A Dãniyɛlle 6:16 - WẼNNAAM SEBRE 2014

¹⁶ La nin-bãmbã lebg n tũu taab tao-tao n wa rĩmã nengẽ n yeel-a yaa: «N-na! Bãng-y tɩ Meed-rãmbã ne Pɛrs-rãmbã tõog yetame tɩ rĩm sã n vigl tõogo, wall b rɩk noore, n tik b nugu, tõ-kãng ka tõe n tek ye.»

A Dãniyɛlle 6:16 Iomraidhean Croise

2 Sãmwɛlle 3:39

Baa ne b sẽn pʋdg mam zug rĩung kaam tɩ m lebg rĩmã, mam ket n ka tar pãng ye. La nin-bãmbã sẽn yaa a Seruza kambã nen-keglem yɩɩda maam. Ned ning sẽn maan-a wẽnga, bɩ Sẽn-Ka-Saab rol yẽnda wa sẽn zems wẽng ning a sẽn maanã.»

A. Zoobe 5:19

Bãmb na n fãaga foom tood a yoob pʋga, la a yopoe soabã ka na n paam foom ye.

Yelbũna 29:25

Ninsaal zoees wata ne yelle, la yell kõn paam sẽn teeg-a Wẽnnaam ye.

A Ezayi 41:10

Da zoe rabeem ye, bala, mam bee ne foom. Da maan yɩɩr ye, bala, mam yaa fo Wẽnnaam. Mam kõta foom pãnga, la m na n wa sõnga foom, mam na n tebenda foom ne m nug-rɩtg sẽn tõogdã.

A Ezayi 43:2

Fo sã n pɩʋʋgd koom, mam na n zĩnda ne foom. Fo sã n dʋʋgd kʋɩlse, koomã ka na n loog ne foom ye. Fo na n kẽna bugum pʋga, la bugmã kõn dɩ foom ye, bug-witmã kõn sãam foom ye.

Zeremi 26:14

Sã n yaa sẽn kẽed ne mam wɛɛngẽ, ade, mam bee y nugẽ. Maan-y sẽn ta yãmb yam, la sẽn zems y nifẽ.

Zeremi 38:5

Rĩm a Sedesiyaas leoka bãmb yaa: «Yẽnda la woto, a bee yãmb nugẽ. Maam a rĩmã ka tõe n gɩdg yãmb ye.»

Zeremi 38:6

Dẽ, nanambsã yõka a Zeremi, n bao wĩy n sik-a rĩmã biig a Malkiya bulgã sẽn be gũudbã zakẽ wã pʋga. La bulgã rag n ka tar koom ye, yaa begd bala. Dẽ, a Zeremi suda begdã pʋga.

Zeremi 39:17

La badaare, mam na n fãaga foom n ka bas tɩ f lʋɩ neb nins sẽn kẽesd foom dabeemã nugẽ ye. Maam a Sẽn-Ka-Saab n yeele.

A Dãniyɛlle 3:15

Moasã bɩ y segl y mense, tɩ wakat ning b sẽn na n leb n peeb baorgã ne wɩɩgã, la b wẽ kondã ne pɛndgã la ruudgã, la b peeb tãntãoogã, la b wẽ yʋʋm-teedã buud fãa wã, bɩ y wõgemd n waoog sãnem bõn-naandgã mam sẽn luglã. La yãmb sã n ka sak n wõgemd n waoog-a, wakat-kãng bala, b na n loba yãmb wʋng sẽn wɩng wʋsg pʋgẽ. La d na gese, wẽnnaam-bʋg n na n wa fãag yãmb mam nugẽ.»

A Dãniyɛlle 3:17

Sã n yaa tɩ yãmb na n loba tõnd wʋngã bug-witim pʋgẽ, tõnd Wẽnnaam ningã tõnd sẽn tũudã tõe n fãaga tõndo, la bãmb na n fãaga tõnd wʋngã bug-witim pʋgẽ, la b fãag tõnd yãmb nugẽ.

A Dãniyɛlle 3:28

Rĩm a Nebukatnedzaar zẽka a koɛɛg n yeel yaa: «Bɩ a Sadrak ne a Mesak la a Abednego Wẽnnaamã paam pẽgre. Bala, bãmb tʋma b malɛɛk t'a wa n fãag b tʋmtʋmdbã. A Sadrak ne a Mesak la a Abednego kɩsa sɩd ne b Wẽnnaamã, n kɩɩs rĩmã noore, n gẽneg b yõore, n ka sak n na n wõgemd n waoog Wẽnnaam a to tɩ sã n ka bãmb Wẽnnaamã bal ye.

A Dãniyɛlle 6:20

La rĩmã sãda beoogo, zĩigã sẽn dat n yẽeg sasa, n wudg tao-tao n kẽng gɩgma wã bokẽ.

A Dãniyɛlle 6:7

Woto, taoor dãmb a yiibã, ne nanambsã zemsa taab noor a yembre, n kẽng rĩm a Daryuus nengẽ n tɩ yeel-a yaa: «N-na! Wẽnd na kaoos-yã!

Tʋʋma 24:27

La yʋʋm a yiib sẽn looge, a Porkiuus Festuus reega a Feligs zĩig n yaa Gʋvɛrneere. La a Feligs sẽn dat n maan sẽn noom Zʋɩf-rãmbã, a ka kõ a Poll lohorem ye.

Tʋʋma 25:11

Mam sã n da tarẽ kongre, la m sã n da maane tʋʋm sẽn zems ne kũum, mam kõn zãgs tɩ m kõ n ki ye. La b sẽn dõt maam ne bũmb ningã sã n yaa zĩrẽ, ned ka tõe n yõk maam n kõ-b ye. Mam data rĩm a Sezaar nengẽ.

Tʋʋma 25:9

Dẽ, a Festuus sẽn dat n maan sẽn noom Zʋɩf-rãmbã, yẽ soka a Poll yaa: Fo rat n kẽnga Zeruzalɛm tɩ b tɩ bʋ f bʋʋd mam taoor yel-kãngã poorẽ bɩ?

Rom Dãmba 13:3

Ned sã n maand neere, a ka yɛɛsd sẽn zãad-b tẽng ye. Yaa a sẽn maand wẽng la a yɛɛsd-ba. Fo ratame n da zoe pãn-soaad dabeem? Maan neere, la a na yeel tɩ f sẽn maanda yaa sõama.

2 Korẽnt rãmba 1:10

Yaa Wẽnnaam‑kãng n fãag tõndo, la b na fãag tõnd ne kũum a woto buudu. N‑ye tõnd tara tẽ-kãngã tɩ b na n leb n fãaga tõnd yɛsa.