A Dãniyɛlle 8:13 - WẼNNAAM SEBRE 2014

¹³ La mam wʋma pʋ-peelem soab a yembr sẽn gomde, la pʋ-peelem soab a to yeela yẽnda yaa: «Vẽnegrã sẽn kẽed ne daar fãa maoongã wɛɛngẽ wã, ne tʋʋm-wẽnsã wɛɛngẽ wã, la zĩig sẽn welg toorã wɛɛngẽ wã, ne a sẽn tõog tãb-biisã n tabã na n kaoosame n ta dabʋr n yaool n pidsi?»

A Dãniyɛlle 8:13 Iomraidhean Croise

Yɩɩn‑sõamyã 74:10

Wẽnnaam, bɛyã na n tara tʋy tɩ ta dabʋre? Bɛyã na n paoogda yãmb yʋʋrã n ka basdẽ?

Yɩɩn‑sõamyã 74:9

Tõnd ka leb n yãt bõn-bãn ye. Wẽnnaam no-rɛɛs ka leb n beẽ ye, la tõnd ned ba a ye ka mi rẽ sẽn na n kaoos n ta daar ning ye.

Yɩɩn‑sõamyã 79:5

Sẽn-Ka-Saabo, yãmb sũurã na n kell n yikame tɩ ta rabʋre? Yãmb sũ-kãbrã na n dɩta wa bugum tɩ ta dabʋre?

A Ezayi 28:18

Yãmb sẽn maan kaool ning ne kũumã na n vaalame. Yãmb sẽn maan yẽsg ning ne kɩɩm-kulgã ka na n tõog ye. Sãoongã sẽn fõt n wat ne pãng wa ko-pɛmã sã n wa, a na n sãama yãmba.

A Ezayi 6:11

La mam sokame yaa: «Zu-soaba, na n yɩɩ a woto hal tɩ ta dabʋre?» Bãmb leoka maam yaa: Hal tɩ ta wakat ning b sẽn na n sãam tẽmsã tɩ neb ka leb n be b pʋsẽ, la b sẽn na n sãam dotã tɩ neb ka leb n be b pʋsẽ, la b sẽn na n sãam tẽn-gãongã t'a lebg zĩ-vɩʋʋgã,

A Ezayi 63:18

Yãmb nebã sẽn welg toor yãmb yĩngã sooga tẽngã wakat bilf yĩng bala, tõnd bɛɛbã taba yãmb zĩ-sõngã pʋga.

A Ezayi 9:6

Yẽnda naamã na n yalgame, yẽnda na n waa ne vɩ-bãan sẽn ka sɛta, a Davɩɩd naam geerã ne yẽnda soolmã yĩnga. Yẽnda na n paasa a soolmã pãnga, la a na n zã-a-la ne zemsgo la tɩrlem, sẽn sɩng ne moasã la wakat sẽn kõn sɛ yĩnga. Saasẽ-Pãng-Soabã nonglem-kãsengã n na n kɩt t'a yɩ a woto.

Zeremi 12:10

Rũm-kɩɩmb wʋsg tabda mam reezẽ pʋʋgã n sãamdẽ. Bãmb kɩtame tɩ pʋʋg ning mam sẽn nongã lebg we-raoogo, b kɩtame t'a lebg zĩ-vɩʋʋgo.

A Dãniyɛlle 11:31

Yẽnda na n tʋma tãb-bi-sul tɩ b kẽng zĩ-sõngã b sẽn leb n gũbgã, n tɩ maan bũmb sẽn kisi, n dẽgem-a la b gɩdg tɩ b ra leb n maan daar fãa maoongã n kõ Wẽnnaam ye. La bãmb na n lugla sãamdã bõn-naandgã tẽn-kugrã zugu.

A Dãniyɛlle 12:11

Hal sẽn sɩng wakat ning b sẽn na n gɩdg daar fãa maoongã maanegã, ne wakat ning b sẽn na n lugl sãamdã bõn-naandgã, na n yɩɩ rasem tusr la kobs-yi la pis-wɛ.

