A Dãniyɛlle 5:11 - WẼNNAAM SEBRE 2014

¹¹ Ned a yembr n be yãmb soolmẽ wã n tar wẽnnaam-sõmyã sɩɩga. Yãmb ba wã zamaanẽ, b mikame t'a yaa ned sẽn tar vẽnegre, bãngre la a tar yam wa wẽnnaam-dãmbã yam. Dẽ kɩtame, tɩ rĩm a Nebukatnedzaar sẽn yaa yãmb ba wã yãk-a n kɩt t'a lebg tɩtã-rãmb ne bãngdbã, la Kalde rãmba bãngdbã ne bag-bʋgdbã fãa naaba. Yaa yãmb ba wã n dag n maan woto.

A Dãniyɛlle 5:11 Iomraidhean Croise

Sɩngrẽ 41:38

La Faarõ yeela bãmb yaa: «Tõnd tõe n leb n yãnda ned sẽn tar yam wa nin-kãngã, tɩ Wẽnnaam Sɩɩgã be a zug sɩda?»

2 Sãmwɛlle 14:17

N-na! Sɩdã, m kotame tɩ yãmb goamã kɩt tɩ m yam gãande. Bala, m dĩmã, yãmb yaa wa Wẽnnaam malɛɛk bala. Y mii sõama ne wẽng n bake. Bɩ Sẽn-Ka-Saab sẽn yaa yãmb Wẽnnaamã zĩnd ne yãmba.»

Ezekiyɛl 28:3

Ade, fo tara yam n yɩɩd a Dãniyɛlle, la bũmb ba a yembr ka solg ne foom ye.

Ezekiyɛl 28:4

Fo sẽn tar yam ne bãngrã yĩnga, fo paama arzegse. Fo paama sãnem ne wanzuri n bĩng f laogã roogẽ.

A Dãniyɛlle 1:4

n yãk kom-bɩɩs kẽer sẽn ka tar zang b yĩngẽ wã, la sẽn yaa ra-sãmbã, n tar yam buud fãa, la bãngr ne minim, n tõe n tʋm na-yirã. La bɩ b zãms-b Kalde rãmbã buud goamã, ne sɛbã kaorengo.

A Dãniyɛlle 2:11

N-na! Yãmb sẽn kot bũmb ningã yaa toog wʋsgo. La ned ka be sẽn tõe n bãng bõn-kãngã n togs yãmba, sã n ka wẽnnaam-dãmbã bala. La wẽnnaam-dãmb-kãens me ka be ninsaalb sʋk ye.»

A Dãniyɛlle 2:22

Bãmb n vẽnegd yel-soalmã, Bãmb n mi bũmb ning sẽn solg lik pʋga, Bãmb sẽn beẽ, yaa vẽenem wakat fãa.

A Dãniyɛlle 4:18

t'a vãadã rag n yaa neerã, t'a biisã yaa wʋsg n sekd bõn-vɩɩsã fãa rɩlgrã, tɩ we-rũmsã wat n sõsd a tẽngrã, tɩ liuuli wã sẽn yɩgd yĩngrã wat n zaoonded a wilã zutã,

A Dãniyɛlle 4:5

Rẽ zugẽ, a Dãniyɛlle, b sẽn boond-a soab t'a Bɛlsatzaar wa mam wẽnnaamã yʋʋrã waa mam nengẽ, la wẽnnaam-sõmyã sɩɩgã rag n bee ne yẽnda. Mam togsa yẽnda m zãmsdã n yeele:

A Dãniyɛlle 4:6

«Bɛlsatzaare, fo yaa bãngdbã fãa naaba, la mam miime tɩ Wẽnnaam-sõmyã sɩɩgã bee ne foom, la yel-solemd ba a yembr ka be t'a bilgr yaa toog ne foom ye. Dẽ yĩngã, bɩ f bilg maam m zãmsdã võore.

A Dãniyɛlle 5:14

Mam wʋmame tɩ b gomd fo yell n yetẽ tɩ fo yaa ned sẽn tar wẽnnaam-sõmyã sɩɩga, tɩ la f tara vẽnegre, la bãngre, ne yam wʋsgo.

A Dãniyɛlle 5:7

La rĩmã tãsame, n yeel tɩ b tɩ bool bãngdbã ne Kalde rãmbã bãngdbã, ne bag-bʋgdbã tɩ b wa. Dẽ, rĩmã yeela bãmb yaa: «Ned ning sẽn na n tõog-a n karm-a gʋlsmã, la a bilg a võorã n kõ-ma, b na n yeelga a soabã naam fuugu, la b pid a soabã kokor sãnem yãndo, la b kõ-a naam n kɩt t'a yɩ tãabẽ-soab mam soolmã nanambs sʋka.»

Tʋʋma 12:22

La nebã dag n kelemdame n yetẽ: Ka ninsaal n gomd ye, yaa Wẽnd meng n gomde.

Tʋʋma 14:11

Neb kʋʋngã sẽn yãnd bũmb ning a Poll sẽn maanã, b zẽka b koees n yeel ne Likaoni-rãmbã goam tɩ yaa Wẽnnaam dãmb n dɩk yĩng n sig n wa bãmb sʋka.

Tʋʋma 16:16

Tõnd wa n dag n dabda pʋʋsg zĩigẽ, la tʋmtʋmd-poak a yembr sẽn yaa kĩnkir-bag n wa n seg tõndo. A zu-soben-dãmbã rag n paamda ligd wʋsg a bagrã bʋgb yĩnga.

Vẽnegre 3:9

Ade, mam na n ninga neb nins sẽn yaa a Sʋtãan tũudbã yãmb nugẽ. Bãmb yagda zĩrẽ n boond b mens tɩ Zʋɩf-rãmba, tɩ yaool n ka sɩd ye. Gese, mam na n kɩtame tɩ b wa n wõgemd yãmb taoore, la b bãng tɩ mam nonga yãmba.