A Dãniyɛlle 7:19 - WẼNNAAM SEBRE 2014

¹⁹ Rẽ zugẽ, mam baoome n na n bãng rũng a naasẽ soabã sẽn yaa toor ne a taabã võore. Rũn-kãng rag n yaa bõn-bande, n tar yẽn sẽn yaa kutu, t'a nao-yẽesã yaa zũudu. La yẽnda wãbdame la a zendemdẽ, la a tabd sẽn kellã ne a naoã.

A Dãniyɛlle 7:19 Iomraidhean Croise

A Dãniyɛlle 7:20

La mam baoome me n na n bãng yɩɩl piigã sẽn dag n be yẽnda zugẽ wã, ne yɩɩll ning sẽn yaool n puk-a bãmb sʋk n kɩt tɩ yɩɩl a tãabã lʋɩ wã võore. Yɩɩn-kãng rag n tara nini, la noor sẽn gomd tɩtaam goamã, la yẽnda wẽnda wa a tara pãng n yɩɩd yɩɩl a taabã.

A Dãniyɛlle 7:7

Dẽ poore, mam dag n ket n geta m yʋngã vẽnegr pʋgẽ, la ade, mam yãnda rũng a naasẽ soab sẽn yaa bõn-bãnde, n kẽesd rabeem, t'a pãngã yaa kãseng wʋsgo. La a rag n tara yẽn-bɛd sẽn yaa kutu. Yẽnda rag n gʋsdame n wãbdẽ la a zendemdẽ, la a tabd sẽn kellã ne a naoã. Yẽnda yaa toor zãnga, n ka tol n wẽnd rũms nins mam sẽn dag n zoe n yãndã ye, la a rag n tara yɩɩl piiga.

A Dãniyɛlle 7:8

La mam sẽn ket n get yɩɩlã wakate, mam yãnda yɩɩn-bil a yembr sẽn yi bãmb sʋkã, n võ pipi yɩɩlã a tãabo, la yɩɩn-bilã rag n tara nin wa ninsaal nini, la a tar noor sẽn gomd tɩtaam goamã.