A Dãniyɛlle 5:23 - WẼNNAAM SEBRE 2014

²³ Yãmb zẽka y meng n kɩɩs Zu-soabã sẽn be saasẽ wã. Yãmb kɩtame tɩ b tall Zu-soabã roogã laasã n wa kõ yãmba, tɩ yãmb ne y nin-kãsemsã, la y pagbã, ne y pʋg-rɩkdsã tall-b n yũ reezẽ rãam. Yãmb waooga y wẽn-naandsã sẽn maan ne wanzuri, la sãnem, la zũudu, ne kutu, la raad ne kugã. Bãmb yaa wẽnnaam-dãmb sẽn ka ne, la b ka wʋmde, la b ka tar bãngr ye. Yãmb ka waoog Wẽnnaam ning sẽn so-a yãmb vɩɩmã, ne bũmb nins fãa yãmb sẽn maandã ye.

A Dãniyɛlle 5:23 Iomraidhean Croise

Sɩngrẽ 14:19

Yẽnda ninga a Abram bark n yeele: «Abram, bɩ Saasẽ-Pãng-Soab a Wẽnnaam, sẽn yaa-a yĩngr la tẽng naandã, ning foom a Abram zug barka!

Sɩngrẽ 2:7

Wẽnnaam Sẽn-Ka-Saab yãka tẽngã tom n maan ninsaala. La Wẽnnaam fʋʋsa ninsaal yõ-bogdã pʋga, n ning vɩɩm ninsaal pʋgẽ. La ninsaal lebga nin-vɩɩga.

2 Rĩm-dãmba 14:10

Fo zabame n tõog Edom nebã tɩ f pẽgd f menga. Kell n pa pẽg-m-men-kãng pʋga, la f kell n pa f tẽngẽ. Bõe yĩng tɩ f na n yik n bao yell n kõ f menga? Fo na n sãamame, la Zʋʋda nebã me na n naaga foom n sãame!› »

A. Zoobe 12:10

Bõn-vɩɩsã fãa vɩɩm bee bãmb nugẽ, la ninsaal buud fãa vʋʋsem saga b nugẽ.

A. Zoobe 31:4

Wẽnnaam dag n ka ne mam yel-manesmã sɩda? Bãmb ka mi mam nao-yakmã fãa sõor sɩda?

Yɩɩn‑sõamyã 104:29

Yãmb sã n solg y nenga, rabeem yõkd-b lame. Yãmb sã n deeg b vʋʋsmã, b kiidame n lebs tẽngã a tom.

Yɩɩn‑sõamyã 115:16

Yĩngr yaa Sẽn-Ka-Saab n so, la b rɩka tẽngã n kõ ninsaalbã.

Yɩɩn‑sõamyã 139:3

Yãmb feesda maam m kẽnd wakate, la m sẽn gãe n vʋʋsdẽ wakate. Yãmb mii mam manesmã fãa.

Yɩɩn‑sõamyã 146:4

Bãmb vɩɩmã loogdame, b lebsda tẽngã a tom, la badaar bala, b saagrã tũud-b lame n menem.

Yelbũna 20:24

Sẽn-Ka-Saab n wilgd ninsaal a sore. Ninsaal na n yɩ a wãn n bãng a sore?

A Ezayi 13:11

Mam na n sɩbga ninsaalbã, wẽng ning b sẽn maanã yĩnga, la m sɩbg nin-wẽnsã b kongrã yĩnga. Mam na n kɩtame tɩ tɩtaam dãmbã wuk-m-mengã sɛ, Mam na n sika nin-toosã b zẽk-m-mengã pʋga.

A Ezayi 14:13

Fo rag n yetame: «Mam na n dʋʋ n taa saasẽ, mam na n zẽka m naamã geer n zʋʋg Wẽnnaam ãdsã, Mam na n zaoonda sɛk tãngã zugu, tãng ning sẽn be rɩtg hal zĩ-zãrgẽ wã.

A Ezayi 2:12

Bala, yaa Saasẽ-Pãng-Soabã daare. Bãmb na n sika tɩtaam la zẽk-m-meng fãa, la b sik bũmb ning fãa sẽn wukd a menga.

A Ezayi 33:10

Sẽn-Ka-Saab yetame: «Moasã, mam na n yikame, moasã, mam na n yalsa yĩngri, moasã, mam na n paama zẽkre.

A Ezayi 37:19

n wʋk b wẽnnaam-dãmbã n yõog bugum, n menes-b zãnga. Sɩdã, wẽnnaam-bãmb rag n ka wẽnnaam-dãmb sɩd-sɩd ye. Bala, rag n yaa raad ne kug wẽn-naands ninsaalb nus sẽn maane.

A Ezayi 37:23

Yaa ãnda la fo sẽn tʋʋs la f paoogã? Yaa ne ãnda la fo sẽn zẽk f koɛɛgã? Fo zẽka f neng yĩngr n zabd ne Israyɛll Pʋ-Peelem-Soabã!

A Ezayi 42:5

Ade, Wẽnnaam Sẽn-Ka-Saab sẽn naan saasẽ n ning a zĩigẽ wã, la b yɛdg tẽn-gãongã ne a pʋgẽ teedã, n yaa soab ning sẽn kõt nebã sẽn be a pʋgẽ wã vɩɩmã, la b kɩt tɩ bũmb nins sẽn saagd tẽn-gãongã zugã tar vʋʋsmã yetame:

Zeremi 10:23

Sẽn-Ka-Saabo, mam miime tɩ ninsaal ka tar noor ne a vɩɩm sẽn na n yɩ bũmb ning ye. Ninsaal ka so a meng vɩɩm yell ye.

