A Dãniyɛlle 5:21 - WẼNNAAM SEBRE 2014

²¹ La b riga rĩm a Nebukatnedzaar n yiis ninsaalb sʋka, n kɩt tɩ b yamã menem, tɩ b lebg wa rũnga, la bãmb rag n tɩ vɩɩ ne we-rũmsi, la b rag n kõta bãmb yamd wa naafo. La meenem dʋʋga bãmba, hal tɩ ta wakat ning bãmb sẽn wa n bãng tɩ Wẽnnaam Sẽn-Ka-To wã n so ninsaalbã fãa naamã n kõt b sẽn dat-a soabã.

A Dãniyɛlle 5:21 Iomraidhean Croise

A. Zoobe 39:5

Ãnda soab n bas we-bõang t'a saad yaare? Ãnda soab n logs a sẽbrã n kõ-a lohorem?

Ezekiyɛl 17:24

Woto, weoogã tɩɩs fãa na n bãngame tɩ yaa maam la Sẽn-Ka-Saabo, la yaa maam n sik tɩɩg ning b sẽn dag n zẽkã, la m zẽk tɩɩg ning b sẽn dag n sikã, la yaa maam n kʋɩɩs tɩ-maasrã, la m kɩt tɩ tɩ-koɛɛngã ning puudu. Yaa maam a Sẽn-Ka-Saab n gome, la m na n maan-a lame.»

A Dãniyɛlle 4:14

Yam-yãk-kãngã yaa noor gũudbã sẽn kõ, La no-kãng yaa malɛgsã yam-yãkre. Sẽn na yɩlẽ tɩ bõn-vɩɩsã bãnge, tɩ yaa Wẽnnaam Sẽn-Ka-To wã n so ninsaalbã rĩungã fãa, bãmb kõt-a-la b sũur sẽn noom ne a soaba. La yaa bãmb n tõe n kɩt tɩ nin-talg wa lebg naaba.

A Dãniyɛlle 4:17

Tɩɩgã yãmb sẽn yã tɩ lebgd bedrã, hal t'a pãngã paasdẽ, t'a zugã tẽkd sa-gãongã, tɩ sẽn be-b dũniyã kɩremsã fãa ne-a wã,

A Dãniyɛlle 4:22

‹B na n diga yãmb n yiis ninsaalbã sʋka, tɩ yãmb tɩ vɩɩmd ne we-rũmsi. La b na n kɩtame tɩ yãmb wãbd yamd wa niigã. Meenem na n dʋʋga yãmba, la yãmb na n vɩɩmda a woto tɩ ta yʋʋm a yopoe, hal tɩ yãmb wa n bãng tɩ yaa Sẽn-Ka-To n so ninsaalbã naamã fãa, la bãmb kõt-a-la b sẽn dat-a soaba.

A Dãniyɛlle 4:25

Bũmb nins fãa a Dãniyɛll sẽn togs rĩm a Nebukatnedzaar wɛɛngẽ wã paama pidsgu.

A Dãniyɛlle 4:26

Kiis piig la a yiib loogr zugẽ, daar a yembre, Babilond tẽngã pʋga, rĩmã rag n bee a na-yirã yĩngr doogã zugu, n kẽnd n gilimdẽ.

A Dãniyɛlle 4:34

Moasã, maam a Nebukatnedzaar pẽgda saasẽ dĩm-kãsengã, la m waoogd-ba, n balemd-ba. Bãmb tʋʋmã fãa yaa sɩda, la b soayã yaa tɩrse. Yaa bãmb bal n tõe n sik wuk-m-mens rãmbã.»

A Dãniyɛlle 5:18

N-na! Wẽnnaam Sẽn-Ka-To wã rag n kõo yãmb ba a Nebukatnedzaar rĩungã, n kɩt tɩ b yɩ rĩm-kãseng sẽn tar waoogre, la ziiri.