A Dãniyɛlle 9:15 - WẼNNAAM SEBRE 2014

¹⁵ La moasã, Sẽn-Ka-Saab sẽn yaa tõnd Wẽnnaam, yaa yãmb n yiis y nebã Ezɩpt tẽngã ne y nugã sẽn tar pãngã, tɩ yãmb yʋʋrã yi hal tɩ ta rũndã. La tõnd kongame, tõnd beega yãmba.

A Dãniyɛlle 9:15 Iomraidhean Croise

1 Rĩm-dãmbã 8:51

Bala, Israyɛll nebã yaa yãmb nebã, n yaa yãmb pʋɩɩre. Bãmb dag n bee kut wʋng pʋg Ezɩpt tẽnga, tɩ yãmb fãag-ba.

2 Rĩm-dãmba 21:15

Bala, bãmb maana sẽn yaa wẽng n beeg maam. Bãmb kɩɩsa maam hal sẽn sɩng ne daar ning bãmb ba-rãmbã sẽn yi Ezɩpt tẽngã tɩ ta rũndã.› »

2 Kibayã 6:37

bãmb sã n zĩnd b yembdã tẽng pʋgẽ, n tags n tek yam n kos sugri, n yõk yãmb sɛɛg n yeele: «Tõnd beegame, tõnd maana sẽn ka zemse, tõnd yaa bɛɛgdba!»

A Neemi 1:10

Zu-soaba, bãmb yaa yãmb tʋmtʋmdba, la b yaa yãmb nebã. Yaa bãmb la yãmb sẽn fãag ne y pãn-kãsengã, la yaa ne y nug sẽn tar pãngã la y fãag-ba.

A Neemi 1:6

Mam kot-y lame tɩ y kɩll y tʋbr n kelg-ma, la y puk y nin n ges-ma, la y wʋm m pʋʋsgã m sẽn pʋʋsd yãmbã, bala, mam yaa y tʋmtʋmda. Mam bee yãmb taoor dũndã n pʋʋsd yãmb wĩndg la yʋngo, Israyɛll nebã sẽn yaa yãmb tʋmtʋmdbã yĩnga. Mam vẽnegd n togsda yãmb tõnd Israyɛll nebã yel-wẽnã tõnd sẽn maan n beeg yãmbã. Yaa sɩda, maam ne m buudã kongame.

A Neemi 9:10

Yãmb maana bãna, la bõn-yɛɛsds n sɩbg Ezɩpt rĩm a Faarõ, la y sɩbg neb nins sẽn dag n be ne yẽnda wã, ne a tẽngã nebã fãa. Bala, yãmb dag n miime tɩ b wukda b mens n namsd tõnd yaab-rãmbã, la yãmb kɩtame tɩ y yʋʋrã yi, wa a sẽn ket n yaa to-to rũndã wã.

Yɩɩn‑sõamyã 106:8

La Sẽn-Ka-Saab baas n fãaga bãmba, b mengã yʋʋr waoogr yĩnga, tɩ nebã tõe n yãnd bãmb pãngã.

Yikri 13:14

Dẽ, yãmb kambã sã n wa sok yãmb nindaar n dat n bãng bõn-kãng võore, bɩ y yeel-ba: Yaa ne nug sẽn tar pãng la Sẽn-Ka-Saab yiis tõnd Ezɩpt yembdã pʋgẽ.

Yikri 13:16

Bõn-kãng na n yɩɩ bãnd yãmb nusẽ, la a wa bãnd sẽn loe yãmb dĩirẽ. Bala, yaa ne nug sẽn tar pãng la Sẽn-Ka-Saab yiis tõnd Ezɩpt soolem pʋgẽ.»

Yikri 13:3

Dẽ, a Moyiis yeela nebã yaa: «Tẽeg-y daar ning yãmb sẽn yi Ezɩptã, daar ning yãmb sẽn yi yembd pʋgẽ wã yelle. Bala, yaa ne Sẽn-Ka-Saab nug sẽn tar pãngã la b yiis yãmb beenẽ. Bɩ ned da rɩ bũmb sẽn ning rã-bɩll ye.

Yikri 13:9

Bõn-kãng na n yɩɩ bãnd yãmb nusẽ, la a yɩ bãnd yãmb rĩirẽ, n yaa tẽegr yãmb yĩnga, tɩ yãmb tõe n togsd Sẽn-Ka-Saab tõogã. Bala, yaa ne nug sẽn tar pãng la Sẽn-Ka-Saab yiis yãmb Ezɩpt tẽnga.

Yikri 14:18

La mam sã n paam waoogr Faarõ ne a saar-dãmbã la a wed-rʋʋdbã fãa yĩnga, Ezɩpt rãmbã na bãng tɩ mam yaa Sẽn-Ka-Saabo.»

