A Dãniyɛlle 9:13 - WẼNNAAM SEBRE 2014

¹³ Tõ-kãensã fãa paama tõnd wa sẽn gʋls Wẽnnaam tʋmtʋmd a Moyiis tõodã sebr pʋgẽ wã, la tõnd ka kos Sẽn-Ka-Saab tɩ b sik sũur ne-d ye. Tõnd ka wẽnemd n bas d yel-wẽnã, n tẽ tɩ yãmb sɩd na n maana wa y sẽn yeelã ye.

A Dãniyɛlle 9:13 Iomraidhean Croise

2 Rĩm-dãmba 22:16

Maam a Sẽn-Ka-Saab yetame: Mam na n kɩtame tɩ toog paam tẽn-kãngã ne a nebã, wa sẽn zems goam nins fãa sẽn gʋls sebrã pʋgẽ tɩ Zʋʋda rĩmã karem n yãndã wã.

A. Zoobe 36:13

Nin-wẽnsã sũy yikdame. Baa b sã n sɩbg bãmba, b ka pʋʋsd Wẽnnaam tɩ b sõng-b ye.

Yɩɩn‑sõamyã 119:18

Puk-y m ninã tɩ m tõe n yã yãmb tõogã bõn-bãnã!

Yɩɩn‑sõamyã 119:27

Sõng-y-m tɩ m wʋm yãmb no-tũudsã võore, tɩ m tõe n tags y bõn-bãnã yelle!

Yɩɩn‑sõamyã 119:73

Yaa yãmb nus n naan maam, n kõt maam pãnga. Kõ-y maam yam tɩ m zãms yãmb tõodã.

Yɩɩn‑sõamyã 85:4

Yãmb basa y sũ-puugrã fãa tɩ sɛ, yãmb lebg n sika y sũuri.

A Ezayi 31:1

Toog bee neb nins sẽn kẽnd Ezɩpt n baood sõngrã zutu. Bãmb dɩka b teegrã n teeg wiidi, b teega b saar-dãmba sẽn yaa wʋsgã, la b teeg b wed-rʋʋdbã sẽn tar pãngã, n ka wẽnemded n get Israyɛll Pʋ-Peelem-Soabã, la b ka baood Sẽn-Ka-Saab ye!

A Ezayi 42:9

Bũmb nins sẽn zĩnd pĩndã loogame, moasã, mam togsda yãmb yel-paala, la mam wilgd-b-la yãmb tɩ b nan ka wa ye.»

A Ezayi 43:22

Sẽn-Ka-Saab yetame: A Zakoob yagense, ka maam la yãmb sẽn boolã ye! Israyɛll nebã, yãmb yam yii ne maam!

A Ezayi 64:6

Ned ba a yembr ka leb n boond yãmb yʋʋrã ye, ned ka be n yẽegd a meng n baood yãmb ye. Bala, yãmb wẽnemd n basa tõndo, la yãmb basa tõnd tɩ d boog d kongrã yĩnga.

A Ezayi 64:7

Ne rẽndã fãa, yãmb yaa tõnd ba. Tõnd yaa yagdo, la yãmb n yaa tõnd yagbã. Tõnd fãa yaa yãmb nus tʋʋma.

A Ezayi 9:13

Dẽ, daar a yembr pʋgẽ, Sẽn-Ka-Saab na n fiuuga Israyɛll zugã, la b kʋʋg a zʋʋrã, b na n kʋʋga koangã willi, la b kʋʋg tãnwiigã.

Zeremi 2:30

Mam sẽn sɩbg yãmb kambã yaa zaalem bala. Yãmb ka sak n tũ m demsgã ye. Yãmb kʋʋ no-rɛɛsdb nins mam sẽn dag n tʋm yãmb nengẽ wã, wa gɩgem-toaag sẽn kʋʋd to-to wã.

Zeremi 30:14

Neb nins fãa sẽn dag n nong yãmbã yĩma y yelle, n ka leb n baood y zĩig ye. Bala, mam wẽe yãmb wa bɛ sẽn wẽed to-to wã. Mam sɩbga yãmb sɩbg-toaaga, yãmb kongrã sẽn waoogã yĩnga, yãmb yel-wẽnã sẽn yaa wʋsgã yĩnga.

Zeremi 31:18

Mam wʋmda Efrayiim buudã sẽn yẽgemd n yetẽ: Yãmb demsa tõndo, la d saka remsgã wa nag-bil sẽn ka yã wõrbo. Tall-y tõnd n lebg n wa, la d na n sak n waame. Bala, yãmb yaa Sẽn-Ka-Saab sẽn yaa tõnd Wẽnnaam.

Zeremi 44:23

Yãmb sẽn yõog wisdã yĩnga, la y sẽn maan yel-wẽn n beeg Sẽn-Ka-Saabã yĩnga, la yãmb sẽn ka kelg Sẽn-Ka-Saabã yĩnga, la y sẽn ka sak n tũ bãmb tõogã ne b noyã la b tʋlsmã yĩng n kɩte, tɩ toog a woto paam-yã, la rẽ me n kɩt tɩ ket n yaa a woto hal tɩ ta rũndã wã.»

