A Dãniyɛlle 7:25 - WẼNNAAM SEBRE 2014

²⁵ Yẽnda na n goma goam sẽn paoogd Wẽnnaam Sẽn-Ka-To, la a na n namsa Wẽnnaam Sẽn-Ka-To nin-sõamyã. A na n makame n na n tek wakatã, la a tek Wẽnnaam nebã wẽn-tũudmã tõodã. La b na n basame t'a soog nin-sõamyã yʋʋm a tãab la pʋɩ-sʋka.

A Dãniyɛlle 7:25 Iomraidhean Croise

A Ezayi 37:23

Yaa ãnda la fo sẽn tʋʋs la f paoogã? Yaa ne ãnda la fo sẽn zẽk f koɛɛgã? Fo zẽka f neng yĩngr n zabd ne Israyɛll Pʋ-Peelem-Soabã!

A Dãniyɛlle 11:28

Rɩtg rĩmã na n lebg n leba a tẽngẽ wã ne arzegs wʋsgo. Yẽnda sũurã na n yika ne Wẽnnaam nin-sõamyã. La a na n maana a sẽn date, n yaool n lebg n leb a tẽngẽ wã.

A Dãniyɛlle 12:7

La mam wʋma ned ning sẽn yer-a fu-peels n yas koomã zugã sẽn gomde. La yẽnda zẽka a nus a yiibã n tees yĩngr n wẽen ne sẽn vɩ-a wakat sẽn kõn sa wã yʋʋr n yeele: «Bõn-yɛɛsdsã na n kaoosa yʋʋm a tãab la pʋɩ-sʋka. Wẽnnaam nin-sõamyã pãng sẽn na n sɛ wakat ningã, yaa wakat-kãng la bõn-yɛɛsds-kãensã fãa me na n sɛ.»

A Dãniyɛlle 2:21

Yam ne pãng yaa bãmb n so. Bãmb n tekd wakate, la yɛla, Bãmb n kõt rĩm-dãmb naam, Bãmb n sikd rĩm-dãmb b naamẽ, Bãmb n kõt yam-dãmbã yam, la b kõt bãngdbã me bãngre.

A Dãniyɛlle 3:26

Dẽ, rĩm a Nebukatnedzaar kolga wʋngã noor n bool yaa: «Sadrake, Mesake, Abednego, Wẽnnaam sẽn ka to tʋmtʋmdba, yi-y n wa-y ka!» La a Sadrak ne a Mesak la a Abednego yii bugmã pʋga.

A Dãniyɛlle 4:17

Tɩɩgã yãmb sẽn yã tɩ lebgd bedrã, hal t'a pãngã paasdẽ, t'a zugã tẽkd sa-gãongã, tɩ sẽn be-b dũniyã kɩremsã fãa ne-a wã,

A Dãniyɛlle 4:2

Mam zãmsa zãmsdo, la zãmsdã yɛɛsa maam. La tagsd nins m sẽn da tagsd m gãagẽ wã, ne vẽnegr nins mam sẽn yã wã rag n kẽesda maam dabeem.

A Dãniyɛlle 4:25

Bũmb nins fãa a Dãniyɛll sẽn togs rĩm a Nebukatnedzaar wɛɛngẽ wã paama pidsgu.

A Dãniyɛlle 4:32

Dũniyã nebã fãa yaa wa zaalem bãmb taoore. Bãmb maanda b sẽn dat ne malɛgsã sẽn be saasẽ wã, la ne ninsaalbã sẽn be dũniyã zugã. Ned ka be n tar pãng n tõe n kɩɩs bãmb b naamẽ wã ye. La ned me ka be n tõe n sok tɩ yaa bõe la b maand ye.

A Dãniyɛlle 7:18

La Wẽnnaam Sẽn-Ka-To nin-sõamyã na n deega soolmã n soog wakat sẽn kõn sa.»

A Dãniyɛlle 7:20

La mam baoome me n na n bãng yɩɩl piigã sẽn dag n be yẽnda zugẽ wã, ne yɩɩll ning sẽn yaool n puk-a bãmb sʋk n kɩt tɩ yɩɩl a tãabã lʋɩ wã võore. Yɩɩn-kãng rag n tara nini, la noor sẽn gomd tɩtaam goamã, la yẽnda wẽnda wa a tara pãng n yɩɩd yɩɩl a taabã.

