A Dãniyɛlle 4:30 - WẼNNAAM SEBRE 2014

³⁰ La zĩig pʋgẽ bala, gomdã paama pidsg rĩm a Nebukatnedzaar zugu. B rig a Nebukatnedzaar n yiis ninsaalbã sʋka, t'a tɩ wãbd yamd wa niigã. La meenem dʋʋga a Nebukatnedzaare. La a zoobdã yiime hal n lebg wa sɩlg kõbdo, t'a nug-yẽesã ne a nao-yẽesã lebg wa liuul nao-yẽese.

A Dãniyɛlle 4:30 Iomraidhean Croise

Sɩngrẽ 10:10

Yẽnda reng n yɩɩ naab Babɛlle, Erɛke, Akaade, ne Kalne sẽn be Sineyaar soolmẽ wã.

A Ɛstɛɛre 1:4

Woto, yẽnda rɩka rasem koabg la pis-nii, n na n wilg a rĩungã arzegse, la a ziirã, la yẽnda naamã pãng sẽn zẽk n taẽ.

Yɩɩn‑sõamyã 104:1

Mam sũuri, pẽg Sẽn-Ka-Saabo! Sẽn-Ka-Saab sẽn yaa mam Wẽnnaam, yãmb sɩd yaa kãsenga! Yãmb pɩndame, la y pida ne ziiri!

Yɩɩn‑sõamyã 49:20

La baoosgo, fo me na n bʋʋga f saam-dãmbã sẽn ka na n leb n yãnd wĩndg vẽenemã.

Yɩɩn‑sõamyã 73:8

Bãmb laada neb a taaba, n gomd ne nen-keglem. B wukda b mense, n gomd b sẽn na n maan neb a taab pãng to-to.

Yelbũna 11:2

Wuk-m-meng sã n wa, yaa paoogr n pʋgda, la sik-m-meng soab tara yam.

Yelbũna 16:18

Tɩtaam n dengd taoore, tɩ sãoong pʋgle, la wuk-m-meng n lʋɩt taoore, tɩ lʋɩɩs pʋgle.

Yelbũna 29:23

Waoog-m-meng wata ne paoogre, la sik-m-meng wata ne waoogre.

A Ezayi 13:19

Sẽn-Ka-Saab na n kɩtame tɩ Babilond sẽn yaa tẽn-neer n yɩɩd tẽmsã a taabã lebg a woto. Tẽn-kãng sẽn tar ziirã yĩnga a yaa Kalde rãmbã waoog-m-meng tẽnga. A na n lebga wa Wẽnnaam sẽn dag n sãam Sodom ne Gomoor tẽmsã.

Ezekiyɛl 29:3

Yeel tɩ maam a Zu-soab a Sẽn-Ka-Saab yetame: ‹Foom a Faarõ sẽn yaa Ezɩpt rĩmã, mam zabda ne foom! Bala, fo yaa wag-bɛ-kẽeng n gãe fo Nill kʋɩlgã ko-soay sʋk n yetẽ: Nill kʋɩl-kãngã yaa maam n so, maam n maan-a m mengã yĩnga!

A Dãniyɛlle 4:31

La yʋʋm a yopoe wã sẽn wa n pidi, rĩm a Nebukatnedzaar gomame n yeel yaa: «Maam a Nebukatnedzaar naka m neng n ges yĩngri, la mam yamã leb n wa a zĩigẽ. Dẽ, mam pẽga Sẽn-Ka-To, n waoog-ba, la m balem soab ning sẽn vɩ-a wakat sẽn ka sɛtã. Bãmb soo bũmbã fãa wakat sẽn kõn sa yĩnga. La bãmb dɩta naam zamaan woo zamaane.

Abakuk 1:11

Bãmb pɩʋʋgd n loogda wa sob-raoogo, b maanda wẽnga, la bãmb pãngã n yaa b Wẽnnaam!»

A Luk Sõng 14:11

Sɩd me, b na n sika ned ning fãa sẽn zẽkd a menga, la b na n zẽka ned ning fãa sẽn sikd a menga.

A Luk Sõng 14:9

Sã n yɩ a woto, sẽn bool-a foom ne yẽnda wã na n waa n yeela foom tɩ f yik n bas zĩig n kõ-a, fo na n yaool n tɩ zĩnda poorẽ zaoogã zugu, la f na n yãnda yãnde.

1 Korẽnt rãmba 10:31

Yãmb sã n dɩtẽ, wall y yũuda, wall bũmb ning fãa y sẽn maanda, maan-y fãa Wẽnnaam waoogr yĩnga.

1 Pɩyɛɛr 5:5

Woto me, kom-bɩɩse, sak-y kãsem-dãmbã. La bɩ yãmb fãa paam sik-m-menga, yãmb ne taab sʋka. Bala, Wẽnnaam kɩɩsda wuk-m-mens rãmbã, la b ningd sik-m-mens rãmbã zut barka.

Vẽnegre 14:8

Malɛɛk a to sẽn yaa yiib-n-soab pʋglame n yetẽ yaa: A lʋɩɩme! A lʋɩɩme! Babilond kãsengã sẽn kɩt tɩ soolem dãmbã fãa yũ yẽnda yoobã sẽn ka koakã reezẽ rãamã lʋɩɩme.

Vẽnegre 16:19

Tẽn-kãsengã welga zĩis a tãabo. Soolem toay-toayã tẽms lʋɩɩme, la Wẽnnaam tẽega Babilond kãsengã yelle, n na n kɩt t'a yũ bãmb sũ-puug-kãsengã reezẽ rãamã sẽn be laagẽ wã.

Vẽnegre 17:5

Yʋʋr n da gʋls pagã rĩirẽ, yaa yel-solemde: Babilond kãsengã, dũni pʋg-yoaadbã ne tʋʋm-wẽns ma.

Vẽnegre 18:10

Bãmb sẽn zoet rabeem tɩ yẽnda toogã na n wa paam bãmbã yĩnga, b na n yalsa yɩɩg n yeel yaa: Kayto! Kayto! Tẽn-kãsengã, Babilond tẽng sẽn tar pãnga! Fo sɩbgr waa wakat a yembr pʋgẽ bala.

Vẽnegre 18:21

Dẽ, malɛɛk sẽn tar pãng tebga kugr sẽn wẽnd neer sẽn yaa bedr n lob-a ko-kãsengã pʋgẽ n yeele: B na n tusa Babilond sẽn yaa tẽn-kãsengã a woto ne pãng n lubi, la ned kõn leb n yãnd-a yɛs ye.