A Dãniyɛlle 7:14 - WẼNNAAM SEBRE 2014

¹⁴ La b kõo yẽnda ninsaalbã pãnga, waoogre, la naam. La nebã buud fãa, ne soolem-dãmbã fãa, la ninsaalbã sẽn gomd goam buud toor-toorã, tʋmda yẽnda yĩnga. La yẽnda pãnga paada wakat sẽn ka sɛta, la a pãngã ka tar sɛɛb ye. La yẽnda naamã ka na n tol n sãam ye.

A Dãniyɛlle 7:14 Iomraidhean Croise

Yɩɩn‑sõamyã 102:22

tɩ b tõe n moon Sẽn-Ka-Saab yʋʋrã Sɩyõ pʋgẽ, la b kɩt tɩ bãmb pẽgrã saag Zeruzalɛm pʋgẽ,

Yɩɩn‑sõamyã 103:19

Sẽn-Ka-Saab vigla b naam geer saasẽ, la bũmb fãa yaa bãmb n so.

Yɩɩn‑sõamyã 145:13

Yãmb naamã ka tar sɛɛb ye, la yãmb n so zamaan-dãmbã fãa.

Yɩɩn‑sõamyã 146:10

Sẽn-Ka-Saab na n dɩɩ naam wakat fãa. Sɩyõ nebã, bãmb yaa yãmb Wẽnnaam zamaan woo zamaane! Pẽg-y Sẽn-Ka-Saabo!

Yɩɩn‑sõamyã 45:6

Fo pɛɛmã yaa sɩlemse. Fo na n luba bu-zẽmse. Pɛɛmã na n kõsa rĩmã bɛɛb sũuri.

Yɩɩn‑sõamyã 72:11

Rĩm-dãmbã fãa na n wõgemda bãmb taoore, la bu-zẽmsã fãa na n saka bãmba.

Yɩɩn‑sõamyã 72:17

Rĩmã yʋʋr na n paa wakat fãa, Wĩndgã sã n ket n pukdẽ, bãmb yʋʋrã na n paa wakat fãa. Nebã na n ninga taab bark ne bãmb yʋʋre, la bu-zẽmsã fãa na n yeelame tɩ rĩmã tara barka.

Yɩɩn‑sõamyã 8:6

Yãmb naan-a lame, tɩ kellẽ bilfu, t'a yɩẽ wa Wẽnnaam, yãmb kõ-a-la ziir ne waoogre.

A Ezayi 16:5

Maan-sɩdã na n kɩtame tɩ naam geerã paam pãnga. La sẽn na n zaoond-a beenẽ wã na n yɩ a Davɩɩd yageng sẽn yaa sɩd soaba. Yẽnda na n yɩɩ bʋ-kaood sẽn baood zemsgo, la sẽn kaood bʋʋd ne tɩrlem.»

A Ezayi 60:12

Bala, buud ning ne soolem ning sẽn ka na n sak foomã na n sãamame. B na n sãama bu-zẽm-kãense.

A Ezayi 9:6

Yẽnda naamã na n yalgame, yẽnda na n waa ne vɩ-bãan sẽn ka sɛta, a Davɩɩd naam geerã ne yẽnda soolmã yĩnga. Yẽnda na n paasa a soolmã pãnga, la a na n zã-a-la ne zemsgo la tɩrlem, sẽn sɩng ne moasã la wakat sẽn kõn sɛ yĩnga. Saasẽ-Pãng-Soabã nonglem-kãsengã n na n kɩt t'a yɩ a woto.

A Ezayi 9:7

Sẽn-Ka-Saab tʋma koɛɛg a Zakoob yagensã yĩnga. Koɛɛgã siga Israyɛll soolmã zugu.

A Dãniyɛlle 2:35

Dẽ, kutã ne yagdã la zũudã ne wanzuri wã, la sãnemã fãa lebga zom-zom n sãeeg wa wudg sẽn be zɛɛgẽ zĩ-likr wakate, tɩ sobg rɩk-b n looge, la bũmb ka kell ye. La kugr ning sẽn lʋɩ n wẽ bõn-naandgã n wã wã lebga tãn-kãseng n pid dũniyã gilli.

A Dãniyɛlle 2:37

N-na, yãmb yaa rĩm-dãmbã rĩmã. Saasẽ Wẽnnaamã kõo yãmb rĩungã, la b kõ yãmb pãn-tõogo, ne pãnga, la ziiri.

A Dãniyɛlle 2:44

Rĩm-bãmbã wakatã, saasẽ Wẽnnaamã na n kɩtame tɩ rĩung sẽn ka sãamd zĩndi. La buud a to neb kõn tol n tõog n deeg rĩun-kãng ye. Yẽnda na n wãa soolem-bãmb fãa n menes-ba, la a na n zĩnda wakat sẽn kõn sa.

A Dãniyɛlle 3:4

Dẽ, rĩmã koe-moaandã zẽka a koɛɛg n yeele: «Yãmb fãa sẽn yaa tẽms toor-toore, ne buud toor-toore, la buud goam toor-toor nebã, kelg-y-yã! Ad rĩmã sẽn yet yãmba:

A Dãniyɛlle 4:3

Dẽ, mam kɩtame tɩ b bool yam dãmb nins fãa sẽn be Babilond soolmã pʋgẽ wã, tɩ b tõe n wa bilg maam m zãmsdã võore.