Zeremi 44:27

Mam na n gũusa bãmba, la ka b manegr yĩng ye. Yaa sẽn na n yɩlẽ tɩ toog paam-ba. Zabr sʋʋg ne kom na n kʋʋ Zʋʋda neb nins fãa sẽn be Ezɩptã, hal n sãam-b zãnga.

Zeremi 5:3

Sẽn-Ka-Saabo, rẽ yĩnga, ka pʋ-peelem dãmb la yãmb baood sɩda? Yãmb wẽ-b lame la ka zab bãmb ye. Yãmb dag n dat n sãam-b lame, la b ka sak n deeg remsg ye. Bãmb kenga b nens n yɩɩg pĩig kugri. Bãmb ka sak n na n lebg n wa yãmb nengẽ ye.

Kʋʋr yɩɩla 5:21

Sẽn-Ka-Saabo, bɩ y wẽnemd tõnd neng n tees yãmba, la tõnd na leb n wa yãmb nengẽ. Leb-y n kõ-y tõnd dasem nins sẽn yaa wa kʋdem-wẽndẽ dẽnda.

Ezekiyɛl 16:43

Fo sẽn ka tẽeg bũmb nins mam sẽn dag n maan f yĩng f yãadem wakatã yĩnga, la fo sẽn maan bõn-kãens fãa n yik m sũurã yĩnga, beneere, mam na n kɩtame tɩ f yel-manesmã taal lebg n lʋɩ f zugu. Maam a Zu-soab a Sẽn-Ka-Saab n yeele. Dẽ yĩnga, fo ka maan yoob n paas f yel-beed a taabã fãa sɩda?»

A Dãniyɛlle 9:11

Israyɛll nebã fãa kɩɩsa yãmb a Wẽnnaam tõogã, la b wẽnemdame n ka kelg yãmb koɛɛgã ye. Rẽ kɩtame tɩ kãab-wẽng ning b sẽn gʋls a Moyiis sẽn yaa yãmb tʋmtʋmdã tõod sebr pʋgẽ wã paam tõndo, tõnd sẽn beeg yãmbã yĩnga.

A Ooze 7:10

Israyɛll nebã tɩtaamã kaooda b bʋʋdo, bãmb ka wa lebg n wa Sẽn-Ka-Saab sẽn yaa b Wẽnnaamã nengẽ ye. La ne rẽ fãa, bãmb ka baood Sẽn-Ka-Saab ye.

A Ooze 7:14

Bãmb ka kelemd n boond maam ne sɩd ye. Bãmb bee b gãagẽ n wiisdẽ Bãmb wãada b mense, n tẽed tɩ b na n paama bõn-koaadl ne divẽ, la b zãagda b mens ne maam.

A Ooze 7:7

Bãmb fãa wɩnga wa wʋnga. Bãmb kʋʋda b nanambsã, bãmb dĩm-dãmbã fãa lʋɩtame, la bãmb ned ba a yembr ka boond maam ye.

A Luk Sõng 24:45

Dẽ, a Zeezi vẽnega b yamã tɩ b tõog n wʋm Wẽnnaam gʋls sõamyã võore.

A Zã Sõng 10:35

Sã n yaa tɩ tõogã boola Wẽnnaam sẽn gom ne neb ninsã tɩ wẽnnaam-dãmba (tõnd miime tɩ ned ka tõe n sãam Wẽnnaam gʋls-sõngã ye),

A Zã Sõng 6:45

A Gʋlsa Wẽnnaam no-rɛɛsdbã sɛbẽ tɩ: «B fãa na n deega zãmsg Wẽnnaam nengẽ.» Ned ning fãa sẽn wʋm m ba koɛɛg la a reeg bãmb zãmsgã wata mam nengẽ.

A Zã Sõng 8:32

Yãmb na bãng sɩdã, la sɩdã na kɩt tɩ yãmb lebg burkĩmba.

Efɛɛz Rãmba 4:21

sã n yaa tɩ yãmb wʋma bãmb yelle, la y paam zãmsg bãmb pʋgẽ, n zems ne sɩd ning sẽn be a Zeezi pʋgẽ wã. Sɩdã võor yaa tɩ yãmb bas y tʋʋm kʋdã sẽn yaa nin-kʋdgã rẽndã, nin-kʋdg ning sẽn dẽgemd a meng nana, ratem wẽngã sẽn tudgd nedã yĩnga,

Yaoolem 29:4

Mam talla yãmb we-raoogã pʋgẽ yʋʋm pis-naase, la fut nins yãmb sẽn dag n yerã ne neoodã nins yãmb sẽn pidã ka ki ye.

Zake 1:5

Yam sã n paoog yãmb ned a yembre, bɩ a kos Wẽnnaam sẽn kõt nebã fãa ne yamleoog n ka lengdẽ wã, la b na kõ-a yamã.