A Dãniyɛlle 12:8

Maam a Dãniyɛll wʋma goamã, la m ka wʋm a võor ye. La mam sokame: M soaala, yel-bãmbã na n sɛɛ dabʋre?

A Dãniyɛlle 4:10

La zãmsdã pʋga, mam dag n ket n getame, la ade, mam yãnda malɛɛk a yembr sẽn yaa gũuda, t'a yi yĩngr n sigi.

A Dãniyɛlle 4:13

B na n teka a yamã sẽn yaa ninsaal dẽndã tɩ lebg we-rũng yam. La yẽnda na n yɩ a woto hal tɩ ta yʋʋm a yopoe.

A Dãniyɛlle 4:23

B sẽn yeel tɩ b bas tɩɩgã viukã ne a yẽgã tẽngã pʋgẽ wã rat n yeelame tɩ wakat ning yãmb sẽn na n wa n bãng tɩ soab ning sẽn be-a saasẽ wã n so bũmb fãa wã, la b na n leb n lebs yãmb y naamã.

A Dãniyɛlle 7:16

La mam kolga neb nins sẽn dag n yas beenẽ wã ned a yembr n sok-a n na n bãng bõn-kãensã fãa võore. La yẽnda bilga maam vẽnegrã võor n yeel yaa:

A Dãniyɛlle 7:23

Nin-kãng goma ne maam n yeele: «Rũng a naasẽ soabã mamsda soolem a naasẽ soab sẽn na n wa n zĩnd dũniyã zugu. La soolem-kãng na n yɩɩ toor ne soolem a taabã. La a na n dɩɩ dũniyã gilli, n tab-a ne a nao n sãame.

A Dãniyɛlle 9:27

La yʋʋm a yopoe wã sẽn wat n dabd sɛɛbo, a na n maana weoogr kaool ne neb wʋsgo. La yʋʋm a tã la pʋɩ-sʋkã sã n ta, naabã na n kɩtame tɩ b bas maoongã maanego, ne kũunã kɩsgo. Sãamdã na n maana tʋʋm-wẽns hal tɩ loog nugu. La a na n maana woto, hal tɩ wakat ning b sẽn yãk n na n sãam-a wã wa ling-a.»

Zakari 14:5

La yãmb na n zoe n kẽe mam tãmsã longẽ, bala, mam tãmsã lond na n tɩ tãaga Atsalle. Yãmb na n zoee wa y yaab-rãmbã sẽn dag n zoe n na n põs tẽn-digimdgã, Zʋʋda rĩm a Oozɩyaas wakatã. Dẽ, Sẽn-Ka-Saab sẽn yaa mam Wẽnnaamã na n waame, la pʋ-peelem dãmbã fãa na n tũu bãmb n wa.

A Matiye Sõng 11:27

M ba ninga bũmb fãa mam nugẽ, la ned ba a yembr ka mi Bi-riblã ye, sã n ka ba wã bala. La ned ba a yembr ka mi ba wã, sã n ka Bi-riblã bala, la Bi-riblã sẽn dat vẽneg ba wã ne ned ninga.

A Matiye Sõng 24:15

Yaa woto yĩng tɩ yãmb sã n yãnd sãoong bõn-wẽngã Wẽnnaam no-rɛɛs a Dãniyɛll sẽn dag n gom a yellã sẽn be zĩ-sõngẽ wã, bɩ sẽn karemd-a wã gũusi,

A Mark Sõng 13:14

Yãmb sã n wa n yãnd ‹sãoong bõn-wẽngã› t'a be zĩig ning sẽn ka zems t'a beẽ wã (bɩ sẽn karemd-a wã wʋm a võor sõama) woto, bɩ neb nins sẽn be Zʋʋde soolmẽ wã zoe n dʋ tãmsã,

A Luk Sõng 10:22

M ba kõo maam bũmbã fãa, la ned baa a yembr ka mi Bi-riblã sẽn yaa a soaba, sã n ka a ba wã ye. La ned baa a yembr ka mi ba wã sẽn yaa a soaba, sã n ka Bi-riblã bala, la ned ning Bi-riblã sẽn dat n vẽneg bãmb ne-a wã ye.»

