A Dãniyɛlle 9:14 - WẼNNAAM SEBRE 2014

¹⁴ Woto kɩtame tɩ Sẽn-Ka-Saab bas tɩ to-kãngã paam tõndo. Bala, Sẽn-Ka-Saab sẽn yaa tõnd Wẽnnaamã yaa tɩrlem soab b tʋʋmã fãa pʋse. La yaa tõnd n ka kelg bãmb koɛɛgã bala.

A Dãniyɛlle 9:14 Iomraidhean Croise

2 Kibayã 12:6

Dẽ, Israyɛll nanambsã ne rĩma sika b mense, la b yeelame: «Sẽn-Ka-Saab yaa tɩrlem soaba!»

Esdras 9:15

Sẽn-Ka-Saab sẽn yaa Israyɛll Wẽnnaam, yãmb yaa tɩrga, bala, tõnd neb kẽer põsame n ket n vɩ. Yaa rẽ n kɩt tɩ yaa a woto rũndã. Dẽ wã, baa tõnd sẽn yaa yel-wẽn-dãmbã, baa ne tõnd ned ba a yembr sẽn dag n ka tog n põsã, tõnd bee yãmb taoore.»

A Neemi 9:33

Yell ning fãa sẽn paam tõndã, wilgdame tɩ yãmb yaa sɩd soaba, bala, yãmb wilgame tɩ y yaa sɩd soaba, la yaa tõnd n maan wẽnem.

Yɩɩn‑sõamyã 111:7

Bãmb nug tʋʋmã yaa sɩd la tɩrse. Bãmb no-tũudsã zemsa teegre.

Yɩɩn‑sõamyã 116:5

Sẽn-Ka-Saab yaa sõmblem soaba, la tɩrlem soaba. Tõnd Wẽnnaamã yaa nimbãan-zoɛta.

Yɩɩn‑sõamyã 119:137

Sẽn-Ka-Saabo, yãmb yaa tɩrga, la yãmb bʋ-kaoorã yaa tɩrga.

Yɩɩn‑sõamyã 51:14

Kɩt-y tɩ m leb n paam sũ-noog ning y fãagrã sẽn kõtã, bɩ y tebl maam ne yam-yãk-sõng sɩɩgã!

Yikri 9:27

Dẽ, Faarõ kɩtame tɩ b bool a Moyiis ne a Aarõ, la a yeel-b lame yaa: «So-kãngã, mam beegame. Sẽn-Ka-Saab yaa tɩrga, la yaa maam ne m nebã n konge.

Zeremi 12:1

Sẽn-Ka-Saabo, yãmb yaa tɩrg wʋsg ne m wa yet tɩ m tara yell ne yãmba. La baoosgo, mam dat n goma ne yãmb tɩrlem bʋ-kaoor yelle. Yaa bõe tɩ nin-wẽns paamd tõogre, tɩ sẽn zãmbd-b yãmbã me zĩ bãane?

Zeremi 31:28

Mam sẽn dag n gũus bãmb n võ-b la m pãb-b n wã, la m sãam-b la m menes-bã, n kɩt tɩ toog paam-bã, woto me, mam na n gũus-b lame, n lebs n me-b la m sel-ba. Maam a Sẽn-Ka-Saab n yeele.»

Zeremi 4:17

B na n gũbga Zeruzalɛm wa gũudb sẽn gũbg pʋʋgo, b sẽn kɩɩs maam a Sẽn-Ka-Saab yĩnga. Maam a Sẽn-Ka-Saab n yeele.

Zeremi 44:27

Mam na n gũusa bãmba, la ka b manegr yĩng ye. Yaa sẽn na n yɩlẽ tɩ toog paam-ba. Zabr sʋʋg ne kom na n kʋʋ Zʋʋda neb nins fãa sẽn be Ezɩptã, hal n sãam-b zãnga.

Kʋʋr yɩɩla 1:5

Yẽnda bɛɛbã tõog-a lame, a bɛɛba zĩi ne yam-gãnega. Bala, Sẽn-Ka-Saab kõo yẽnda sũ-sãanga, a beegrã sẽn yaa wʋsgã yĩnga, la bɛyã yiisa yẽnda kom-bãoonegã n kẽes yembd pʋga.

Ezekiyɛl 16:43

Fo sẽn ka tẽeg bũmb nins mam sẽn dag n maan f yĩng f yãadem wakatã yĩnga, la fo sẽn maan bõn-kãens fãa n yik m sũurã yĩnga, beneere, mam na n kɩtame tɩ f yel-manesmã taal lebg n lʋɩ f zugu. Maam a Zu-soab a Sẽn-Ka-Saab n yeele. Dẽ yĩnga, fo ka maan yoob n paas f yel-beed a taabã fãa sɩda?»

A Dãniyɛlle 4:34

Moasã, maam a Nebukatnedzaar pẽgda saasẽ dĩm-kãsengã, la m waoogd-ba, n balemd-ba. Bãmb tʋʋmã fãa yaa sɩda, la b soayã yaa tɩrse. Yaa bãmb bal n tõe n sik wuk-m-mens rãmbã.»

A Dãniyɛlle 9:7

Zu-soaba, yãmb yaa tɩrlem soaba, la rũndã daarã, yãndã bee tõnd sẽn yaa Zʋʋda ne Zeruzalɛm nebã zugu, la Israyɛll gillã fãa neb zugu. Yaa sẽn pẽ-ba, la sẽn zãr-bã. Bãmb bee tẽms nins yãmb sẽn dag n dig-b tɩ b kẽngã pʋse, b sẽn kɩɩs yãmbã yĩnga.