A Dãniyɛlle 7:28 - WẼNNAAM SEBRE 2014

²⁸ Yaa koɛɛgã baoosg la woto. Dẽ, maam a Dãniyɛll yamã bõdmame, la rabeem kẽe maam wʋsgo, hal tɩ m nengã teke, la mam bĩnga bõn-kãensã fãa m sũurẽ.

A Dãniyɛlle 7:28 Iomraidhean Croise

Sɩngrẽ 37:10

A Zozɛf rɩka zãmsdã n togs a ba wã ne a kẽem-dãmbã. La a baaba zab-a lame n sok-a yaa: «Yaa bõe zãmsd buud la fo sẽn zãmsã? Fo tagsdame tɩ f ma ne f kẽem-dãmbã ne mam mengã na wa n wõgemda tẽng fo taoor bɩ?»

Sɩngrẽ 37:11

A Zozɛf kẽem-dãmbã maana sũ-kiir ne yẽnda. La a Zozɛf ba a Zakoob rag n bĩngda yel-kãensã a sũurẽ.

A Dãniyɛlle 10:16

La gese, mam yãnda bũmb sẽn wẽnd ninsaala, la a sɩɩsa mam no-bɩmsã. La mam yaaga m noor n sɩng goamã. Mam yeela ned ning sẽn yas-a mam taoorã yaa: «M soaala, vẽnegrã kɩtame tɩ mam yamã bondge, la mam ka leb n tar pãng baa bilf ye.

A Dãniyɛlle 10:8

Dẽ, maam m yembr bal n kell pa n yãnd vẽnegrã. La mam gĩinã maagame, tɩ mam nengã bonge, la mam dag n ka leb n tar pãng baa bilf meng ye.

A Dãniyɛlle 11:27

Rĩm-dãmb a yiibã na n zĩnd n dɩɩ ne taaba, la ned kam fãa sẽn baood a to ne wẽngã yĩnga, b na n goma zĩrẽ goam ne taaba. La b sẽn dag n dat n maanã ka na n tõoge, tɩ sã n ka wakat ning b sẽn yãkã n ta ye.

A Dãniyɛlle 12:13

La bɩ foom a Dãniyɛll kell n yals kãenkãe n tãag yɛlã sɛɛb wakate. La fo na n paama vʋʋsgo, n yik n deeg f keoor yaoolem daarã.

A Dãniyɛlle 12:9

La b leoka maam yaa: «Dãniyɛlle, ra yɛɛs ye. Bala, gom-bãmbã tog n solgame, hal tɩ ta wakatã sɛɛbã.»

A Dãniyɛlle 4:16

Woto, a Dãniyɛll b sẽn boond t'a Bɛlsatzaarã yɛɛsa wakat bilfu, t'a tagsgã namsd-a. La rĩmã yeelame: «Bɛlsatzaare, ra sak tɩ mam zãmsdã ne a bilgrã yɛɛs foom ye.» La a Bɛlsatzaar leoka rĩmã yaa: «M soaala, m da nongẽ lame tɩ y zãmsdã yɩ yãmb bɛɛbã yĩnga, t'a võorã yɩ sẽn kis-b yãmbã yĩnga!

A Dãniyɛlle 4:19

n-na! Yaa yãmb la tɩɩgã. Yãmb lebga kãseng n tar pãnga, la yãmb kãosengã zẽkame hal n tat saasẽ, la yãmb naamã taa dũniyã kɩremsã fãa.

A Dãniyɛlle 5:6

La rĩmã pɛleng yɩkame, t'a yamã bondge, t'a gĩinã maage, t'a rũmã pãbd taaba.

A Dãniyɛlle 7:15

Maam a Dãniyɛll yamã bondgame, la vẽnegr ning mam sẽn yã wã kẽesa maam dabeem.

A Dãniyɛlle 8:1

Rĩm a Bɛlsatzaar naamã reegr yʋʋm a tãab soabã pʋga, maam a Dãniyɛll leb n yãnda vẽnegr a to, la yaa mam pipi vẽnegrã mam sẽn yã tɩ loogã poore.

A Dãniyɛlle 8:17

Dẽ, malɛɛk a Gabriyɛll kẽngame n kolg zĩig ning mam sẽn dag n be wã, la mam yɛɛsame, n lʋɩ n fõgen m neng tẽnga. La a yeela maam yaa: Ninsaal biiga, bãng tɩ vẽnegrã wilgda yɛlã sẽn na n yɩ to-to yaoolem wakate.»

A Dãniyɛlle 8:19

La malɛɛk a Gabriyɛll yeela maam yaa: Mam na n vẽnega foom bũmb ning sẽn na n zĩnd sũ-puugrã loogr zugẽ, bala, b yãka wakatã sɛɛb daare.

A Dãniyɛlle 8:27

Maam a Dãniyɛll pãngã sɛɛme, la mam yɩɩ bãad rasem bilfu, la mam yĩnsã sẽn sigi, mam yiime n tɩ tʋm rĩmã yĩnga. La vẽnegrã yɩka mam pɛlenga, la mam ka tol n wʋm a võor ye.

A Mark Sõng 9:15

La nebã sẽn yã a Zeezi wã, a ling-b‑la wʋsgo, la b zoeeme n tɩ pʋʋs-ba.

A Luk Sõng 2:19

A Maari bĩnga gom-kãens fãa a sũurẽ n tagsd b yelle.

A Luk Sõng 2:51

Dẽ poore, a Zeezi tũu bãmb n leb Nazarɛte, la b saka bãmb noore. Bãmb ma wã dag n bĩngda bõn-kãens fãa a sũurẽ.

A Luk Sõng 9:44

Yãmba, yok-y y tʋb n kelg gom-kãensã sõama: b na n yõka Ninsaal Bi-riblã n kõ nebã.