A Dãniyɛlle 5:7 - WẼNNAAM SEBRE 2014

⁷ La rĩmã tãsame, n yeel tɩ b tɩ bool bãngdbã ne Kalde rãmbã bãngdbã, ne bag-bʋgdbã tɩ b wa. Dẽ, rĩmã yeela bãmb yaa: «Ned ning sẽn na n tõog-a n karm-a gʋlsmã, la a bilg a võorã n kõ-ma, b na n yeelga a soabã naam fuugu, la b pid a soabã kokor sãnem yãndo, la b kõ-a naam n kɩt t'a yɩ tãabẽ-soab mam soolmã nanambs sʋka.»

A Dãniyɛlle 5:7 Iomraidhean Croise

Sɩngrẽ 41:8

Beoogã sẽn vẽege, Faarõ pɛlengã yɩkame t'a kɩt tɩ b bool tɩtã-rãmb fãa ne Ezɩpt tẽngã tɩtã-rãmb zãng tɩ b wa. La Faarõ togsa bãmb yẽnda zãmsdã sẽn yɩ to-to. La bãmb ned baa a yembr ka tõog n na n bilg zãmsd baa a yembr võor n kõ Faarõ ye.

A Ɛstɛɛre 3:1

Yel-kãens fãa loogr zugẽ, rĩm a Asiruus waooga Agaag ned a Hamedata biig a Haman n zẽk-a ne waoogr n kɩt t'a naamã yɩɩg a nanamb-taasã fãa.

Yikri 7:11

La Faarõ me boola yam dãmba ne tɩtã-rãmbã. Dẽ, Ezɩpt tɩtã-rãmb me maana woto ne bãmb tɩɩmã.

Yelbũna 1:9

Bãmb na n yɩɩ maanf sẽn yaa neer sẽn be f zugẽ, la kĩndi sẽn be f loorẽ.

A Salmo yɩɩla 1:10

Fo yɛgã yaa neeb n be fo tʋblondã sʋka. La fo yublã toga ne lo-yɛrga.

A Ezayi 47:13

Fo saglsã kosg kɩtame tɩ fo yɛ. Dẽ wã, bɩ sẽn mi-b yĩngr yɛla, la sẽn get-b ãds n togsd yɛlã, la sẽn tar-b bũmb ki-paalg fãa n togsdẽ wã, yik n fãag-fo!

Zeremi 50:35

Sẽn-Ka-Saab yetame: Bɩ zabr sʋʋg kʋ Kalde nebã! Bɩ a kʋ Babilond nebã ne a nanambsã la a yam dãmbã.

Ezekiyɛl 16:11

Mam nagsa foom ne fan-teedo, n ning f nusã zũyã, la m ning f loorã kĩndfu.

A Dãniyɛlle 1:20

Yɛl nins fãa sẽn kẽed ne yam la bãngrã wɛɛngẽ, rĩmã sã n sokd n dat n bãng b võore, a mikdame t'a Dãniyɛll dãmb yɩɩda tɩtã-rãmba, ne bãngdbã sẽn be yẽnda soolmã fãa pʋgẽ wã naoor piiga.

A Dãniyɛlle 1:4

n yãk kom-bɩɩs kẽer sẽn ka tar zang b yĩngẽ wã, la sẽn yaa ra-sãmbã, n tar yam buud fãa, la bãngr ne minim, n tõe n tʋm na-yirã. La bɩ b zãms-b Kalde rãmbã buud goamã, ne sɛbã kaorengo.

A Dãniyɛlle 2:2

Rĩm a Nebukatnedzaar kɩtame tɩ b bool tɩtã-rãmbã, ne bãngdbã, la bag-bʋgdbã ne Kalde rãmbã bãngdbã fãa, tɩ b wa bilg yẽnda a zãmsdã võore. La bãmb fãa waa rĩmã nengẽ.

A Dãniyɛlle 2:27

A Dãniyɛll yalsa rĩmã taoor n leok n yeele: «Yel-solemd ning rĩmã sẽn dat n bãng a võorã, ka bãngdbã, wall bãngdb ne tɩtã-rãmb n tõe n bilg yãmb a võorã ye.

