A Dãniyɛlle 5:12 - WẼNNAAM SEBRE 2014

¹² Rao a Dãniyɛlle, yãmb ba wã sẽn pʋd-a soab yʋʋr t'a Bɛltasaarã, b mikame t'a yaa ned sẽn tar yam ne bãngre, n yɩɩd nebã fãa, n tõe n bilg zãmsdo, ne yel-soalem võyã, la a tõe n wilg yel-tood manegr soayã. Bɩ y kɩt tɩ b bool a Dãniyɛll t'a wa bilg a võorã n kõ-yã.»

A Dãniyɛlle 5:12 Iomraidhean Croise

Yɩɩn‑sõamyã 16:3

Pʋ-peelem dãmbã sẽn be tẽngã pʋgã, yaa neb sẽn tar ziiri, mam sũur nooma ne-ba.

Yelbũna 12:26

Nin-tɩrg wilgda a zoa so-sõngo, la nin-wẽns sor kẽesd-b-la moogo.

Yelbũna 17:27

Ned sẽn tõe a noor tara yam. Ned sẽn tõe a meng tara bãngre.

Ezekiyɛl 28:3

Ade, fo tara yam n yɩɩd a Dãniyɛlle, la bũmb ba a yembr ka solg ne foom ye.

A Dãniyɛlle 1:17

Wẽnnaam kõo kom-bɩ-bãmbã b naasã bãngre, la yam tɩ b tõog n bãng sɛbã fãa kaoreng ne yẽesem, la a Dãniyɛll dag n tara bãngr n tõe n bilg vẽnegr ne zãmsd fãa võyã.

A Dãniyɛlle 1:7

Rĩmã sõgen-kãsengã teka bãmb yʋya: A pʋda a Dãniyɛll t'a Bɛlsatzaare, n pʋd a Hananiya t'a Sadrake, n pʋd a Misayɛll t'a Mesake, la a pʋd a Azariya t'a Abednego.

A Dãniyɛlle 2:26

Rĩmã yeela a Dãniyɛll b sẽn pʋd a yʋʋr t'a Bɛlsatzaarã yaa: «Yaa sɩd tɩ fo tõe n togsa maam m zãmsdã, la f bilg-ma a võore?»

A Dãniyɛlle 4:19

n-na! Yaa yãmb la tɩɩgã. Yãmb lebga kãseng n tar pãnga, la yãmb kãosengã zẽkame hal n tat saasẽ, la yãmb naamã taa dũniyã kɩremsã fãa.

A Dãniyɛlle 4:8

Tɩɩgã ra lebgda woko, n paamd pãnga, t'a zugã tẽkd sa-gãongã. La baa neb nins sẽn dag n be dũniyã kɩremsã fãa wã ra ne-a lame.

A Dãniyɛlle 5:14

Mam wʋmame tɩ b gomd fo yell n yetẽ tɩ fo yaa ned sẽn tar wẽnnaam-sõmyã sɩɩga, tɩ la f tara vẽnegre, la bãngre, ne yam wʋsgo.

A Dãniyɛlle 5:16

B yeela maam tɩ fo yaa ned sẽn tõe n kõ yel-soalem bilgri, la f tõe n wilg yel-tood manegr soayã. Dẽ wã, fo sã n tõog n karem gʋlsmã fo sẽn ne wã, la f bilg a võorã n kõ maam, b na n yeelga foom naam fuugu, la b pid fo yublã sãnem yãndo, la b kɩt tɩ f lebg soolmã naab a tãabẽ soaba.»

A Dãniyɛlle 6:3

La rĩm a Daryuus yãka taoor dãmb a tãab tɩ b soog nanambsã fãa, la a Dãniyɛll dag n yaa taoor dãmb a tãabã ned a yembre. Sẽn na n yɩlẽ tɩ bũmb sã n beẽ, bɩ nanambsã tɩ yãnd taoor dãmbã n togse, tɩ ned ra wa maan rĩmã yell ye.

A Dãniyɛlle 6:4

La a Dãniyɛll dag n tara yam n yɩɩd nanambsã ne taoor dãmbã, hal tɩ rĩmã rag n tagsd n dat n kɩt t'a lebg soolmã fãa taoor soaba.

Kolos Rãmba 1:29

Yaa bõn-kãng yĩng la mam tʋmda, n tar bãmb pãngã sẽn maand a tʋʋmd mam pʋgẽ ne pãn‑kãsengã n maoodẽ.