:1

Zaabr lɛɛr a tãab sẽn yaa pʋʋsgã wakat sẽn ta, a Pɩyɛɛr ne a Zã da tũu taab n kẽng wẽnd doogẽ wã.

Ebre rãmba 1:14

Dẽ yĩnga, malegsã fãa ka sɩɩs sẽn tʋmd Wẽnnaam yĩnga, tɩ Wẽnnaam mi n tʋm-b tɩ b tɩ maan tʋʋmd n sõng neb nins sẽn tog n deeg fãagrã tɩ yɩ b pʋɩɩrã la?

Ebre rãmba 1:7

La b goma malegsã yell n yeel yaa: B kɩtame tɩ b malegsã yɩ sobdo, tɩ b tʋmtʋmdbã yɩ bug-vɩlemse.

Vẽnegre 9:17

Woto, vẽnegrã pʋgẽ mam yãnda wiidã ne neb nins sẽn zao-bã. Bãmb da tara gãntigsi, tɩ b kõbgã ya wa bugum, la wa kugr b sẽn boond tɩ safɩɩre, la wa kidbri. Wiidã zut dag n wẽnda gɩgem zutu. Bugum ne bug-zõos la kidbr n dag n yit b noyẽ wã.