Yikri 32:11

La a Moyiis baoome n na n sigs Sẽn-Ka-Saab sẽn yaa yẽnda Wẽnnaamã sũuri. Yẽnda soka bãmb yaa: «Sẽn-Ka-Saabo, yaa bõe tɩ yãmb sũur kãbd wʋsg ne yãmb nebã yãmb sẽn yiis Ezɩpt ne pãn-kãsenga, la ne nug sẽn tar pãngã?

Yikri 6:1

Sẽn-Ka-Saab yeela a Moyiis yaa: «Moasã, fo na n yãnda bũmb ning mam sẽn na n maan Faarõ. Yaa nug sẽn tar pãng n na n kɩt tɩ yẽnda bas nebã tɩ b looge. N-yẽe, nug sẽn tar pãng n na n kɩt tɩ Faarõ rig bãmb tɩ b yi n bas a tẽngã.»

Yikri 6:6

Dẽ yĩnga, bɩ f yeel Israyɛll nebã tɩ mam yaa Sẽn-Ka-Saabo, la m na n yiisa Israyɛll nebã tʋʋm-wɛgl nins Ezɩpt nebã sẽn modg bãmb tɩ b maanã pʋgẽ. La mam na n fãaga bãmb n yiis-b yembd ning pʋg Ezɩpt nebã sẽn kẽes bãmbã. Yaa kang sẽn tar pãng la mam na n tẽeg n fãag yãmba. La mam na n sɩbga bãmb ne sɩbgr sẽn yaa kãseng n fãag yãmba.

Yikri 9:16

La mam basa foom tɩ f vɩɩmde, sẽn na n yɩlẽ tɩ fo yãnd mam pãngã, la tɩ mam yʋʋr saag dũniyã fãa pʋgẽ.

A Ezayi 55:13

Gõosã zĩig na n lebga sɩprɛs tɩɩs zĩiga, la mirt tɩɩs na n deega mood zĩiga. A na n yɩɩ Sẽn-Ka-Saab yʋʋrã zẽkr yĩnga, la a na n yɩɩ bãnd sẽn paad wakat sẽn ka sɛta, la a kõn tol n menem ye.

A Ezayi 64:4

Yãmb dag n kẽnd n segda soab ning sẽn tar sũ-noog n kẽnd wa sẽn zems tɩrlmã, yãmb segda neb nins sẽn tẽr yãmb soayã yellã, yãmb yaa soab ning sẽn fãagd tõnd wakat fãa. La yãmb sũurã yika tõnd sẽn maan yel-wẽnã yĩnga.

Zeremi 14:20

Sẽn-Ka-Saabo, d miime tɩ d maana sẽn ka neere, d deegame tɩ d ba-rãmbã kongame. Tõnd fãa beega yãmba.

Zeremi 32:10

Mam gʋlsa raab kaset sebre, n pag-a n ning m nug-tikr bãnd a zugu. Mam baoo neb tɩ b wa yɩ kaset dãmba, la m mak ligdã ne zɩslem makdga.

Kʋʋr yɩɩla 3:42

Tõndo, tõnd wegmame n kɩɩs yãmba, la yãmb ka kõ tõnd sugr ye.

Ezekiyɛl 5:6

La yẽnda kɩɩsa mam noyã ne m no-tũudsã. Yẽnda tʋʋm-wẽnsã yɩɩga tẽms a taabã sẽn gũbg yẽnda wã, bala, bãmb basa mam noyã ne m no-tũudsã.

A Dãniyɛlle 9:5

Tõnd kongame, tõnd beegame, d yɩɩ nin-wẽnse la kɩɩsdba, la tõnd wẽnemdame n bas yãmb tõodã ne y noyã.

A Luk Sõng 15:21

Biigã yeela a ba wã yaa: «M ba, mam beega Wẽnnaam la m beeg yãmba. Mam ka leb n zems tɩ b bool maam tɩ y biig ye.»

A Luk Sõng 18:13

Yaood-dɛɛgdã yalsa yɩɩga, n pʋs n ka saagd n na n doog a neng yĩngr ye. La a ra pĩisda a yãoog n yetẽ: «Mam Wẽnnaam! Zoe-y mam nimbãaneg tɩ m yaa yel-wẽn-maanda.»

2 Korẽnt rãmba 1:10

Yaa Wẽnnaam‑kãng n fãag tõndo, la b na fãag tõnd ne kũum a woto buudu. N‑ye tõnd tara tẽ-kãngã tɩ b na n leb n fãaga tõnd yɛsa.

Yaoolem 5:15

Tẽeg-y tɩ yãmb me rag n yaa yembs Ezɩpt tẽnga. La Sẽn-Ka-Saab sẽn yaa yãmb Wẽnnaamã zẽka b nug sẽn tar pãngã n yiis yãmb beenẽ. Yaa rẽ n kɩt tɩ Sẽn-Ka-Saab sẽn yaa yãmb Wẽnnaamã yetẽ tɩ yãmb maan vʋʋsg daare.