A Dãniyɛlle 7:8

La mam sẽn ket n get yɩɩlã wakate, mam yãnda yɩɩn-bil a yembr sẽn yi bãmb sʋkã, n võ pipi yɩɩlã a tãabo, la yɩɩn-bilã rag n tara nin wa ninsaal nini, la a tar noor sẽn gomd tɩtaam goamã.

A Dãniyɛlle 8:11

Yẽnda tol n zẽkame n tãag tãb-biisã Naabã, a rẽgma maoong ning sẽn maand daar fãa wã maanego, ne a zĩ-sõngã.

A Dãniyɛlle 8:14

Pipi pʋ-peelem soabã yeela maam yaa: «Yaa zaabr la yibeoog tusr la kobs-tã loogr zugẽ, la b na n lebs n maneg zĩis nins sẽn welg toorã.»

A Dãniyɛlle 8:9

Yɩɩll sẽn yaa bilf wʋsg n yi yɩɩn-bãmb sʋkã yɩɩll a yembr zĩigẽ, la a lebga bedr wʋsg n tees rɩtgo, yaanga, la tees tẽn-neer n yɩɩdã sẽnẽ.

A Dãniyɛlle 9:27

La yʋʋm a yopoe wã sẽn wat n dabd sɛɛbo, a na n maana weoogr kaool ne neb wʋsgo. La yʋʋm a tã la pʋɩ-sʋkã sã n ta, naabã na n kɩtame tɩ b bas maoongã maanego, ne kũunã kɩsgo. Sãamdã na n maana tʋʋm-wẽns hal tɩ loog nugu. La a na n maana woto, hal tɩ wakat ning b sẽn yãk n na n sãam-a wã wa ling-a.»

A Ooze 7:16

Bãmb ka leb n baood mam zĩig ye. Bãmb yaa wa tãp sẽn golme. Bãmb nanambsã na n paa tãpẽ, b tɩtaam-goamã yĩnga, la b na n yaala bãmb Ezɩpt tẽngã.

2Tesalonik Rãmba 2:3

Bɩ ned da tõog n belg yãmb ne manesem buud baa a yembr ye. Bala, yaa tɩlɛ tɩ leb-poorẽ deng n zĩndi, tɩ wẽn-kɩɩsdã yiki. Yẽnda yaa soab ning b sẽn na n sãame,

2Tesalonik Rãmba 2:4

bɛ sẽn zẽkd a meng n yɩɩgd bũmb ning fãa b sẽn boond tɩ Wẽnnaam, la bũmb nins fãa neb sẽn pʋʋsda, hal n pʋs n kẽng n tɩ zĩnd Wẽnnaam doogẽ wã, n kɩt tɩ b bool-a tɩ wẽnnaam.

2Tesalonik Rãmba 2:8

Yaa wakat-kãng la wẽn-kɩɩsdã na n yiki, la Zu-soabã [a Zeezi] na n sãam-a-la ne b noor pemsem, la bãmb waoongã ziir na n beds-a lame.

Vẽnegre 12:14

La b kõo pagã panantug-kẽeng pɩgs a yiib t'a yɩk n kẽng weoogẽ wã, a zĩigẽ wã, zĩig ning b sẽn na n dɩlg-a wakat a yembre, la wakat dãmba, la wakat pʋɩ-sʋkã, tɩ waafã ra yãnd-a ye.

Vẽnegre 12:6

La pagã zoee n kẽnga weoogẽ, zĩig ning Wẽnnaam sẽn dag n segl a yĩngã, tɩ b tõe n dɩlg-a be rasem tusr la kobs yi la pis yoobe.

Vẽnegre 14:12

Woto yĩnga, nin-sõamyã tog n nanga pãnga, n sakd Wẽnnaam tõodã la b tall tẽeb ne a Zeezi.

Vẽnegre 16:6

Bala, bãmb daaga neb nins sẽn welg toorã la yãmb no-rɛɛsdbã zɩɩm, la yãmb kõ-b-la zɩɩm tɩ b yũ. Rẽ segda ne bãmba.

Vẽnegre 17:6

Mam yãame tɩ neb nins sẽn welg toorã, ne a Zeezi kaset dãmbã zɩɩm yilimd pagã nenga. Mam sẽn yãnd-a wã, linga maam wʋsgo.

Vẽnegre 18:24

La b yãnda Wẽnnaam no-rɛɛsdbã ne nin-sõamyã, la neb nins fãa b sẽn kood dũniyã zugã zɩɩm fo pʋgẽ.