A Dãniyɛlle 9:11 - WẼNNAAM SEBRE 2014

¹¹ Israyɛll nebã fãa kɩɩsa yãmb a Wẽnnaam tõogã, la b wẽnemdame n ka kelg yãmb koɛɛgã ye. Rẽ kɩtame tɩ kãab-wẽng ning b sẽn gʋls a Moyiis sẽn yaa yãmb tʋmtʋmdã tõod sebr pʋgẽ wã paam tõndo, tõnd sẽn beeg yãmbã yĩnga.

A Dãniyɛlle 9:11 Iomraidhean Croise

2 Rĩm-dãmba 18:12

Sẽn yɩ woto wã yaa tɩ Israyɛll nebã ka kelg Sẽn-Ka-Saab sẽn yaa bãmb Wẽnnaamã koɛɛg ye. Bãmb kɩɩsa kaoolã, la b ka kelg Sẽn-Ka-Saab tʋmtʋmd a Moyiis koɛɛgã, n maan bũmb nins fãa a sẽn yeelã ye.

2 Rĩm-dãmba 22:16

Maam a Sẽn-Ka-Saab yetame: Mam na n kɩtame tɩ toog paam tẽn-kãngã ne a nebã, wa sẽn zems goam nins fãa sẽn gʋls sebrã pʋgẽ tɩ Zʋʋda rĩmã karem n yãndã wã.

A Ezayi 1:3

Naaf mi a soaala, la bõang mii zĩig ning yẽnda soaalã sẽn ningd yẽnda rɩɩbã. La Israyɛll ka mi baa fɩ ye, mam nebã yaa tʋb-pa-wʋmdba.

A Ezayi 43:28

Dẽ, mam kɩtame tɩ y zĩ-sõngẽ nanambsã lebg bõn-dẽgdo. Mam basame tɩ kãab-wẽng paam a Zakoob yagensã, la m bas tɩ Israyɛll nebã paam tʋʋsgo.

Zeremi 16:11

Dẽ, bɩ f leok bãmb tɩ maam a Sẽn-Ka-Saab yetame: «Yaa yãmb yaab-rãmbã sẽn bas maam la b kɩɩs mam zãmsgã, n yaool n tũ bu-zẽms wẽnnaam-dãmb n wõgemd n waoog-bã yĩnga.

Zeremi 2:29

Maam a Sẽn-Ka-Saab sokdame: «Yãmb zabda ne maam bõe poore? Yãmb fãa zãgsa maam.

Zeremi 30:14

Neb nins fãa sẽn dag n nong yãmbã yĩma y yelle, n ka leb n baood y zĩig ye. Bala, mam wẽe yãmb wa bɛ sẽn wẽed to-to wã. Mam sɩbga yãmb sɩbg-toaaga, yãmb kongrã sẽn waoogã yĩnga, yãmb yel-wẽnã sẽn yaa wʋsgã yĩnga.

Zeremi 32:23

Bãmb kẽe tẽn-kãng n deeg-a n sooge, la b yaool n ka kelg yãmb koɛɛgã ye. Bãmb ka sak n tũ yãmb tõodã ye. B kɩɩsame n ka maan bũmb nins fãa yãmb sẽn dag n yeel-b tɩ b maanã ye. Yaa rẽ yĩng la y sẽn kɩt tɩ to-kãensã fãa paam-bã.

Zeremi 40:3

La b sɩd kɩtame t'a yɩ wa b sẽn dag n yeelã, yãmb sẽn beeg Sẽn-Ka-Saab n ka kelg bãmb noorã yĩnga. Bũmb ning b sẽn dag n yeelã n paam yãmba.

Zeremi 44:22

Sẽn-Ka-Saab yam dag n yii ne yãmb tʋʋm-wẽnsã ne yel-beed nins yãmb sẽn maanã. La yãmb tẽngã lebga raboogo, la zĩ-vɩʋʋgo, ne kãab-beedo, tɩ ned ba a yembr ka leb n be beenẽ ye. Yaa rẽ n kɩt t'a ya a woto hal tɩ ta rũndã.

Zeremi 44:23

Yãmb sẽn yõog wisdã yĩnga, la y sẽn maan yel-wẽn n beeg Sẽn-Ka-Saabã yĩnga, la yãmb sẽn ka kelg Sẽn-Ka-Saabã yĩnga, la y sẽn ka sak n tũ bãmb tõogã ne b noyã la b tʋlsmã yĩng n kɩte, tɩ toog a woto paam-yã, la rẽ me n kɩt tɩ ket n yaa a woto hal tɩ ta rũndã wã.»

Zeremi 6:19

Dũni rãmba, kelg-y-yã! Mam na n kɩtame tɩ toog paam nin-kãense. Na n yɩ b tags-wẽnsã biisi. Bala, bãmb ka kelg mam goamã ye. Bãmb zãgsa m tõodã.

A Dãniyɛlle 9:13

Tõ-kãensã fãa paama tõnd wa sẽn gʋls Wẽnnaam tʋmtʋmd a Moyiis tõodã sebr pʋgẽ wã, la tõnd ka kos Sẽn-Ka-Saab tɩ b sik sũur ne-d ye. Tõnd ka wẽnemd n bas d yel-wẽnã, n tẽ tɩ yãmb sɩd na n maana wa y sẽn yeelã ye.

A Dãniyɛlle 9:5

Tõnd kongame, tõnd beegame, d yɩɩ nin-wẽnse la kɩɩsdba, la tõnd wẽnemdame n bas yãmb tõodã ne y noyã.

Zakari 1:6

La ne rẽ fãa, goam nins la noy nins mam sẽn dag n kɩt tɩ mam tʋmtʋmdbã sẽn yaa no-rɛɛsdbã togsã, ka ta y yaab-rãmbã sɩda?» Bãmb lebg n waame n wa yeel yaa: «Saasẽ-Pãng-Soaba maana tõnd wa b sẽn dag n yãk yam n na n maanã, b maana tõnd wa sẽn zems d nao-kẽndrã ne d yel-manesmã.»

Zakari 7:12

Bãmb diglma b sũyã wa diyama, sẽn na n yɩl n da kelg tõogã ne goam nins Saasẽ-Pãng-Soabã Sɩɩgã sẽn tũnug kʋdem-wẽndẽ no-rɛɛsdbã n kõ bãmbã ye.» Dẽ, bõn-kãng yĩng kɩtame tɩ Saasẽ-Pãng-Soabã sũurã yiki.

Zakari 8:13

Dẽ, Zʋʋda buudu, Israyɛll buudu, yãmb sẽn dag n lebg kãab-wẽng bãnd bu-zẽmsã sʋk to-to wã, woto me, mam na n fãaga yãmba, la yãmb na n lebga buud sẽn tar barka. Da zoe-y rabeem ye, paam-y raoodo!»

Yaoolem 8:20

Yãmb na n menema wa buud nins Sẽn-Ka-Saab sẽn kɩt tɩ b menem yãmb taoorã. Bala, yãmb ka kelg Sẽn-Ka-Saab sẽn yaa yãmb Wẽnnaamã koɛɛg ye.