A Dãniyɛlle 7:1 - WẼNNAAM SEBRE 2014

¹ Babilond dĩm a Bɛlsatzaar naamã pipi yʋʋmdã pʋgẽ, a Dãniyɛll sẽn wa n be a gãagẽ, a zãmsa zãmsdo, la a paam vẽnegre. La rẽ zugẽ, a Dãniyɛll gʋlsa bõn-kãng n wilg a sẽn yɩ to-to ball-balle.

A Dãniyɛlle 7:1 Iomraidhean Croise

Sɩngrẽ 15:1

Bõn-kãensã loogr zugẽ, Sẽn-Ka-Saab goma ne a Abram vẽnegr pʋgẽ n yeele: «Abram, da zoe rabeem ye! Mam meng n yaa fo gãongo, la fo keoor na n yɩɩ kãseng wʋsgo.»

Sɩngrẽ 46:2

La Wẽnnaam goma ne a Israyɛll yʋng vẽnegr pʋgẽ n yeele: «Zakoobe, Zakoobe!» T'a Israyɛll leok tɩ ad maam.

A. Zoobe 4:13

Yʋng zãmsd sẽn namsd-m wakatã, nebã sẽn wa n be gõeem pʋgẽ wã,

A Ezayi 30:8

Moasã, kẽng n gʋls bõn-kãngã wals zut bãmb nifẽ, la f gʋls-a sebr pʋga, tɩ wakat sẽn wate, bɩ bõn-kãng yɩ kaset wakat fãa.

A Ezayi 8:1

Sẽn-Ka-Saab yeela maam yaa: «Rɩk wal-bedre, n gʋls a zug ne gʋls-biis kaoreng sẽn yaa naana. Gʋls a woto: ‹Mahɛɛr-Salall-Has-Baaze.›

Zeremi 23:28

Bɩ no-rɛɛs ning sẽn paam-a zãmsd togs a zãmsdã, la bɩ ned ning sẽn tar-a mam goamã togs m goamã vẽenega! Bõe lagem-n-taar n be wudg ne ki sʋka? Maam Sẽn-Ka-Saab n yeele.»

Zeremi 27:7

Buud toay-toayã fãa na n saka yẽnda ne a biigã la a yagengã, hal n tãag wakat ning yẽnda me tẽngã sẽn na n sak buud a taab sẽn tar pãng ne rĩm-kãsemsã.

Zeremi 36:32

Dẽ, a Zeremi rɩka seb-pindg a to n kõ seb-gʋlsd a Baruk sẽn yaa a Neriya biigã, n yeel-a t'a gʋls goam nins fãa sẽn dag n be sebr ning Zʋʋda rĩm a Yoyakim sẽn yõog bugmã pʋgã. Goam wʋsg sẽn wẽnd gom-bãmbã buud a taab la b paas sebrã pʋga.

Zeremi 36:4

A Zeremi boola a Neriya biig a Baruki, n kɩt t'a gʋls goam nins fãa Sẽn-Ka-Saab sẽn togs yẽnda wã, la a Baruk gʋls-b-la seb-pindg pʋgẽ.

Ezekiyɛl 1:1

Mam yʋʋm pis-tã soabã pʋgẽ, yʋʋmdã kiuug a naasẽ soabã rasem a nu daare, mam sẽn wa n be ne yembsã Kebaar kʋɩlgã noorã, saasã pakame, la mam paama Wẽnnaam vẽnegre.

Ezekiyɛl 40:2

Wẽnnaam talla maam vẽnegr toay-toay pʋgẽ, n kẽng Israyɛll n tɩ sik maam tãng a yembr sẽn yaa tãn-luglug zugu. La tãngã nug-goabg sẽnẽ, rot n dag n be beenẽ n wẽnd tẽnga.

A Dãniyɛlle 1:17

Wẽnnaam kõo kom-bɩ-bãmbã b naasã bãngre, la yam tɩ b tõog n bãng sɛbã fãa kaoreng ne yẽesem, la a Dãniyɛll dag n tara bãngr n tõe n bilg vẽnegr ne zãmsd fãa võyã.

A Dãniyɛlle 2:1

Rĩm a Nebukatnedzaar sẽn deeg naamã tɩ yʋʋm yiiblẽ, a zãmsa zãmsdo, tɩ zãmsdã namsd-a wʋsgo, hal t'a ka leb n tõe n gũs ye.

A Dãniyɛlle 2:26

Rĩmã yeela a Dãniyɛll b sẽn pʋd a yʋʋr t'a Bɛlsatzaarã yaa: «Yaa sɩd tɩ fo tõe n togsa maam m zãmsdã, la f bilg-ma a võore?»

