A Dãniyɛlle 7:4 - WẼNNAAM SEBRE 2014

⁴ Pipi rũngã ra wẽnda wa gɩgemde, la a rag n tara sɩlg pɩgsa. La mam sẽn ket n getẽ, mam yã b sẽn võ a pɩgsã. La b yik-a lame n yals yĩngr a naoã zutu, wa ninsaal sẽn yas to-to wã, la b kõo yẽnda ninsaal yam.

A Dãniyɛlle 7:4 Iomraidhean Croise

2 Sãmwɛlle 1:23

A Sayull ne a Zonatã, nebã rag n nong-y lame, b sɩd rag n nong-y lame, B rag n bee ne taab vɩɩmã pʋga, la b naaga taab kũumã pʋg me. Bãmb dag n yaa faasg ne zoeese, wala sɩlse, la b rag n tara pãng wa gɩgma.

A. Zoobe 25:6

ninsaal sẽn yaa wa zũnzũurã nengẽ na yɩɩ wãna? Ãdem biig sẽn yaa wa zũnzũur balã na yɩɩ wãna?»

Yɩɩn‑sõamyã 9:20

Sẽn-Ka-Saabo, yik-y-yã! Yik-y tɩ ninsaal da wa paam tõogr ye! Kɩt-y tɩ bu-zẽmsã yals yãmb taoor tɩ b kao b bʋʋdo!

Zeremi 25:38

Sẽn-Ka-Saab basa bãmb tẽngã, wa gɩgem-poll sẽn bas a gãag zĩiga. Bala, Sẽn-Ka-Saab sũ-yikrã sẽn wat ne sãoongã yĩnga, bãmb sũ-puug-kãsengã kɩtame tɩ b tẽngã lebg zĩ-vɩʋʋgo.»

Zeremi 4:13

Ade, bɛ wã wata wa sawato! A saar-dãmbã tʋʋlem wẽnda wa sob-kãsenga. A wiidã zoees tʋʋlem yɩɩda sɩlse. Ad toog paam tõndo! Tõnd sãam n sɛɛme!

Zeremi 4:7

Gɩgemd fão n yi a gãagẽ, sẽn sãamd-a soolem-dãmbã yi a zĩigẽ n watẽ. A na n sãama y tẽngã, a na n kɩtame tɩ y tẽmsã lebg raboodo. Ned ka na n tol n leb n zĩnd b pʋsẽ ye.› »

Zeremi 48:40

Bala, Sẽn-Ka-Saab yetame: Ade, bɛ wã yɩkda wa pa-nand-tugri, n laand Moaab tẽngã zugu.

Zeremi 49:19

Mam na n waa wa gɩgemd sẽn yit Zʋrdẽ kʋɩlgã noor weoogã pʋgẽ, n dig Edom nebã tɩ b fão n yi n bas b tẽngã wakat-yɛng pʋgẽ. La mam na n kɩtame tɩ m sẽn yãk-a soabã soog Edom. Bala, ãnda soab n zem maam? Ãnda soab n tar noor ne maam? La na-bʋg n tõe n yals mam taoore?

Kʋʋr yɩɩla 4:19

Tõnd digdbã zoeta tao-tao n yɩɩd sɩls sẽn yɩgd yĩngri. Bãmb diga tõnd ne pãng tãmsã zutu. Bãmb solgame n bẽd tõnd we-raoog pʋgẽ.

Ezekiyɛl 17:3

Yeel bãmb tɩ maam a Zu-soab a Sẽn-Ka-Saab yetame: «Pa-nand-tug-kẽengã sẽn tar pɩg-bɛd kõbd sẽn yaa wogdã, t'a kõbgã yaa neerã, yɩkame n ta Libã, n yãk sɛɛdr tɩɩgã wil-gelengɛɛgã.

Ezekiyɛl 28:2

«Ninsaala, yeel Tɩɩr naabã tɩ Zu-soab a Sẽn-Ka-Saab yetame: ‹Fo wuka f meng n yeele: Mam yaa wẽnnaam, mam zĩi wẽnnaam-dãmbã sʋka, ko-kãsemsã sʋka.› Fo yaool n ka wẽnnaam ye. Fo yaa ninsaal bala. Fo rɩkda f tagsgã wa wẽnnaam tagsgo!

Ezekiyɛl 28:9

Fo kʋʋdbã taoore, fo tõe n leb n yeelame tɩ fo yaa wẽnnaam sɩda? Fo kʋʋdbã nifẽ, fo yaa ninsaal bala, fo ka wẽnnaam ye.

A Dãniyɛlle 2:38

Wẽnnaam rɩka ninsaalbã fãa, ne we-rũmsã ne liuuli wã sẽn yɩgd yĩngrã, n ning yãmb nugẽ, ba b sẽn be zĩig ning fãa. La b kɩt tɩ yãmb soog bãmb fãa. Dẽ, yaa yãmb la zugã sẽn yaa sãnemã.

A Dãniyɛlle 7:12

La b reega rũms a taabã naamã n bas-ba, la b basame tɩ rũm-kãens na n kell n vɩɩmde, n tãag wakat b sẽn yãke.

A Dãniyɛlle 7:5

La mam yãnda rũng a yiibẽ soab sẽn wẽnd rigd-n-yĩidga. Rũn-kãng rag n yik n yas a poorẽ naoã zutu, la a ra zãada sĩ-biis a tãab a noorẽ.» La b yeel-a lame yaa: «Yik n wãb nemd wʋsgo.»

A Matiye Sõng 24:28

Dɩgr sẽn be zĩig ning fãa, yɩbrend na tigs taab be.»

Yaoolem 28:49

Sẽn-Ka-Saab na n kɩtame tɩ buud sẽn be zĩ-zãrgẽ wa rɩk yãmb wa sɩlg sẽn dɩk noaaga. Yaa buud yãmb sẽn ka wʋmd b goamã.

Vẽnegre 13:2

Rũngã mam sẽn yãndã rag n wẽndã wa ãbga, t'a naoã wẽnd rigd‑n‑yĩidg naoã, t'a noorã wẽnd wa gɩgemd noore. Wag‑bɛɛgã kõo rũngã a pãngã la a geerã la a pãn-tõogã.