A Dãniyɛlle 4:34 - WẼNNAAM SEBRE 2014

³⁴ Moasã, maam a Nebukatnedzaar pẽgda saasẽ dĩm-kãsengã, la m waoogd-ba, n balemd-ba. Bãmb tʋʋmã fãa yaa sɩda, la b soayã yaa tɩrse. Yaa bãmb bal n tõe n sik wuk-m-mens rãmbã.»

A Dãniyɛlle 4:34 Iomraidhean Croise

2 Sãmwɛlle 22:31

Wẽnnaam soayã zemsa zãnga, Sẽn-Ka-Saab goamã yaa sɩda, la b yaa gãongo, neb nins fãa sẽn soonded bãmb nengẽ wã yĩnga.

1 Kibayã 29:10

Dẽ, a Davɩɩd pẽga Sẽn-Ka-Saab zãma wã fãa taoor n yeele: «Sẽn-Ka-Saab sẽn yaa tõnd yaab a Israyɛll Wẽnnaam, reeg-y pẽgr zamaan woo zamaane!

1 Kibayã 29:13

Moasã, tõnd Wẽnnaam, tõnd pʋʋsda yãmb barka, la d balemda yãmb yʋʋrã sẽn tar ziirã.

A. Zoobe 1:21

n yeele: «Mam yi m ma pʋgẽ beelle, la mam na n leb n leba beelle. Sẽn-Ka-Saab n kõ, Sẽn-Ka-Saab n deege. Bɩ Sẽn-Ka-Saab yʋʋr paam pẽgre!»

Yɩɩn‑sõamyã 10:16

Sẽn-Ka-Saab yaa rĩm daar fãa, la wakat sẽn kõn sa. Bu-zẽmsã menema b soolmẽ wã.

Yɩɩn‑sõamyã 102:24

Sẽn-Ka-Saab booga mam pãngã m vɩɩmã wakate, bãmb kʋʋga mam yʋʋmã sõore.

Yɩɩn‑sõamyã 107:15

Bɩ b pʋʋs Sẽn-Ka-Saab bark b nonglmã yĩnga, ne bõn-bãn nins b sẽn maan ninsaalbã yĩngã yĩnga!

Yɩɩn‑sõamyã 107:22

Bɩ b maan bark pʋʋsg maando, la b kaas ne sũ-noog n moon bãmb tʋʋmã!

Yɩɩn‑sõamyã 107:31

Bɩ b pʋʋs Sẽn-Ka-Saab bark b nonglmã yĩnga, ne bõn-bãn nins b sẽn maan ninsaalbã yĩngã yĩnga!

Yɩɩn‑sõamyã 107:8

Bɩ b pʋʋs Sẽn-Ka-Saab bark b nonglmã yĩnga, ne bõn-bãn nins b sẽn maan ninsaalbã yĩngã yĩnga!

Yɩɩn‑sõamyã 111:7

Bãmb nug tʋʋmã yaa sɩd la tɩrse. Bãmb no-tũudsã zemsa teegre.

Yɩɩn‑sõamyã 121:1

Zeruzalɛm kẽnd yɩɩlle. Mam zẽka m neng n get tãmsã. «Mam sõngr na n yii yɛɛnẽ n wa?

Yɩɩn‑sõamyã 123:1

Zeruzalɛm kẽnd yɩɩlle. Sẽn-Ka-Saabo, mam zẽkda m neng n get yãmb sẽn be y naamã geer zug saasẽ wã.

Yɩɩn‑sõamyã 145:13

Yãmb naamã ka tar sɛɛb ye, la yãmb n so zamaan-dãmbã fãa.

Yɩɩn‑sõamyã 146:10

Sẽn-Ka-Saab na n dɩɩ naam wakat fãa. Sɩyõ nebã, bãmb yaa yãmb Wẽnnaam zamaan woo zamaane! Pẽg-y Sẽn-Ka-Saabo!

Yɩɩn‑sõamyã 50:14

Maoong fo sẽn tõe n maan Wẽnnaam yĩnga, yaa tɩ f pʋʋs-b barka, la f pids f pʋleng ne Sẽn-Ka-To.

Yɩɩn‑sõamyã 66:7

Bãmb n so fãa ne b pãngã wakat fãa, bãmb nin bee tẽmsã zutu. Bɩ kɩɩsdbã ra wuk b mens ye!

Yɩɩn‑sõamyã 7:17

Yẽnda tʋʋm-beedã lʋɩta a meng zugu, la a tʋʋm-wẽnsã sigda a meng zugu.

Yɩɩn‑sõamyã 9:2

Mam na n pʋʋsa Sẽn-Ka-Saab bark ne m sũur fãa. Mam na n togsa yãmb bõn-bãnã fãa.

Yɩɩn‑sõamyã 92:1

Yɩɩlle. Yaa vʋʋsg daar yɩɩlle.

