A Dãniyɛlle 7:7 - WẼNNAAM SEBRE 2014

⁷ Dẽ poore, mam dag n ket n geta m yʋngã vẽnegr pʋgẽ, la ade, mam yãnda rũng a naasẽ soab sẽn yaa bõn-bãnde, n kẽesd rabeem, t'a pãngã yaa kãseng wʋsgo. La a rag n tara yẽn-bɛd sẽn yaa kutu. Yẽnda rag n gʋsdame n wãbdẽ la a zendemdẽ, la a tabd sẽn kellã ne a naoã. Yẽnda yaa toor zãnga, n ka tol n wẽnd rũms nins mam sẽn dag n zoe n yãndã ye, la a rag n tara yɩɩl piiga.

A Dãniyɛlle 7:7 Iomraidhean Croise

2 Sãmwɛlle 22:43

Mam neema bãmb wa tẽng tom, mam bedsd-b lame, n tabd-b wa sor zug begdo.

A. Zoobe 41:14

Yẽnda pãngã be a yublẽ wã. Ned sã n yãnd-a, rabeem yõkda a soaba.

Ezekiyɛl 40:2

Wẽnnaam talla maam vẽnegr toay-toay pʋgẽ, n kẽng Israyɛll n tɩ sik maam tãng a yembr sẽn yaa tãn-luglug zugu. La tãngã nug-goabg sẽnẽ, rot n dag n be beenẽ n wẽnd tẽnga.

A Dãniyɛlle 2:19

Dẽ, badaar yʋngo, Wẽnnaam vẽnega a Dãniyɛll yel-solem-kãng zãmsd pʋgẽ. La a Dãniyɛll waooga saasẽ Wẽnnaamã.

A Dãniyɛlle 7:13

Mam dag n ket n geta m yʋng vẽnegrã pʋga, la mam yãnda bũmb sẽn wẽnd ninsaal t'a zao sawatã n sigda. La bũmbã sẽn wẽnd ninsaalbã kẽng n kolga nin-kẽem kulkuugã, la b kɩtame t'a pẽneg nin-kẽem kulkuugã.

A Dãniyɛlle 7:2

A Dãniyɛll yeelame: «Ade, mam yʋngẽ zãmsdã pʋga, mam dag n getame, la mam yãnda sobg sẽn yi dũniyã kɩrems a naasã n wa wẽ ko-kãsengã.

A Dãniyɛlle 8:10

Yɩɩn-bilfã zẽkame n tãag saasẽ tãb-biisã, la a kɩtame tɩ tãb-bi-kãens kẽer ne ãdsã lʋɩ tẽnga, la yẽnda tab-b lame.

A Dãniyɛlle 8:22

La yɩɩllã sẽn kao tɩ yɩɩl a naasã led a zĩigẽ n yi wã mamsda soolem-dãmb a naas sẽn na n wa n zĩnd soolem-kãng pʋgẽ, la soolem-kãens ka na n paam pãng wa yẽnda ye.

Zakari 2:1

Mam zẽka m neng n gese, la mam yãnda yɩɩl a naase.

Vẽnegre 12:3

Bõn-bãnd a to puka arzãna: Ad yaa wag‑bɛ-kãseng sẽn yaa miuugu, n tar zut a yopoe ne yɩɩl piiga, la maanf-rãmb n dag n fõg a zut a yopoe wã.

Vẽnegre 13:1

Dẽ poore, mam yãnda rũng sẽn yi ko-kãsengẽ wã n tar yɩɩl piig la zut a yopoe, la maanf-rãmb piig n dag n be a yɩɩlã zutu, la Wẽnnaam tʋʋsg yʋy n dag n gʋls a zutẽ wã.

Vẽnegre 17:12

Yɩɩl piigã fo sẽn yã wã yaa rĩm-dãmb piig sẽn nan ka reeg soolem ye, la b reegda pãn-tõog wa rĩm-dãmbã lɛɛr a yembr yĩng ne rũngã.

Vẽnegre 17:7

La malɛɛkã soka maam yaa: Bõe yĩng tɩ yaa lingr ne foom? Mam na n togsa foom pagã ne rũng ning sẽn zɩt yẽnda, n tar zut a yopoe ne yɩɩl piigã yel-solemdã.

Vẽnegre 17:8

Rũng ning fo sẽn yã wã rag n beeme, la a ka leb n beẽ ye. A na n yii bog-zulungẽ wã n kẽng sãoong zĩigẽ. La dũni neb nins yʋy sẽn ka gʋls vɩɩm sebrã pʋgẽ hal dũni naaneg wẽndẽ wã sã n yãnd rũngã, a na n yɩɩ lingr ne bãmba, rũngã sẽn dag n be, n wa ka leb n beẽ la a na n leb n pukã yĩnga.