A Dãniyɛlle 7:10 - WẼNNAAM SEBRE 2014

¹⁰ La bugum n dag n yit bãmb taoorã, n zoet wa kʋɩlg koom. Neb tus kẽema n tʋmd bãmb yĩnga, la neb tus kẽema ka tɛk n yas bãmb taoore. Bʋ-kaoodbã zĩndame, la b laka sɛba.

A Dãniyɛlle 7:10 Iomraidhean Croise

1 Rĩm-dãmbã 22:19

Dẽ, a Miise yeelame yaa: «Beneere, kelg-y Sẽn-Ka-Saab koɛɛga! Mam yãnda Sẽn-Ka-Saab sẽn zao b naam geerã zugu, tɩ saasẽ dãmbã karg n gũbg-b goabg la rɩtgo.

2 Kibayã 18:18

Dẽ, a Miise yeelame: «Bɩ y kelg-y Sẽn-Ka-Saab koɛɛga. M yãnda Sẽn-Ka-Saab tɩ b zao b geerẽ wã, tɩ saasẽ tãb-biisã yɛs b goabg la rɩtgo.

A. Zoobe 25:3

Bãmb zãma wã ka tõe n sõd n sɛ ye. Ãnda soab zug la bãmb vẽenemã ka yãgda?

Yɩɩn‑sõamyã 103:21

Yãmb fãa sẽn yaa bãmb saasẽ tãb-biisi, la bãmb tʋmtʋmdb n maand bãmb daabã, pẽg-y Sẽn-Ka-Saabo!

Yɩɩn‑sõamyã 18:8

Tẽn-gãongã rigimdame n miime, tãmsã yẽbgr rĩmsame, Bala, Sẽn-Ka-Saab sũurã puugame.

Yɩɩn‑sõamyã 50:3

Tõnd Wẽnnaamã watame, la bãmb ka na n sĩnd ye. Bugum dengda bãmb taoor n dɩtẽ, tɩ sob-kãseng gũbg bãmba.

Yɩɩn‑sõamyã 68:17

Tãms sẽn tar kũn wʋsgo, bõe yĩng tɩ fo maand sũ-kiir ne tãng ning Wẽnnaam sẽn yãk n na n zĩnd a zugã? Sẽn-Ka-Saab na n kɩtame tɩ beenẽ lebg b zĩ-zĩidg wakat sẽn ka sɛta.

A Ezayi 30:27

Ade, Sẽn-Ka-Saab yʋʋrã yita zĩ-zãrg n watẽ. Bãmb sũ-yikrã yaa kãseng n wat ne toogo. Bãmb noorã pida ne sũ-yikri, la b zelemdã yaa wa bugum sẽn dɩta.

A Ezayi 30:33

Bala, b zoe n segla wʋngã n sɛ. B vigla wʋngã rĩmã yĩnga, wʋngã zulmame, a yalmame. Yẽnda wʋngã pida ne bugum la raad wʋsgo. Sẽn-Ka-Saab vʋʋsmã rɩt-a-la wa kidbr ko-soogo.

A Dãniyɛlle 12:1

Sẽn wẽnda ninsaalbã leb n yeela maam yaa: «Wakat-kãnga, gũudbã na-kãseng a Mikayɛll sẽn yaa yãmb nebã gũudã na n waame, la na n yɩɩ to-kãseng wakate. Hal ninsaalb sẽn be dũni tɛk tɩ tãag badaare, to-kãseng a woto buud nan ka zĩnd ye. La badaare, b na n fãaga fo neb nins yʋy sẽn gʋls sebrã pʋgẽ wã.

A Dãniyɛlle 7:22

hal tɩ nin-kẽem kulkuugã wa n na n kao Wẽnnaam Sẽn-Ka-To nin-sõamyã bʋʋdo. La wakat wa n taame tɩ nin-sõamyã tõog n deeg naamã n sooge.

A Dãniyɛlle 7:26

Rẽ zugẽ, b na n bʋ a bʋʋdo, la b reeg a naamã n bas-a, la b sãam-a t'a menem zãng wakat sẽn kõn sɛ yĩnga.

Zakari 14:5

La yãmb na n zoe n kẽe mam tãmsã longẽ, bala, mam tãmsã lond na n tɩ tãaga Atsalle. Yãmb na n zoee wa y yaab-rãmbã sẽn dag n zoe n na n põs tẽn-digimdgã, Zʋʋda rĩm a Oozɩyaas wakatã. Dẽ, Sẽn-Ka-Saab sẽn yaa mam Wẽnnaamã na n waame, la pʋ-peelem dãmbã fãa na n tũu bãmb n wa.

A Matiye Sõng 25:31

Ninsaal Bi-riblã sã n wa ne b ziirã, la ne b malegsã fãa, b na n zaoonda b ziir geerã zugu.

Yaoolem 33:2

A Moyiis yeelame: Sẽn-Ka-Saab yii Sinayi n wa. Bãmb waa Seyɩɩr wa sõ-pukri, n yãg Paarã tãngã zugu. Bãmb waa b nebã sʋk ne malɛgs tus-kẽemã. Bãmb tʋm-b-la b tõogã bugum ne b nug-rɩtgo.

Ebre rãmba 1:14

Dẽ yĩnga, malegsã fãa ka sɩɩs sẽn tʋmd Wẽnnaam yĩnga, tɩ Wẽnnaam mi n tʋm-b tɩ b tɩ maan tʋʋmd n sõng neb nins sẽn tog n deeg fãagrã tɩ yɩ b pʋɩɩrã la?

Ebre rãmba 12:22

La yãmb kolga Sɩyõ tãngã la Wẽnnaam sẽn vɩ wã tẽnga, sẽn yaa yĩngr Zeruzalɛm, la malegs tus wʋsgã.

A Zʋʋde 1:14

A Henok sẽn yaa yãmb yaab a yopoe soab sẽn sɩng ne a Ãdma, togsa bãngr goam bãmb yĩng me n yeel yaa: «Ade, Zu-soabã waa ne b nin-sõamyã kʋʋng-kʋʋngo,

Vẽnegre 11:18

Soolem toay-toayã rãmb ra yika b sũyã, la yãmb sũ-puugrã waame, la wakat taame tɩ y na n kao neb nins sẽn ki wã bʋʋdo, la y keo y no-rɛɛsdbã sẽn yaa yãmb tʋmtʋmdbã ne y nin-tũusdsã la neb nins sẽn zoet yãmb yʋʋrã, nin-tals la nin-kãsemse, la y sãam neb nins sẽn sãamd tẽngã.

Vẽnegre 5:11

Mam gesame la m wʋma malegs wʋsg sẽn gũbg geerã, ne bõn-vɩɩsã la kãsem-dãmbã koeese, la bãmb sõorã yaa tus piig naoor tus piiga, la tus naoor tusa.