A Dãniyɛlle 6:26

Dẽ poore, rĩm a Daryuus gʋlsa sɛb n tʋm dũniyã buud fãa sẽn be tẽmsã fãa pʋs n gomd gom-zẽnã nengẽ n yeele: «Bɩ y zĩnd ne bãane!

A Dãniyɛlle 7:18

La Wẽnnaam Sẽn-Ka-To nin-sõamyã na n deega soolmã n soog wakat sẽn kõn sa.»

A Dãniyɛlle 7:27

La b na n dɩka soolem nins fãa sẽn be dũniyã zugã naamã, ne b pãngã n kõ Wẽnnaam Sẽn-Ka-To nin-sõamyã tɩ b sooge. Wẽnnaam Sẽn-Ka-To soolmã paada wakat fãa, la pãens rãmbã fãa na n waooga bãmba, la b sak-ba.»

A abdiyas 1:21

Fãagdb na n dʋʋ Sɩyõ tãngã, n kao a Ezayu soolem ning sẽn be tãms sʋkã neb bʋʋdo. La Sẽn-Ka-Saab n na n dɩ naam.

A Miise 4:7

Mam na n kɩtame tɩ sẽn keoosd-bã yɩ bu-kelle, la m kɩt tɩ sẽn sãeeg-bã yɩ buud sẽn tar pãnga. Sẽn-Ka-Saab na n yɩɩ bãmb rĩm Sɩyõ tãngã zugu, sẽn sɩng ne moasã, hal tɩ ta wakat sẽn ka sɛta.

A Matiye Sõng 11:27

M ba ninga bũmb fãa mam nugẽ, la ned ba a yembr ka mi Bi-riblã ye, sã n ka ba wã bala. La ned ba a yembr ka mi ba wã, sã n ka Bi-riblã bala, la Bi-riblã sẽn dat vẽneg ba wã ne ned ninga.

A Matiye Sõng 28:18

A Zeezi kolgame n gom ne bãmb a woto: «Wẽnnaam kõo maam pãng fãa sẽn be yĩngri, la sẽn be tẽng zugu.

A Luk Sõng 1:33

Yẽnda na n sooga a Zakoob buudã wakat sẽn kõn sa, la a naamã kõn zĩnd saab wakat ye.

A Luk Sõng 10:22

M ba kõo maam bũmbã fãa, la ned baa a yembr ka mi Bi-riblã sẽn yaa a soaba, sã n ka a ba wã ye. La ned baa a yembr ka mi ba wã sẽn yaa a soaba, sã n ka Bi-riblã bala, la ned ning Bi-riblã sẽn dat n vẽneg bãmb ne-a wã ye.»

A Zã Sõng 12:34

Kʋʋngã leoka bãmb n yeele: «A Moyiis tõogã wilga tõnd tɩ Kirisã paada wakat sẽn kõn sa. Bõe tɩ yãmb yetẽ tɩ yaa tɩlɛ tɩ b zẽk Ninsaal Bi-riblã? Ninsaal Bi-ribl‑kãng yaa ãnda?»

A Zã Sõng 3:35

Ba wã nonga Bi-riblã, n dɩk bũmba fãa n ning a nugẽ.

Ebre rãmba 12:28

Rẽndã n kɩt tɩ tõnd sẽn na n paam soolem sẽn ka tõe n vigsã, bɩ d yɩ neb sẽn mi d zaamẽ, n maan kaoreng sẽn noom Wẽnnaam sũuri, ne Wẽnnaam sakre la ne rabeem.

1 Pɩyɛɛr 3:22

A Zeezi Kiris zɛk n bee arzãna, n be Wẽnnaam dɩtgo, la malɛɛk-rãmbã ne pãn-soaadbã, la pãens rãmbã sakda bãmba.

Vẽnegre 1:6

n yiis d yel-wẽnã, n maan tõnd tɩ d lebg soolem maan-kʋʋdb bãmb ba a Wẽnnaam yĩngã, bãmb n tog ne ziiri la pãng zamaan woo zamaane! Ãmina!

Vẽnegre 11:15

Malɛɛk a yopoe soabã peeba baorgo. La koe-kãsems zĩnda arzãn n yeel yaa: Dũniyã soolem lebga tõnd Zu-soabã ne bãmb Kirisã n so. Bãmb na n dɩɩ naam zamaan woo zamaana!

Vẽnegre 17:14

Bãmb na n zaba ne pe-bilã. La pe-bilã na n tõog-b lame, tɩ bõe bãmb yaa zu-soben-dãmb Zu-soabã la rĩm-dãmbã Dĩmã. La neb nins b sẽn boolã, neb nins b sẽn tũusã, ne neb nins sẽn maand sɩdã, n be ne pe-bilã na n tõog-b lame me.

Vẽnegre 3:21

Mam na n kɩtame tɩ ned ning sẽn tõogã zĩnd ne maam mam geerã zug wa mam sẽn tõoge, n zao ne m ba b geerã zugã.»