A Ezayi 13:11

Mam na n sɩbga ninsaalbã, wẽng ning b sẽn maanã yĩnga, la m sɩbg nin-wẽnsã b kongrã yĩnga. Mam na n kɩtame tɩ tɩtaam dãmbã wuk-m-mengã sɛ, Mam na n sika nin-toosã b zẽk-m-mengã pʋga.

A Ezayi 2:11

Tɩtaam dãmbã na n paama paoogre, la zẽk-m-mens rãmbã na n paama yãnde. Badaare, yaa Sẽn-Ka-Saab yʋʋrã bal n na n paam zẽkre.

A Ezayi 24:15

Dẽ wã, waoog-y Sẽn-Ka-Saab zĩis nins wĩndg vẽenem sẽn tãoosdã pʋgẽ, waoog-y Sẽn-Ka-Saab sẽn yaa Israyɛll Wẽnnaamã yʋʋr tẽms nins sẽn be koom sʋkã pʋgẽ!

Zeremi 10:10

La Sẽn-Ka-Saab n yaa sɩd Wẽnnaam. Bãmb n yaa Wẽnnaam sẽn vɩ. Bãmb n yaa rĩm wakat fãa. Tẽngã rigimdida bãmb sũ-yikrã yĩnga. Buud ba a yembr ka tõe n yals bãmb sũ-puugrã pʋgẽ ye.

Kʋʋr yɩɩla 3:38

Rẽ yĩnga, tood ne noog fãa ka yit Sẽn-Ka-To nengẽ la?

A Dãniyɛlle 12:7

La mam wʋma ned ning sẽn yer-a fu-peels n yas koomã zugã sẽn gomde. La yẽnda zẽka a nus a yiibã n tees yĩngr n wẽen ne sẽn vɩ-a wakat sẽn kõn sa wã yʋʋr n yeele: «Bõn-yɛɛsdsã na n kaoosa yʋʋm a tãab la pʋɩ-sʋka. Wẽnnaam nin-sõamyã pãng sẽn na n sɛ wakat ningã, yaa wakat-kãng la bõn-yɛɛsds-kãensã fãa me na n sɛ.»

A Dãniyɛlle 2:44

Rĩm-bãmbã wakatã, saasẽ Wẽnnaamã na n kɩtame tɩ rĩung sẽn ka sãamd zĩndi. La buud a to neb kõn tol n tõog n deeg rĩun-kãng ye. Yẽnda na n wãa soolem-bãmb fãa n menes-ba, la a na n zĩnda wakat sẽn kõn sa.

A Dãniyɛlle 4:2

Mam zãmsa zãmsdo, la zãmsdã yɛɛsa maam. La tagsd nins m sẽn da tagsd m gãagẽ wã, ne vẽnegr nins mam sẽn yã wã rag n kẽesda maam dabeem.

A Dãniyɛlle 4:26

Kiis piig la a yiib loogr zugẽ, daar a yembre, Babilond tẽngã pʋga, rĩmã rag n bee a na-yirã yĩngr doogã zugu, n kẽnd n gilimdẽ.

A Dãniyɛlle 4:3

Dẽ, mam kɩtame tɩ b bool yam dãmb nins fãa sẽn be Babilond soolmã pʋgẽ wã, tɩ b tõe n wa bilg maam m zãmsdã võore.

A Dãniyɛlle 4:32

Dũniyã nebã fãa yaa wa zaalem bãmb taoore. Bãmb maanda b sẽn dat ne malɛgsã sẽn be saasẽ wã, la ne ninsaalbã sẽn be dũniyã zugã. Ned ka be n tar pãng n tõe n kɩɩs bãmb b naamẽ wã ye. La ned me ka be n tõe n sok tɩ yaa bõe la b maand ye.

A Dãniyɛlle 5:18

N-na! Wẽnnaam Sẽn-Ka-To wã rag n kõo yãmb ba a Nebukatnedzaar rĩungã, n kɩt tɩ b yɩ rĩm-kãseng sẽn tar waoogre, la ziiri.

A Dãniyɛlle 5:21

La b riga rĩm a Nebukatnedzaar n yiis ninsaalb sʋka, n kɩt tɩ b yamã menem, tɩ b lebg wa rũnga, la bãmb rag n tɩ vɩɩ ne we-rũmsi, la b rag n kõta bãmb yamd wa naafo. La meenem dʋʋga bãmba, hal tɩ ta wakat ning bãmb sẽn wa n bãng tɩ Wẽnnaam Sẽn-Ka-To wã n so ninsaalbã fãa naamã n kõt b sẽn dat-a soabã.

A Dãniyɛlle 6:26

Dẽ poore, rĩm a Daryuus gʋlsa sɛb n tʋm dũniyã buud fãa sẽn be tẽmsã fãa pʋs n gomd gom-zẽnã nengẽ n yeele: «Bɩ y zĩnd ne bãane!

