A Dãniyɛlle 5:17 - WẼNNAAM SEBRE 2014

¹⁷ A Dãniyɛll leoka rĩmã yaa: «N-na, y tõe n talla y kũunã, y leb n tõe n dɩk-a lame n kõ ned a to. La baoosgo, mam na n karma gʋlsmã, la m bilg a võorã n kõ-yã.

A Dãniyɛlle 5:17 Iomraidhean Croise

Sɩngrẽ 14:23

tɩ mam ka na n yãk yãmb bũmb baa fɩ ye, baa fu-pĩim mengã, wall neoodr sẽbdg meng ye. Tɩ yãmb da wa n yeel tɩ yaa yãmb maasem yĩng la maam a Abram lebg arzɛk soab ye.

2 Rĩm-dãmba 3:13

A Eliize yeela Israyɛll dĩmã yaa: «Mam toor ka be ne yãmb ye! Kẽng-y yãmb ba wã ne y ma wã no-rɛɛsdb nengẽ.» Dẽ, Israyɛll dĩmã yeela a Eliize yaa: «Ayo, m ka na n kẽng be ye! Bala, Sẽn-Ka-Saab talla tõnd d tãabã n na n wa kõ Moaab rãmbã tɩ b kʋ.»

2 Rĩm-dãmba 5:16

A Eliize leoka yẽnda n yeele: «Mam wẽenda ne Sẽn-Ka-Saab sẽn vɩ wã, mam sẽn yaa-a soab tʋmtʋmdã, tɩ mam kõn deeg bũmb ye!» La a Naama pẽdga a Eliize n dat t'a sak n deeg kũunã, la a Eliize zãgsame t'a ka na n deeg ye.

2 Rĩm-dãmba 5:26

Woto, a Eliize yeela a Geyaazi yaa: «Fo tẽedame tɩ raoã sẽn wa n sig a saarã zug n segd foomã, mam ka yã la? Rẽ yĩnga, yaa wakat fo sẽn tog n deeg fu-neeba, la wanzuri sẽn na n yɩl n da oliiv tɩɩse, ne vĩy pʋto, la rũm-bɛd ne rũm-bãoonego, la f paam yem-daad ne yem-pogs sɩda?

Yɩɩn‑sõamyã 119:46

Mam na n kɩsa yãmb kasetã rĩm-dãmb taoore, n ka tol n zoe yãnd ye.

A Dãniyɛlle 2:6

La yãmb sã n tõog n togs maam m zãmsdã, la y tõog n bilg a võorã, mam na n kõo yãmb kũun wʋsgo, la waoog-kãsenga. Dẽ yĩngã, togs-y maam m zãmsdã, la y bilg a võorã.»

A Dãniyɛlle 5:29

La wakat-kãng bala, rĩm a Bɛlsatzaar kõo noor tɩ b yeelg a Dãniyɛll naam fuugu, la b pid a yublã sãnem yãndo, la b moon n yeel t'a Dãniyɛll lebga naab a tãabẽ soab soolmã pʋga.

Tʋʋma 8:20

La a Pɩyɛɛr yeela yẽnda yaa: Bɩ f ligdã naag foom n sãam, fo sẽn tẽed tɩ ligd tõe n daa Wẽnnaam kũunã yĩnga.