A Dãniyɛlle 7:27 - WẼNNAAM SEBRE 2014

²⁷ La b na n dɩka soolem nins fãa sẽn be dũniyã zugã naamã, ne b pãngã n kõ Wẽnnaam Sẽn-Ka-To nin-sõamyã tɩ b sooge. Wẽnnaam Sẽn-Ka-To soolmã paada wakat fãa, la pãens rãmbã fãa na n waooga bãmba, la b sak-ba.»

A Dãniyɛlle 7:27 Iomraidhean Croise

Yɩɩn‑sõamyã 145:13

Yãmb naamã ka tar sɛɛb ye, la yãmb n so zamaan-dãmbã fãa.

Yɩɩn‑sõamyã 22:27

Naong rãmbã na n dɩɩ n tɩgame. Sẽn baood-b Sẽn-Ka-Saabã na n pẽga bãmba. Bɩ bãmb vɩɩmd wakat sẽn ka sɛta!

Yɩɩn‑sõamyã 72:11

Rĩm-dãmbã fãa na n wõgemda bãmb taoore, la bu-zẽmsã fãa na n saka bãmba.

Yɩɩn‑sõamyã 86:9

Zu-soaba, buud toay-toayã fãa yãmb sẽn naanã na n wa wõgemda yãmb taoor n waoog yãmb yʋʋrã.

A Ezayi 14:2

Bu-zẽms n na n deeg Israyɛll nebã n tall-b n tɩ kẽes b tẽngẽ wã, la Israyɛll nebã na n sooga bãmb beenẽ Sẽn-Ka-Saab tẽn-gãongã zugu, n kɩt tɩ b yɩ yem-daado, la yem-pogse. Neb nins sẽn dag n kẽes Israyɛll nebã yembdã, Israyɛll na n kẽes-b-la yembdo, Israyɛll nebã na n sooga neb nins sẽn dag n namsd bãmbã.

A Ezayi 54:3

Bala, fo na n yalga goabg la rɩtgo. Fo yagensã na n sooga buud a taabã, la b na n pidsa tẽms nins sẽn dag n yaa raboodã.

A Ezayi 9:7

Sẽn-Ka-Saab tʋma koɛɛg a Zakoob yagensã yĩnga. Koɛɛgã siga Israyɛll soolmã zugu.

A Dãniyɛlle 2:44

Rĩm-bãmbã wakatã, saasẽ Wẽnnaamã na n kɩtame tɩ rĩung sẽn ka sãamd zĩndi. La buud a to neb kõn tol n tõog n deeg rĩun-kãng ye. Yẽnda na n wãa soolem-bãmb fãa n menes-ba, la a na n zĩnda wakat sẽn kõn sa.

A Dãniyɛlle 4:34

Moasã, maam a Nebukatnedzaar pẽgda saasẽ dĩm-kãsengã, la m waoogd-ba, n balemd-ba. Bãmb tʋʋmã fãa yaa sɩda, la b soayã yaa tɩrse. Yaa bãmb bal n tõe n sik wuk-m-mens rãmbã.»

A Dãniyɛlle 6:26

Dẽ poore, rĩm a Daryuus gʋlsa sɛb n tʋm dũniyã buud fãa sẽn be tẽmsã fãa pʋs n gomd gom-zẽnã nengẽ n yeele: «Bɩ y zĩnd ne bãane!

A Dãniyɛlle 7:14

La b kõo yẽnda ninsaalbã pãnga, waoogre, la naam. La nebã buud fãa, ne soolem-dãmbã fãa, la ninsaalbã sẽn gomd goam buud toor-toorã, tʋmda yẽnda yĩnga. La yẽnda pãnga paada wakat sẽn ka sɛta, la a pãngã ka tar sɛɛb ye. La yẽnda naamã ka na n tol n sãam ye.

A Dãniyɛlle 7:18

La Wẽnnaam Sẽn-Ka-To nin-sõamyã na n deega soolmã n soog wakat sẽn kõn sa.»

A Dãniyɛlle 7:22

hal tɩ nin-kẽem kulkuugã wa n na n kao Wẽnnaam Sẽn-Ka-To nin-sõamyã bʋʋdo. La wakat wa n taame tɩ nin-sõamyã tõog n deeg naamã n sooge.

A abdiyas 1:21

Fãagdb na n dʋʋ Sɩyõ tãngã, n kao a Ezayu soolem ning sẽn be tãms sʋkã neb bʋʋdo. La Sẽn-Ka-Saab n na n dɩ naam.

Zakari 14:9

Sẽn-Ka-Saab na n yɩɩ dũniyã fãa rĩma. Badaare, Sẽn-Ka-Saab na n yɩɩ b yembre, la yaa bãmb yʋʋrã bal n na n zĩndi.

A Luk Sõng 1:33

Yẽnda na n sooga a Zakoob buudã wakat sẽn kõn sa, la a naamã kõn zĩnd saab wakat ye.

A Zã Sõng 12:34

Kʋʋngã leoka bãmb n yeele: «A Moyiis tõogã wilga tõnd tɩ Kirisã paada wakat sẽn kõn sa. Bõe tɩ yãmb yetẽ tɩ yaa tɩlɛ tɩ b zẽk Ninsaal Bi-riblã? Ninsaal Bi-ribl‑kãng yaa ãnda?»

1 Korẽnt rãmba 15:24

Kiris sã n sɛɛs naam fãa, la pãn-soaadb fãa, la pãng fãa, b na n dɩka soolmã n lebs ba a Wẽnnaam. Dẽ, bũmb fãa saab taame.

Vẽnegre 11:1

B kõo maam tãnwĩig sẽn wẽnd wa dasaar n yeel maam yaa: Yik n mak Wẽnnaam doogã ne tẽn-kugrã, la neb nins sẽn be beenẽ n pʋʋsdẽ wã.

Vẽnegre 11:15

Malɛɛk a yopoe soabã peeba baorgo. La koe-kãsems zĩnda arzãn n yeel yaa: Dũniyã soolem lebga tõnd Zu-soabã ne bãmb Kirisã n so. Bãmb na n dɩɩ naam zamaan woo zamaana!

Vẽnegre 17:14

Bãmb na n zaba ne pe-bilã. La pe-bilã na n tõog-b lame, tɩ bõe bãmb yaa zu-soben-dãmb Zu-soabã la rĩm-dãmbã Dĩmã. La neb nins b sẽn boolã, neb nins b sẽn tũusã, ne neb nins sẽn maand sɩdã, n be ne pe-bilã na n tõog-b lame me.

Vẽnegre 19:16

Bãmb tara yʋʋr sẽn gʋls b fuugã zug la b geerã zugu: rĩm-dãmb Rĩma, la zu-soben-dãmb Zu-soaba.

Vẽnegre 20:4

Mam yãnda naam gɛyã. La b kõo neb nins sẽn zĩnd gɛyã zutã noor tɩ b bʋ bʋʋdo. La mam yãnda neb nins b sẽn fiuus b zut a Zeezi kasetã ne Wẽnnaam goamã yĩngã sɩɩse, la neb nins sẽn dag n ka wõgemd rũngã wall a bõn-naandgã taoore, la b ka reeg bãndã b rĩyẽ wall b nusã zutã sɩɩse. Bãmb vʋʋgame n dɩ naam ne Kiris yʋʋm tusri.

Vẽnegre 22:5

Yʋng kõn leb n zĩnd ye, la nebã kõn dat fɩtl vẽenem wall wĩntoog vẽenem ye. Bala, Zu-soab a Wẽnnaam n na n yɩ bãmb vẽenem. La bãmb na n dɩɩ naam zamaan woo zamaana.