A Dãniyɛlle 9:18 - WẼNNAAM SEBRE 2014

¹⁸ Mam Wẽnnaam, kɩll-y y tʋbr n kelge! Puk-y y nin n ges tõnd tẽngã, tẽng ning b sẽn boond yãmb yʋʋrã a pʋgẽ wã sẽn lebg raboogã. Ka tõnd tʋʋm-sõamã yĩng la tõnd sẽn yõkd yãmb sɛɛg woto wã ye. La yaa yãmb nimbãan-zoeerã sẽn yaa kãsengã yĩnga.

A Dãniyɛlle 9:18 Iomraidhean Croise

1 Rĩm-dãmbã 8:29

Bɩ y kɩt tɩ y belmã zĩnd ro-kãngã pʋg wĩndg la yʋngo, bala, a yaa zĩig yãmb sẽn dag n yeel tɩ y yʋʋrã na n zĩnda a pʋgẽ! Moasã, bɩ y kelg y tʋmtʋmdã sẽn be ro-kãngã pʋg n pʋʋsd yãmbã.

2 Rĩm-dãmba 19:16

Sẽn-Ka-Saabo, kɩll-y y tʋbr n kelge! Sẽn-Ka-Saabo, puk-y y nin n gese. Kelg-y goam nins a Senakeriib sẽn tʋm sõgen-kãsengã t'a wa tʋʋsd yãmb a Wẽnnaam sẽn vɩ wã!

Yɩɩn‑sõamyã 116:1

Mam nonga Sẽn-Ka-Saabo, bala, bãmb wʋmda mam koɛɛgã, ne m se-yõkrã.

Yɩɩn‑sõamyã 25:6

Sẽn-Ka-Saabo, tẽeg-y yãmb nimbãan-zoeerã ne y nonglmã sẽn sɩng n be hal wakat fãa wã yelle.

Yikri 3:7

Sẽn-Ka-Saab yeelame yaa: «Sɩdã, mam yãnda m nebã sẽn be Ezɩptã namsgã. Mam wʋma bãmb kelemsã, tʋʋm-soaadbã sẽn namsd bãmb tɩ b kelemdẽ wã. N-yẽe! Mam mii toog ning sẽn tar bãmbã.

A Ezayi 37:17

Sẽn-Ka-Saabo, kɩll-y y tʋbr n kelge! Sẽn-Ka-Saabo, puk-y y nin n gese! Kelg-y goam nins fãa a Senakeriib sẽn tʋm n tʋʋsd yãmb a Wẽnnaam sẽn vɩ wã!

A Ezayi 43:7

Yaa neb nins fãa sẽn boond mam yʋʋrã, mam sẽn naan-b rãmb mam waoogr yĩngã, neb nins sẽn yaa mam nus tʋʋmdã.»

A Ezayi 64:6

Ned ba a yembr ka leb n boond yãmb yʋʋrã ye, ned ka be n yẽegd a meng n baood yãmb ye. Bala, yãmb wẽnemd n basa tõndo, la yãmb basa tõnd tɩ d boog d kongrã yĩnga.

Zeremi 14:7

Sẽn-Ka-Saabo, tõnd kongrã sã n kɩt kaset tɩ tõnd ka tar bʋʋm, bɩ y maan y sẽn na n maanega, y yʋʋrã yĩnga. Tõnd kɩɩsgã yaa wʋsgo, tõnd beega yãmba.

Zeremi 14:9

Yaa bõe tɩ y maand wa ned b sẽn yɛɛse, la wa gãndaoog sẽn ka tõe n sõng neb a taaba? Sẽn-Ka-Saabo, yãmb yaool n bee tõnd sʋka, la d boonda yãmb yʋʋrã d sʋka. Da bas-y tõnd ye!

Zeremi 15:16

Mam sẽn wʋm y goamã, m deegame. Saasẽ-Pãng-Soab a Wẽnnaam, yaa yãmb n so maam, la y goamã kõo maam sũ-noog n kɩt tɩ m kɩdemdẽ.

Zeremi 25:29

Bala, mam na n sɩnga toogã ne tẽng ning b sẽn boond mam yʋʋrã a pʋgẽ wã. La yãmb tẽedame tɩ b na n basa yãmb taal bɩ? B ka na n bas-y taal ye, mam sẽn na n kɩt tɩ zabr zĩnd dũniyã nebã fãa zugã yĩnga. Maam a Saasẽ-Pãng-Soabã n yeele.»

Zeremi 36:7

Daarninga, b se-yõkrã na n taa Sẽn-Ka-Saab taoore, la b na n basa b manesem-wẽnsã. Bala, Sẽn-Ka-Saab sũ-yikrã ne b sũ-puugrã yaa kãseng nin-kãensã yĩnga.»

Zeremi 37:20

M dĩm la m soaala, m kotame tɩ y kelg maam moasã, n deeg m se-yõkrã. Ra kɩt-y tɩ b leb n tall maam n tɩ kẽes seb-gʋlsd a Zonatã roogẽ wã, tɩ m wa pa be n ki ye!»

Ezekiyɛl 36:22

Bõn-kãng yĩnga, yeel Israyɛll buudã tɩ maam a Zu-soab a Sẽn-Ka-Saab yetame: «Israyɛll buudu, ka yãmb yĩng la mam sẽn maan a woto wã ye. Yaa mam yʋʋrã sẽn welg toorã yĩnga, yʋʋr ning yãmb sẽn dag n sãam buud nins fãa yãmb sẽn dag n be b sʋkã yĩnga.

Ezekiyɛl 36:32

Bãng-y tɩ ka yãmb yĩng la mam sẽn maand a woto wã ye. Israyɛll buudu, zoe-y yãnde, la bɩ y manesmã yãnd yõk-yã! Maam a Zu-soab a Sẽn-Ka-Saab n yeele.

A Dãniyɛlle 9:7

Zu-soaba, yãmb yaa tɩrlem soaba, la rũndã daarã, yãndã bee tõnd sẽn yaa Zʋʋda ne Zeruzalɛm nebã zugu, la Israyɛll gillã fãa neb zugu. Yaa sẽn pẽ-ba, la sẽn zãr-bã. Bãmb bee tẽms nins yãmb sẽn dag n dig-b tɩ b kẽngã pʋse, b sẽn kɩɩs yãmbã yĩnga.

Sõadga 6:27

Dẽ, bãmb sã n wa n pʋd mam yʋʋrã Israyɛll nebã zugu, mam na n ning-b-la barka!

1 Korẽnt rãmba 1:2

n na n tʋm Wẽnnaam tẽedbã sẽn be Korẽntã. Bãmb yaa neb sẽn welg toor Kiris maasem yĩnga, tɩ b tõe n yɩ pʋ-peelem dãmba. Sebrã yaa neb nins fãa sẽn pʋʋsd ne tõnd Zu-soab a Zeezi Kiris yʋʋre, baa b sẽn be zĩig ninga yĩnga. A Zeezi Kiris yaa bãmb Zu-soaba, la tõnd me Zu-soaba.