A Dãniyɛlle 8:11 - WẼNNAAM SEBRE 2014

¹¹ Yẽnda tol n zẽkame n tãag tãb-biisã Naabã, a rẽgma maoong ning sẽn maand daar fãa wã maanego, ne a zĩ-sõngã.

A Dãniyɛlle 8:11 Iomraidhean Croise

A Ezayi 37:23

Yaa ãnda la fo sẽn tʋʋs la f paoogã? Yaa ne ãnda la fo sẽn zẽk f koɛɛgã? Fo zẽka f neng yĩngr n zabd ne Israyɛll Pʋ-Peelem-Soabã!

A Ezayi 37:29

Bala, fo yika f sũur ne maam, la fo wuk-m-men-goamã zẽk n taa mam tʋbẽ, mam na n dɩka m bãngã n sog fo yõorã, la m ning fo noorã salbre, n kɩt tɩ f lebg n tũ sor ning fo sẽn tũ n wa wã n lebe.› »

Zeremi 48:26

Yũnug-y-yã-a t'a tɩge, bala, yẽnda yik n zabda ne Sẽn-Ka-Saabo! Kɩt-y tɩ Moaab bilim a wʋbdẽ wã, tɩ nebã yaal yẽnda me!

Zeremi 48:42

Moaab na n sãamame, a ka na n leb n zĩnd n yɩ buud ye. Bala, a wuka a meng ne Sẽn-Ka-Saabo.

Ezekiyɛl 46:14

Yibeoog fãa, fo na n waa ne bõn-koaadl kũuni, n paas ne zom wamde, la kaam wũmbla sẽn na n nag zomã. Yaa kũun Sẽn-Ka-Saab yĩnga. Tõ-kãng yaa wakat fãa yĩnga.

A Dãniyɛlle 11:22

Tãb-bi-kʋʋng na n yikame n fõt n wat n na n zab ne yẽnda, la yẽnda na n sãam-b lame, la a tol n kʋ kaoolã nebã taoor soaba.

A Dãniyɛlle 11:31

Yẽnda na n tʋma tãb-bi-sul tɩ b kẽng zĩ-sõngã b sẽn leb n gũbgã, n tɩ maan bũmb sẽn kisi, n dẽgem-a la b gɩdg tɩ b ra leb n maan daar fãa maoongã n kõ Wẽnnaam ye. La bãmb na n lugla sãamdã bõn-naandgã tẽn-kugrã zugu.

A Dãniyɛlle 12:11

Hal sẽn sɩng wakat ning b sẽn na n gɩdg daar fãa maoongã maanegã, ne wakat ning b sẽn na n lugl sãamdã bõn-naandgã, na n yɩɩ rasem tusr la kobs-yi la pis-wɛ.

A Dãniyɛlle 5:23

Yãmb zẽka y meng n kɩɩs Zu-soabã sẽn be saasẽ wã. Yãmb kɩtame tɩ b tall Zu-soabã roogã laasã n wa kõ yãmba, tɩ yãmb ne y nin-kãsemsã, la y pagbã, ne y pʋg-rɩkdsã tall-b n yũ reezẽ rãam. Yãmb waooga y wẽn-naandsã sẽn maan ne wanzuri, la sãnem, la zũudu, ne kutu, la raad ne kugã. Bãmb yaa wẽnnaam-dãmb sẽn ka ne, la b ka wʋmde, la b ka tar bãngr ye. Yãmb ka waoog Wẽnnaam ning sẽn so-a yãmb vɩɩmã, ne bũmb nins fãa yãmb sẽn maandã ye.

A Dãniyɛlle 7:25

Yẽnda na n goma goam sẽn paoogd Wẽnnaam Sẽn-Ka-To, la a na n namsa Wẽnnaam Sẽn-Ka-To nin-sõamyã. A na n makame n na n tek wakatã, la a tek Wẽnnaam nebã wẽn-tũudmã tõodã. La b na n basame t'a soog nin-sõamyã yʋʋm a tãab la pʋɩ-sʋka.

A Dãniyɛlle 8:12

Yɩɩn-bilã tʋʋm-wẽnsã yĩnga, n tõog n soog saasẽ tãb-biisã ne maoong ning sẽn tog n maan daar fãa wã. Yɩɩn-bilã loba sɩdã tẽnga, n paama tõogr a tʋʋmã fãa pʋga.

A Dãniyɛlle 8:24

Rĩm-kãng pãngã na n tara paasgo, la ka na n yɩ ne a meng pãng ye. Yẽnda na n waa ne sãoong-kãsenga, la a na n paama tõogr bũmb ning fãa a sẽn maandã pʋgẽ, la a na n sãama pãens rãmba, ne Wẽnnaam pʋ-peelem dãmbã.

A Dãniyɛlle 8:25

La a sɩlmã yĩnga, a na n tõog n tudga neb a taabã, la a na n wuka a meng a sũur pʋgẽ, la a na n sãama neb wʋsg sẽn dag n vɩ ne bãane, la a na n yik n zaba ne nanambs naabã. La yẽnda na n sãamame tɩ ka tũ ne ned nug ye.

A Dãniyɛlle 9:25

Dẽ wã, bɩ f bãng bõn-kãngã, la f wʋm a võore: Sẽn sɩng ne daar ning b sẽn togs koɛɛgã n yeel tɩ b lebs n me Zeruzalɛmã, hal tɩ ta Wẽnnaam nin-tũusdgã zamaanẽ, yaa yʋʋm a yopoe naoor a yopoe. La yʋʋm a yopoe naoor pis-yoob la a yiibã wakate, b na n lebs n mee Zeruzalɛm zĩisã, la b lebs n me a lalsã. Rẽ na n yɩɩ toog wakate.

Sõadga 28:3

La daar fãa, yãmb tog n talla pe-ribli a yiib sẽn ka tar zanga, n wa maan maoong sẽn yõogd bugum n kõ maam. La y na n maanda maoon-kãng daar fãa.

A Luk Sõng 21:24

Zabr sʋʋg n na n kʋ bãmba, la b na n yõga bãmb n maan yembse, n tall n kẽng buudã fãa sʋka. La bu-zẽms na n sooga Zeruzalɛm ne pãng hal tɩ b wakatã pidi.

2Tesalonik Rãmba 2:4

bɛ sẽn zẽkd a meng n yɩɩgd bũmb ning fãa b sẽn boond tɩ Wẽnnaam, la bũmb nins fãa neb sẽn pʋʋsda, hal n pʋs n kẽng n tɩ zĩnd Wẽnnaam doogẽ wã, n kɩt tɩ b bool-a tɩ wẽnnaam.

Ebre rãmba 2:10

Sɩd me, a taa Soab ning sẽn naan-a bũmb fãa n kɩt tɩ b beẽ b meng yĩnga, Soab ning sẽn tall-a kom-dibli wʋsg n wa n kẽes ziir pʋgẽ wã yam tɩ kɩt t'a Zeezi, sẽn wa-a ne nebã fãagrã tũnug namsg n paam zemsg zãnga.

Vẽnegre 17:14

Bãmb na n zaba ne pe-bilã. La pe-bilã na n tõog-b lame, tɩ bõe bãmb yaa zu-soben-dãmb Zu-soabã la rĩm-dãmbã Dĩmã. La neb nins b sẽn boolã, neb nins b sẽn tũusã, ne neb nins sẽn maand sɩdã, n be ne pe-bilã na n tõog-b lame me.