A Dãniyɛlle 5:13 - WẼNNAAM SEBRE 2014

¹³ Dẽ, b talla a Dãniyɛll n kẽng rĩmã nengẽ. La rĩmã soka a Dãniyɛll yaa: «Yaa foom la a Dãniyɛll bɩ? Fo yaa yembs nins mam ba a Nebukatnedzaar sẽn dag n yõg Zʋʋda n tall n wa ka wã ned a yembr bɩ?

A Dãniyɛlle 5:13 Iomraidhean Croise

Esdras 10:16

La neb nins sẽn dag n yi yembdã pʋg n wa wã maana wa b sẽn yeelã. Dẽ, b welga maan-kʋʋd a Ɛsdraas toore, la b welg Israyɛll buudã nanambsã toor-toore, n bool ned kam fãa ne a yʋʋre. Dẽ, bãmb tigma taab kiuug piig soabã pipi daare, n na n bao n bãng yellã võore.

Esdras 10:7

La b yiisa koɛɛg tɩ saag Zeruzalɛm ne Zʋʋda tẽngã pʋg n wilgi, tɩ neb nins sẽn yi yembdã pʋg n wa wã fãa tigim taab Zeruzalɛm.

Esdras 4:1

Wakat-kãnga, Zʋʋda ne Benzame buudã bɛɛbã sẽn wʋm tɩ sẽn yi-b yembdã pʋg n lebg n wa wã lebs n meta Sẽn-Ka-Saab sẽn yaa Israyɛll Wẽnnaamã roogo,

Esdras 6:16

Israyɛll nebã, ne Maan-kʋʋdbã, la Leevi buudã nebã, ne neb a taabã sẽn yi yembdã pʋg n lebg n wa wã maana Wẽnnaam doogã bark ningr tigr ne sũ-noogo.

A Dãniyɛlle 1:1

Zʋʋda rĩm a Yoyakim sẽn deeg naam tɩ yʋʋm tãablẽ, Babilond rĩm a Nebukatnedzaar yika zabr ne Zeruzalɛm n tɩ gũbg-a.

A Dãniyɛlle 1:2

La Zu-soabã basame t'a Nebukatnedzaar tõog Zʋʋda rĩm a Yoyakim n yõk-a, la a wʋk Wẽnnaam doogã teed kẽere. La a talla teedã n kẽng Sineyaar tẽnga, n tɩ bĩng-b a wẽnnaam-dãmbã roogẽ, b laogã bĩngr zĩigẽ.

A Dãniyɛlle 1:21

La a Dãniyɛll kell n paa na-yirã hal n tãag rĩm a Siruus naamã deegr yʋʋmde.

A Dãniyɛlle 1:6

Zʋʋda kom-bɩɩs nins b sẽn yãkã sʋka, a Dãniyɛll ne a Hananiya, la a Misayɛlle ne a Azariya rag n bee be.

A Dãniyɛlle 2:25

A Aryok peega a Dãniyɛll tao-tao n kẽng rĩmã nengẽ n tɩ yeel yaa: «Mam yãnda Zʋʋda yembsã sʋk ned a yembr sẽn na n kõ yãmb y zãmsdã bilgri.»

A Dãniyɛlle 2:48

Dẽ poore, rĩm a Nebukatnedzaar zẽka a Dãniyɛll n kõ-a naam, ne kũun-kãsems wʋsgo. Rĩmã kɩtame t'a Dãniyɛll lebg Babilond soolmã naaba, la Babilond tẽngã yam-dãmbã fãa na-kãsenga.

A Dãniyɛlle 5:11

Ned a yembr n be yãmb soolmẽ wã n tar wẽnnaam-sõmyã sɩɩga. Yãmb ba wã zamaanẽ, b mikame t'a yaa ned sẽn tar vẽnegre, bãngre la a tar yam wa wẽnnaam-dãmbã yam. Dẽ kɩtame, tɩ rĩm a Nebukatnedzaar sẽn yaa yãmb ba wã yãk-a n kɩt t'a lebg tɩtã-rãmb ne bãngdbã, la Kalde rãmba bãngdbã ne bag-bʋgdbã fãa naaba. Yaa yãmb ba wã n dag n maan woto.

A Dãniyɛlle 5:14

Mam wʋmame tɩ b gomd fo yell n yetẽ tɩ fo yaa ned sẽn tar wẽnnaam-sõmyã sɩɩga, tɩ la f tara vẽnegre, la bãngre, ne yam wʋsgo.

A Dãniyɛlle 5:18

N-na! Wẽnnaam Sẽn-Ka-To wã rag n kõo yãmb ba a Nebukatnedzaar rĩungã, n kɩt tɩ b yɩ rĩm-kãseng sẽn tar waoogre, la ziiri.

A Dãniyɛlle 5:2

La rĩm a Bɛlsatzaar yũu reezẽ rãamã n tɩge. Dẽ, a yeelame tɩ b kẽng n tɩ wʋk sãnemã ne wanzuri wã laasã yẽnda ba a Nebukatnedzaar sẽn dag n wʋk Zeruzalɛm Wẽnd doogã pʋgẽ wã, n tall n wa tɩ yẽnda ne a pagbã, la a pʋg-rɩkdsã ne a nin-kãsemsã tall n yũ rãam.

A Dãniyɛlle 6:13

Dẽ, bãmb lebg n leba rĩmã nengẽ n tɩ yeel-b yaa: «N-na! Yãmb ka vigl tõog n tik y nug n yeel tɩ rasem pis-tã wã pʋgẽ, ned ning sẽn bas-a yãmb n pʋʋs Wẽnnaam a to, wall a pʋʋs ned a to, b na n loba a soab gɩgmã wã bokẽ sɩda?» La rĩmã leokame tɩ yaa woto bala, wa sẽn zems Meed-rãmbã ne Pɛrs-rãmbã tõogã sẽn ka tekdã.

A Dãniyɛlle 8:1

Rĩm a Bɛlsatzaar naamã reegr yʋʋm a tãab soabã pʋga, maam a Dãniyɛll leb n yãnda vẽnegr a to, la yaa mam pipi vẽnegrã mam sẽn yã tɩ loogã poore.

A Dãniyɛlle 8:27

Maam a Dãniyɛll pãngã sɛɛme, la mam yɩɩ bãad rasem bilfu, la mam yĩnsã sẽn sigi, mam yiime n tɩ tʋm rĩmã yĩnga. La vẽnegrã yɩka mam pɛlenga, la mam ka tol n wʋm a võor ye.

A Zã Sõng 7:1

Rẽ poore, a Zeezi dag n saagda Galɩle, bala, b dag n ka rat n saag Zʋʋde ye. Bala, Zʋɩf-rãmbã dag n baooda bãmb n na n kʋ.

A Zã Sõng 7:3

A Zeezi ma-biisã yeela bãmb yaa: Yi ka n kẽng Zʋʋde tɩ f karen-biisã me paam n yãnd tʋʋm nins fo sẽn maandã.