A Dãniyɛlle 7:14

La b kõo yẽnda ninsaalbã pãnga, waoogre, la naam. La nebã buud fãa, ne soolem-dãmbã fãa, la ninsaalbã sẽn gomd goam buud toor-toorã, tʋmda yẽnda yĩnga. La yẽnda pãnga paada wakat sẽn ka sɛta, la a pãngã ka tar sɛɛb ye. La yẽnda naamã ka na n tol n sãam ye.

A Dãniyɛlle 7:27

La b na n dɩka soolem nins fãa sẽn be dũniyã zugã naamã, ne b pãngã n kõ Wẽnnaam Sẽn-Ka-To nin-sõamyã tɩ b sooge. Wẽnnaam Sẽn-Ka-To soolmã paada wakat fãa, la pãens rãmbã fãa na n waooga bãmba, la b sak-ba.»

A Dãniyɛlle 9:14

Woto kɩtame tɩ Sẽn-Ka-Saab bas tɩ to-kãngã paam tõndo. Bala, Sẽn-Ka-Saab sẽn yaa tõnd Wẽnnaamã yaa tɩrlem soab b tʋʋmã fãa pʋse. La yaa tõnd n ka kelg bãmb koɛɛgã bala.

A Zonaase 1:14

Dẽ, bãmb yõka Sẽn-Ka-Saab sɛɛg n yeel yaa: «Tõnd kot-y lame tɩ y ra bas tɩ d ki nin-kãngã yellã yĩng ye. Da rɩk-y pʋ-peen-ned yell n dogl tõnd zug ye. Bala, yaa yãmb a Sẽn-Ka-Saab n maan y raabo.»

A Miise 4:7

Mam na n kɩtame tɩ sẽn keoosd-bã yɩ bu-kelle, la m kɩt tɩ sẽn sãeeg-bã yɩ buud sẽn tar pãnga. Sẽn-Ka-Saab na n yɩɩ bãmb rĩm Sɩyõ tãngã zugu, sẽn sɩng ne moasã, hal tɩ ta wakat sẽn ka sɛta.

A Luk Sõng 1:33

Yẽnda na n sooga a Zakoob buudã wakat sẽn kõn sa, la a naamã kõn zĩnd saab wakat ye.

A Luk Sõng 18:13

Yaood-dɛɛgdã yalsa yɩɩga, n pʋs n ka saagd n na n doog a neng yĩngr ye. La a ra pĩisda a yãoog n yetẽ: «Mam Wẽnnaam! Zoe-y mam nimbãaneg tɩ m yaa yel-wẽn-maanda.»

A Zã Sõng 5:26

Sɩd me, a wa vɩɩmã sẽn be ba wã nugẽ wã, ba wã kõo Bi-riblã pãn-tõog tɩ b tar vɩɩmã b nugẽ,

Yaoolem 32:4

Bãmb yaa Pĩiga! Bãmb tʋʋmã zemsa zãnga! Bãmb soayã fãa yaa tɩrse! Bãmb tʋʋmã zemsa zãnga! Bãmb yaa sɩd soab wakatã fãa! Zãmb ka be bãmb pʋgẽ ye. Bãmb yaa sɩda, la tɩrga.

1 Tɩmote 1:17

Bɩ rĩm ning sẽn be-a wakat sẽn kõn sa, n ka tõe n ki, la ned nin sẽn ka tõe n yã, n yaa b yembr tãa n yaa Wẽnnaamã soog waoogre, la ziiri, wakat sẽn ka sɛt ye. Ãmina!

1 Tɩmote 6:16

Yaa bãmb bal n ka kiida, n vɩ vẽenem ned sẽn ka tõe n ta pʋgẽ. Ned nan ka yãnd bãmb ye, la ned ka tõe n yãnd bãmb me ye. Yaa bãmb n so waoogre, la pãng sẽn paad wakat sẽn kõn sa. Ãmina!

Vẽnegre 10:6

la a wẽena ne soab ning sẽn vɩ-a zamaan woo zamaanã, sẽn naan-a yĩngr ne bũmb nins sẽn be beenẽ wã, la dũniyã ne bũmb nins sẽn be beenẽ wã, la ko-kãsengã ne bũmb nins sẽn be a pʋgẽ wã, n wẽen n yeel tɩ wakatã ka na n leb n kaoos yɛs ye.

Vẽnegre 11:15

Malɛɛk a yopoe soabã peeba baorgo. La koe-kãsems zĩnda arzãn n yeel yaa: Dũniyã soolem lebga tõnd Zu-soabã ne bãmb Kirisã n so. Bãmb na n dɩɩ naam zamaan woo zamaana!

Vẽnegre 4:10

kãsem-dãmb pisi la a naasã wõgemdeda sẽn zao-a geerã zug la sẽn vɩ zamaan woo zamaana taoore, n waoogd-ba, la b lobd-b maanf-rãmbã geerã taoor la b yetẽ:

Vẽnegre 4:9

La wakat ning bõn-vɩɩs a naasã sẽn pẽgd la b waoog sẽn zao-a geerã zug n vɩ zamaan woo zamaana, la b pʋʋsd-b barkã,