Zeremi 48:26

Yũnug-y-yã-a t'a tɩge, bala, yẽnda yik n zabda ne Sẽn-Ka-Saabo! Kɩt-y tɩ Moaab bilim a wʋbdẽ wã, tɩ nebã yaal yẽnda me!

Zeremi 50:28

Neb sẽn yi Babilond tẽng n zoe n põsã wilgda Sɩyõ pʋgẽ tɩ Sẽn-Ka-Saab sẽn yaa tõnd Wẽnnaamã rokda b sũuri. Bãmb dokda b sũur b roogã yĩnga.

Zeremi 50:29

Bool-y tãb-tãoodbã tɩ b wa zab ne Babilonde! Bool-y neb nins fãa sẽn mi tãp tãoobã tɩ b wa zab ne-a! Tilg-y y tãb-sikã n gũbg-a, n da bas ned ba a yembr t'a põs ye! Yao-y-yã-a wa sẽn zems a tʋʋmã, maan-y-yã-a wa a sẽn dag n maanã, bala, yẽnda wuka a meng ne Sẽn-Ka-Saab sẽn yaa Israyɛll Pʋ-Peelem-Soabã.

Ezekiyɛl 28:17

Fo ra-sãndã yĩnga, fo wuka f menga. La fo ziirã yĩnga, fo sãama f yamã. Woto yĩnga, mam lobda foom tẽnga, n kɩt tɩ f lebg rĩm-dãmb a taabã bõn-gɛtla.

Ezekiyɛl 28:2

«Ninsaala, yeel Tɩɩr naabã tɩ Zu-soab a Sẽn-Ka-Saab yetame: ‹Fo wuka f meng n yeele: Mam yaa wẽnnaam, mam zĩi wẽnnaam-dãmbã sʋka, ko-kãsemsã sʋka.› Fo yaool n ka wẽnnaam ye. Fo yaa ninsaal bala. Fo rɩkda f tagsgã wa wẽnnaam tagsgo!

Ezekiyɛl 28:5

Fo sẽn mi leebg sõama wã yĩnga, fo arzegsã lebga wʋsgo. La fo wuka f meng f arzɛkã yĩnga.»

Ezekiyɛl 31:10

Bõn-kãng yĩnga, ade, maam a Zu-soab a Sẽn-Ka-Saab yetame: «Yẽnda rag n yaa woko, la yẽnda zugã woglem dag n yɩɩda tɩɩs a taabã sẽn bĩmã. Yẽnda rag n wukda a meng a woglmã yĩnga.

A Dãniyɛlle 11:12

La Ezɩpt rĩmã na n wuka a meng a tõogrã yĩnga, la baa ne yẽnda sẽn tõog n sãam tãb-biis wʋsgã, yẽnda ka na n paam tõogr ye.

A Dãniyɛlle 8:11

Yẽnda tol n zẽkame n tãag tãb-biisã Naabã, a rẽgma maoong ning sẽn maand daar fãa wã maanego, ne a zĩ-sõngã.

Abakuk 2:4

«Gese, bãmb wukda b mense, n ka maand sẽn yaa tɩrg ye, la nin-tɩrg na n vɩɩmda a tẽebã yĩnga.

Tʋʋma 17:25

la b ka baood me tɩ ninsaalb tʋm ne b nus n sõng-b wa bũmb n paoog-b ye. Bala, yaa bãmb n kõt ninsaalbã vɩɩm, la vʋʋsem, la bũmbã fãa.

1 Korẽnt rãmba 8:4

Sã n yaa ne maandã b sẽn kʋ wẽn-naandsã nemd wãbr yelle, tõnd miime tɩ wẽn-naandg ka be dũni ye, la tɩ Wẽnnaam a yembr bal n be.

1 Tɩmote 3:6

Yẽnda ka tog n yɩ sug-kot‑paalg ye, sã n ka rẽ, a tõe n kẽe wuk-m-meng pʋgẽ, n paam sɩbgr ning wẽng soabã sẽn na n paamã.

Ebre rãmba 4:13

Bõn-naandg baa a yembr ka be Wẽnnaam sẽn ka ne ye. Bũmb fãa yaa vẽenes la bɛɛl ne soab ning tõnd sẽn na n yals a taoor n togs d yɛlã.

Vẽnegre 9:20

La neb a taabã sẽn kell tɩ to-kãensã ka kʋ wã ka tek yam n kos sugr tʋʋm nins b nusã sẽn tʋmã yĩng ye. Bãmb ka bas zĩn-dãmb ne wẽn-naands sẽn maan ne sãnem la wanzuri, la zũudu, la kuga, la raadã waoogr ye. Wẽn-naandsã ka tõe n yãnd wall b wʋme, wall b kẽn ye.

Bʋ-kaoodba 16:23

Daar a yembre, Filistẽ-dãmbã nanambs tigma taab n na n maan maoon-kãseng n kõ b wẽn-naandg a Dagõ, la b maan sũ-noogo. Bãmb yeelame yaa: «Tõnd wẽnnaamã yõka d bɛ a Samsõ n kõ-do.»

1 Sãmwɛlle 17:26

A Davɩɩd soka neb nins sẽn dag n pẽ yẽnda wã yaa: «Ned sã n tõog n kʋ Filistẽ dao-kãngã n dok Israyɛll nebã yãndã, b na n kõ a soab bõe? Filistẽ nin-kãngã yaa ãnda, n paoogd Wẽnnaam sẽn vɩ tãb-biisã? Ned sẽn ka kẽ bãongo!»

1 Sãmwɛlle 17:36

Yaa woto la mam maan n kʋ gɩgmã ne kata. La a na n yɩɩ woto me ne Filistẽ nin-kãngã sẽn ka kẽ bãongã, bala, yẽnda paooga Wẽnnaam sẽn vɩ wã tãb-biisi!»