A Dãniyɛlle 4:13

B na n teka a yamã sẽn yaa ninsaal dẽndã tɩ lebg we-rũng yam. La yẽnda na n yɩ a woto hal tɩ ta yʋʋm a yopoe.

A Dãniyɛlle 4:5

Rẽ zugẽ, a Dãniyɛlle, b sẽn boond-a soab t'a Bɛlsatzaar wa mam wẽnnaamã yʋʋrã waa mam nengẽ, la wẽnnaam-sõmyã sɩɩgã rag n bee ne yẽnda. Mam togsa yẽnda m zãmsdã n yeele:

A Dãniyɛlle 5:1

Daar a yembre, rĩm a Bɛlsatzaar maana tig-kãsenga, a nin-kãsems tusrã yĩnga. La yẽnda yũu reezẽ rãam bãmb nifẽ.

A Dãniyɛlle 5:22

La yãmb a Bɛlsatzaar sẽn yaa bãmb biigã, yãmb bãnga bõn-kãensã fãa, la y ka sak n sik y meng ye.

A Dãniyɛlle 5:30

Yʋn-kãng bala, b kʋʋ Babilond-dãmbã rĩm a Bɛlsatzaare.

A Dãniyɛlle 7:13

Mam dag n ket n geta m yʋng vẽnegrã pʋga, la mam yãnda bũmb sẽn wẽnd ninsaal t'a zao sawatã n sigda. La bũmbã sẽn wẽnd ninsaalbã kẽng n kolga nin-kẽem kulkuugã, la b kɩtame t'a pẽneg nin-kẽem kulkuugã.

A Dãniyɛlle 7:15

Maam a Dãniyɛll yamã bondgame, la vẽnegr ning mam sẽn yã wã kẽesa maam dabeem.

A Dãniyɛlle 7:7

Dẽ poore, mam dag n ket n geta m yʋngã vẽnegr pʋgẽ, la ade, mam yãnda rũng a naasẽ soab sẽn yaa bõn-bãnde, n kẽesd rabeem, t'a pãngã yaa kãseng wʋsgo. La a rag n tara yẽn-bɛd sẽn yaa kutu. Yẽnda rag n gʋsdame n wãbdẽ la a zendemdẽ, la a tabd sẽn kellã ne a naoã. Yẽnda yaa toor zãnga, n ka tol n wẽnd rũms nins mam sẽn dag n zoe n yãndã ye, la a rag n tara yɩɩl piiga.

A Dãniyɛlle 8:1

Rĩm a Bɛlsatzaar naamã reegr yʋʋm a tãab soabã pʋga, maam a Dãniyɛll leb n yãnda vẽnegr a to, la yaa mam pipi vẽnegrã mam sẽn yã tɩ loogã poore.

A Amoose 3:7

Sẽn-Ka-Saab ka maand bũmbu, tɩ b ka reng n vẽneg-a ne b tʋmtʋmdbã sẽn yaa bãmb no-rɛɛsdbã ye.

Abakuk 2:2

Sẽn-Ka-Saab leoka maam n yeele: «Gʋls vẽnegr ning fo sẽn yã wã, gʋls-a vẽeneg kug-wals zutu, t'a kaoreng tõe n yɩ naana.

Sõadga 12:6

La Sẽn-Ka-Saab yeelame yaa: «Kelg-y bũmb ning mam sẽn na n yeel yãmbã neere. No-rɛɛs sã n be yãmb sʋkã, maam a Sẽn-Ka-Saab vẽnegda m mengã ne a soab zãmsd pʋgẽ.

Rom Dãmba 15:4

Mik bũmb nins b sẽn pĩnd n gʋlsã gʋlsa tõnd zãmsg yĩnga, tɩ tõnd tõe n paam saag-sõngo, sũ-mare la belsg ning Wẽnnaam gʋls-sõamyã sẽn kõtã yĩnga.

2 Korẽnt rãmba 12:1

Yaa tɩlɛ tɩ m pẽg m menga? Bõn-kãng ka tar yõod ye. Baoosgo, mam na n togsa mam sẽn yã yãab ninsi, la vẽnegr nins Zu-soabã sẽn kõ maamã.

Vẽnegre 1:19

Dẽ wã, gʋls bũmb nins fo sẽn yã, bũmb nins sẽn be moasã, la bũmb nins sẽn na n yaool n maanã.

Vẽnegre 10:4

Sa-kelems a yopoe wã sẽn gomã, mam dag n na n gʋlsame, la mam wʋma koɛɛg sẽn yi arzãn n yeel yaa: «Solg bũmb nins sa-kelems a yopoe wã sẽn togsã, la f ra gʋls-b ye.»