A Luk Sõng 21:20

Dẽ, yãmb sã n wa n yãnd sodaas sẽn gũbg Zeruzalɛm, bɩ y bãng t'a sãoongã kolgame.

A Luk Sõng 21:24

Zabr sʋʋg n na n kʋ bãmba, la b na n yõga bãmb n maan yembse, n tall n kẽng buudã fãa sʋka. La bu-zẽms na n sooga Zeruzalɛm ne pãng hal tɩ b wakatã pidi.

A Zã Sõng 1:18

Ned baa a yembr nan ka yã Wẽnnaam ye. Wẽnnaam sẽn yaa Bi-ribl‑yend sẽn ka to, n be ba a Wẽnnaam nengẽ wã n kɩt tɩ nebã bãng bãmba.

Yaoolem 33:2

A Moyiis yeelame: Sẽn-Ka-Saab yii Sinayi n wa. Bãmb waa Seyɩɩr wa sõ-pukri, n yãg Paarã tãngã zugu. Bãmb waa b nebã sʋk ne malɛgs tus-kẽemã. Bãmb tʋm-b-la b tõogã bugum ne b nug-rɩtgo.

1Tesalonik Rãmba 3:13

Woto, bɩ Wẽnnaam paas yãmb raoodo, tɩ y ra paam rõdb y sũyã pʋsẽ ye, la y zĩnd sõmblem tõnd ba a Wẽnnaam taoore, daar ning tõnd Zu-soab a Zeezi sẽn na n wa ne nin-sõamyã wã.

Ebre rãmba 10:29

La yãmb ka tagsd tɩ ned sã n tab Wẽnnaam Bi-riblã ne a naoã, la a ges kaoolã zɩɩm ning sẽn kɩt tɩ yẽ lebg toor Wẽnnaam yĩngã wa bõn-zaalga, la a paoog Sɩɩg ning sẽn wat ne sugrã, a na n paama sɩbgr sẽn yaa toog n yɩɩd sɩda?

1 Pɩyɛɛr 1:12

La Wẽnnaam vẽnega b no-rɛɛsdbã tɩ b bãng tɩ bãmb sẽn deeg koɛɛg ningã ka bãmb mens yĩng ye, la yaa yãmb yĩnga la b ya bõn-kãens tʋmtʋmdba. Moasã, neb nins sẽn moon yãmb koe-noogã togsa yãmb bõn-kãens ne Sɩɩg-sõng sẽn yi arzãnã pãnga, la baa malegsã mens datẽ lame n wʋm a võore.

A Zʋʋde 1:14

A Henok sẽn yaa yãmb yaab a yopoe soab sẽn sɩng ne a Ãdma, togsa bãngr goam bãmb yĩng me n yeel yaa: «Ade, Zu-soabã waa ne b nin-sõamyã kʋʋng-kʋʋngo,

Vẽnegre 11:2

La f bas Wẽnnaam doogã samandã kɛɛng n da mak-a ye, tɩ bala, b kõ-a-la bu-zẽmsã, la bãmb na n taba tẽn-sõngã kiis pis-naas la a yiibu.

Vẽnegre 6:10

Bãmb zẽka b koees ne pãng n yeel yaa: «Zu-soben-sõng la sɩd soaba, yãmb na n gũume hal tɩ ta dabʋr tɩ y yaool n kao dũniyã nebã bʋʋdo, la y rok y sũur tõnd zɩɩmã raagr yĩnga?»

Bʋ-kaoodba 13:18

Sẽn-Ka-Saab malɛɛkã leoka yẽnda yaa: «Bõe yĩng tɩ fo baood n bãng mam yʋʋre? Mam yʋʋrã yaa yel-solemde.»