A Dãniyɛlle 2:48

Dẽ poore, rĩm a Nebukatnedzaar zẽka a Dãniyɛll n kõ-a naam, ne kũun-kãsems wʋsgo. Rĩmã kɩtame t'a Dãniyɛll lebg Babilond soolmã naaba, la Babilond tẽngã yam-dãmbã fãa na-kãsenga.

A Dãniyɛlle 2:6

La yãmb sã n tõog n togs maam m zãmsdã, la y tõog n bilg a võorã, mam na n kõo yãmb kũun wʋsgo, la waoog-kãsenga. Dẽ yĩngã, togs-y maam m zãmsdã, la y bilg a võorã.»

A Dãniyɛlle 4:14

Yam-yãk-kãngã yaa noor gũudbã sẽn kõ, La no-kãng yaa malɛgsã yam-yãkre. Sẽn na yɩlẽ tɩ bõn-vɩɩsã bãnge, tɩ yaa Wẽnnaam Sẽn-Ka-To wã n so ninsaalbã rĩungã fãa, bãmb kõt-a-la b sũur sẽn noom ne a soaba. La yaa bãmb n tõe n kɩt tɩ nin-talg wa lebg naaba.

A Dãniyɛlle 5:11

Ned a yembr n be yãmb soolmẽ wã n tar wẽnnaam-sõmyã sɩɩga. Yãmb ba wã zamaanẽ, b mikame t'a yaa ned sẽn tar vẽnegre, bãngre la a tar yam wa wẽnnaam-dãmbã yam. Dẽ kɩtame, tɩ rĩm a Nebukatnedzaar sẽn yaa yãmb ba wã yãk-a n kɩt t'a lebg tɩtã-rãmb ne bãngdbã, la Kalde rãmba bãngdbã ne bag-bʋgdbã fãa naaba. Yaa yãmb ba wã n dag n maan woto.

A Dãniyɛlle 5:15

Ade, b talla yam-dãmbã ne bãngdbã n wa mam nengẽ, n yeel-b tɩ b karem gʋlsmã fo sẽn ne wã, la b bilg a võor n kõ-ma. La bãmb ka tõog ye.

A Dãniyɛlle 5:16

B yeela maam tɩ fo yaa ned sẽn tõe n kõ yel-soalem bilgri, la f tõe n wilg yel-tood manegr soayã. Dẽ wã, fo sã n tõog n karem gʋlsmã fo sẽn ne wã, la f bilg a võorã n kõ maam, b na n yeelga foom naam fuugu, la b pid fo yublã sãnem yãndo, la b kɩt tɩ f lebg soolmã naab a tãabẽ soaba.»

A Dãniyɛlle 5:29

La wakat-kãng bala, rĩm a Bɛlsatzaar kõo noor tɩ b yeelg a Dãniyɛll naam fuugu, la b pid a yublã sãnem yãndo, la b moon n yeel t'a Dãniyɛll lebga naab a tãabẽ soab soolmã pʋga.

Sõadga 22:17

Fo sã n wa, mam na n kõ-f-la waoogr wʋsgo, la bũmb ning fãa fo sẽn na n kos maam, mam na n maan n kõ-f lame. Mam sẽn kot foom bala, yaa tɩ f wa kãab nin-bãmbã wẽng n kõ-ma.»

Sõadga 22:7

Dẽ, Moaab ne Madiyã kãsem-dãmbã zãa kũun n kẽng n na n tɩ kõ bãngd a Balaam. La bãmb sẽn ta a Balaam nengẽ, b togs-a-la a Balak koɛɛgã.

Sõadga 24:11

Moasã wã, kẽng n looge, kuil f yiri. Mam da pʋlma foom tɩ m na n kõ-f-la waoogr wʋsgo, la Zu-soabã mong-f-la waoog-kãnga.»

1 Sãmwɛlle 17:25

Israyɛll nebã rag n yetame: Yãmb nee rao-kãngã sẽn watã? Yẽnda wat n na n baoo Israyɛll nebã noore. Ned ning sẽn na n tõog-a n kʋ rao-kãngã, rĩmã na n kõ a soab arzegs wʋsgo, la a rɩk a bi-pugl n kõ-a t'a maan a paga, la b kɩt t'a ba wã ra leb n yao yõor yaood ye.